اسمعوا اللى موجود فى اللينك ده
ومش بس اسمعوه ياربت كلنا ننشره
"لان يهدى الله بك رجلا واحدا خير لك من الدنيا ما فيها"
دى واحده مسيحيه اسلمت وبتحكى تجربتها
اتمنى كلنا نسمعوا وننشروا
ده اللينك
http://www.way2allah.com/modules.php?name=Anasheed&op=Detailes&khid=2421او
اضغط هنااااااااااااااااااااااااااااااااااااااااااااااااااااا
|
امبارح الساعه العاشره صباحا اخدت شنطتى انا واخويا بهاء وخلاص مسافرين للغردقه .... خرجت ومشتاق للغردقه لانى مروحتهاش من الصيف اللى قبل اللى فات ركبت طبعا اول ميكروباس رايح القاهره ويارتنى اخدت تانى واحد :)
السواق طلع اغلس سواق شفته ... قدام كل بلد يقف يدور على واحد وانا بقا من جوايا عمال اقول يارب اكرم ب4 ولا 5 علشان نخلص :) لغاية ما جه وقف قدام بلد ع الطريق وربنا رزقه بعسكرى مرور ركب معاه ..... وطبعا ما ادراكوا يعنى ايه .... يعنى 5 جنيه ضاعت ع السواق ههههه اصله مش هيدفع طبعا قولت يلا بركة دعايا :))
المهم وصلت والحمد لله والمفروض انى كنت هسافر من شكرة اسمها الجونه قرب مبنى الاذاعه تقريبا المهم انا نزلت عند مبنى الازاعه انا واخويا ولسه هبتدى ادردش معاه لقيت واحد بيقولنا تيجو تصوروا معانا يا شباب :)) انا قولتله نعم ووش رافع حاجبه :) قالى احناقناة النيل للدراما وشاورلى على الكاميرا وانا بقا قولت فى نفسى ايه الحلاوه دى والله وهتطلع فى التلفزيون يا واد يا بشمهندس يا علاء ...( ايه كل اليا دى ههه ) المهم قولتله وماله نصور ... طيب هنصور ايه ... قالى بنتكلم عن عفاف شعيب علشان مستضيفنها انهارده
هههههههههه ومقلكوش بقا انا كان نفسى اضحك فى وشه وماسك نفسى بالعافيه ههه اصلى مش فاكر مثلت ايه قبل كده ... المهم لقيته كمل كلامه وقال يعنى مثلا دورها فى رافت الهجان .... (وانا بردو نفسى افتكر كان دورها ايه فى رأفت الهجان ههه) سألت اخويا بقا بعد ما مشى ... قالى كانت اخت رأفت ومثلت فى مسلسل الشيخ الشعراوى وكان ليها دور ام مشهور اوى فى مسلسل كده مش فاكر اسمه دلوقت
المهم انا وقفت قدام الكاميرا وقلت الكلمتين اللى فيهم النصيب ومشيت
روحت بقا عند الشركه اللى هنسافر منها ... كان معاد الرحله الساعه اتنين الا ربع والساعه كانت واحده ونص فضلت قاعد لغاية اتنين ونص وكل شويه نسأل يا جدعان الرحله كانت اتنين الا ربع الساعه دلوقت اتنين ونص يعنى ساعه الا ربع تأخير ... مينفعش كده
رد واحد جنبى بيقولى ياعم انت فى مصر
قولتله تصدق نسيت ... معلش عندى دى هههه
خمس دقايق وقالوا يلا يا جماعه الاتوبيس وصل
طلعنا بره الشركه واقفين كلنا مستنين جناب الاتوبيس انه يجى
لقيت واحده كده عندها حوالى 45 سنه عامله شعرها ديل حصان ههه وشايله ( مخله ) او شنطه قماش بس مبهدله للى مش عارف " المخله " المهم جايه نحيتى وبتقولى "هات نص جنيه" بصيتلها وفطست من الضحك ههههههههه نعم يا حاجه قالتلى نص جنيه اركب بيه مواصله قلتلها اشمعنه نص جنيه يعنى مينفعش جنيه قالتلى اللى تجيبه قلت يعنى المينيمم اتشارش نص جنيه ولا ايه ههههه ماشى يا ستى جنيه اهو وخلى الباقى علشانك حلاوة انى مسافر هههههههه عادى بقا بحب يتضحك عليا بمزاجى هههه
ركبت الباس وطبعا كان فى اجانب ومزز كتير بس مشدنيش حاجه غير واحده دخلت الباس لابسه احمر ومظبطه نفسها اوىىىىىى اول ما دخلت لقيت السواق قالها تعالى اقعدى هنا قولت فى بالى ياعم مهو الباس لسه فاضى اشمعنه يعنى هنا :)
هيا الرحله باينه من اولها ... طلعنا من هنا والسواق بقا ماشى على اقل من مهله ونازل رغى وضحك مع الاموره والظاهر ان فى واحده ورا شافتهم فغارت منها قامت سايبه كرسيها وراحت قعدت قدام على السلم جنبهم ههههه وهاتك يا هأهأه هههههه واانا قاعد مطأطأ ودنى هههه مش فضول منى بس لان كلامهم كان اصلا مخلى الباس كله واخد باله حتى الحاج الى كان قصادى كل شويه يبصلى ويضحك ع اللى بيحصل وكان المدام بتاعته وبنته معاه وتحسوا من نظرته انه بيقول ليا ههههه ( ناس هايصه وناس لايصه ) هههه
على ما وصلنا لنص الطريق كان الناس اتخنقوا من السواق وكانت هتحصل خناقه ومكنتش هوصل الغردقه ( شكل حد فيكوا كان باصصلى فى السفريه دى ) هههه
والسواق اصلا كان جته وضخم وعليه شنب يقف عليه صقرين مش صقر واحد بس
انا كنت صورته مش فاكر لسه صورته موجوده ولا لا لان الموبيل مش معايا دلوقت
وبعد ما الواحد ورم من القعده ( 7 ساعات ) وصلنا الغردقه وانا نازل من الاتوبيس كنت سامع الاغنيه بتاعة ( حمدلله ع السلامه يا جاى من السفر ) عماله ترن فى ودنى ههههه 7 ساعات بقا
روحت مقتوووول يادوب اتعشيت ونمت
انهارده بقا صحيت فطرت مع اخويا وهو راح شغله ويالهوى ع اللى حصلى
نايم ع السرير مش لاقى حاجه اعملها قولت افتح التلفزيون مع انى كنت حالف ما اشوفه تانى من ايام اخر مره ما كنت حاكيلكوا ع المسابقات
اخويا عنده 320 قناه اول ما فتحت لقيت قناه بتاعة مسابقات فى وشى يالهوىىىىىىىىى انتوا تانى هو انتوا ورايا ورايا
حل اللغز تكسب 100 الف دولار .. يا نهار ابيض يعنى اكتر من نص مليون دولار
طب اللغز ايه ياست الكتكوته ... اللغز يا سيدى ( كيلو الزيت فيه كام نقطه ) فطست على نفسى من الضحك .... طبعا سبع نقط يا ست الكