عايش... ولكن !!!!


رمضان كريم
كل سنه وانتوا طيبين
المدونه الاسلاميه اللى هيا الممسك على دينه كالممسك على جمرة من نار
هيا اللى هتكون عليها بوستاتى فى شهر رمضان ان شاء الله وياريت تتابعونى هناك لان فى حاجات تهمنا كلنا هتبقى هناك وكمان فى حاجات عاوزكوا تشاركونى فيها
ويارب نكون من عتقاء رمضان
مستنيكو هناك اوعوا تنسوا
اضغط هنا
عايش... ولكن !!!!
ااول تاااج فى حياتى التدوينيه برغم داخل على سنتين تدوين
طبعا بشكر اللى اهدتلى اول تاج وهيا oRiGiNaL HeArT نبتدى بقا عدوا معايا 1.........2..........3 هههه


بدأت تدون من امتي ؟ و دخلت العالم ده ازاي ؟
انا عملت المدونه فى يناير 2007 لكن بدأت ادون فيها فى فبراير 2007 دخلت بقا ازاى ... دخلت برجليا اليمين طبعا وبارادتى ههههههه..... انا كنت دايما الاقى اخويا الكبير بيفتح صفحه كده عليها صور ليه وحاجات بيكتبها عليها فكنت مفكر انه موقع هو عامله فجيت فى مره فتحته لقيت انى ممكن اعمل الصفحه دى ومشيت وراها لغاية ما عملتها وسيبتها فاضيه فتره وبعدين عرفت ان فى حاجه اسمها مدونات وتدوين وحاجات كده فبدأت اكتب شوية بشويه فيها يعنى كل شهر مره وممكن كل شهرين ومكنتش بتابع مدونات خالص لغاية ما قولت اقلب شويه فى المدونات لقيت العالم نفسه شدنى وبدأت ادخل شويه بشويه فى عالم التدوين وادينى معاكوا ههههه

ايه كان انطباعك في البداية ؟

انطباعى زى ما قولت كنت فى الاول اهى صفحه مرميه بحط عليها شوية حاجات للزكرى وخلاص ههههههههه بس بعد ما دخلت فى عالم التدوين وبدأت اقرا مدوناتكوا لقيت انه عالم مختلف خالص واتشديت ليه

مين اكتر واحد بتهتم بتعليقه علي بوستك الجديد ؟
كنت الاول ممكن ابقى مستنى تعليق من حد معين يعنى علشان اشوف رايه ايه لكن بعد كده لقيت ان كل واحد او واحده ووجهة نظرهم فى اللى انا كاتبه مهمه بالنسبالى جدا لانى بتعلم من كل تعليق وبحاول انى استفيد منكوا

ايه أهم حاجة اتعلمتها من عالم التدوين ؟

اتعلمت حاجات كتير ممكن اقولكوا منها شوية حاجات لانى مش هقدر احصر كل الى اتعلمته يعنى مثلا اتعلمت انى اقرا كل حاجه للاخر ههههههه اصل اقولكوا على سر ههههههه ولا هتفضحونى ههههههه انا الاول كنت لما ادخل عند حد فى مدونته كنت اقرا كلمتين فى اول الموضوع وكلمتين فى نصه وكلمتين فى اخره واعرف مجمل الموضوع ايه وكده قشطه جدا وكول يا مان وادخل اديله كلمتين زى الفل وعلى كده لكن بعد فتره قولت طيب وانا بتعب نفسى ليه واروح ازور حد فى مدونته واقوله الكلمتين دول طيب هو معقول مستنى منى ده طيب ما تحاول تقرى الموضوع كله يمكن تستفيد وبالفعل بدأت اقرى كل موضوع لاخره وبجد لقيت ان كده بستفيد اوى صحيح ساعات بتطلع مواضيع ملهاش لازمه بس المعظم بيبقى يفيدنى جدا ده غير انى اتعملت انى اتقبل النقد وحاول احسن من نفسى وبصراحه لما بكتب حاجه خاصه بيا بحب اوى اللى يدخل يقولى لو كانت كده تبقى احلى يعنى بحس انه كده يفيدنى اكتر ومحدش طبعا بيتعلم بالساهل

ايه أكتر حاجة كرهتها ؟

من ناحية كرهت فموصلتش لحد الكره بس فى حاجات ضايقتنى شويه يعنى ممكن اقولكوا كام حاجه
الناس اللى لما تقرا موضوع معين وعلشان عاوزه ترد رد مش كويس بدل ما ترد باسمها تلاقيها عامله رد مهزء شكلها ومكتوب مكان اسمها غير معروف ..... طيب مدام انت يعنى جرىء كده طيب مش تعرفنى انته مين علشان لو مش فاهم وجهة نظرى افهمك
وكمان بردو لما دخلت مره فى احدى المدونات بتاعة واحده عماله بتتكلم عن حاجات معجبتنيش قولتلها رأيي بصراحه قام رأيي معجبهاش قامت قالت كلام عليا ومش ده بقا اللى ضايقنى اللى ضايقنى اكتر ان فى بعض المدونين اللى بيزورونى كانوا بيزوروها وعاجبهم نظامها وجرحوا فيا وانا مقولتش لحد فيهم كلمه تضايقهم حتى ولا حتى صاحبة المدونه دى
وكمان انى ادخل الاقى تعليق من حد تلاقيه كاتبلك زى الفل وتمام وكلمتين فى الهجاص وخلاص .... هو اللى انا كنت بعمله زمان بيطلع عليا ولا ايه ههههههههههههههه اصل معنى الكلمتين دول انه مقراش الموضوع وحب يقولى انى جيتلك اهو ههههه زى ما كنت بعمل زمان انا توبت خلاص ومبقيتش بعمل كده ههههههههه ياريت بقا اللى لسه بيعمل كده ياخد بنصيحتى بجد هتتعلم كتير

حاسس ان التدوين له تأثير ؟
اكيد طبعا ومعتقدش انى لوحدى انا اللى حاسس ان التدوين له تأثير واللى مش حاسس بكده المفروض ميدونش لانه المفروض ميكملش فى حاجه مش مقتنع بيها التدوين عامة له كذا تأثير على الشخص اللى بيدون وعلى اللى بيقراله وحاليا بقا ليه تأثير على المجتمع او ع الاقل عامل شوية وش للناس اللى واكله البلد واهو زى ما بيقولوا العيار اللى مبيصبش يدوش ده غير انى معظم اللى عرفتهم فيه بجد ناس كويسه جدا وعقليات تستحق الاحترام

تهدى التاج لمين ؟
mero-moory
Angel
PrInCeSS BeRy
fire bird
سنووايت
كوارث
appy
نور الدين
Eng \ Ayman
وكل حد حابب انه يجاوب على التاج ده

عايش... ولكن !!!!
الحمد لله الفرح تم بعد كل الظروف اللى حصلت قبله وكذا حالة وفاه وحاجات كده بس اهو اتعمل ع الديق كده وربنا سهل

انا قولت بقا اعيشكم فى مود الفرح معايا شويه





العروسه واخويا العريس عقبالكوا كده اللى متجوزش يتجوز واللى مخطبش يخطب وعقبالى قبلكوا ههههههههههه



ايه رايكوا وانا عريس يووووه قصدى وانا بالبدله مش عريس بالزمه ههههههه شوفولى عروسه بقا





شوفتونى وانا بقا بالنظاره هههه عثل عثل هههه

كفايه عليكوا كده بقا



عايش... ولكن !!!!
ههههههههه الاخبار دى مش عايزه منى اى تعليق بصراحه
انا بس عايز اقول ان ممكن اى حاجه تحصل الا اننا نغلب البرازيل ههههههه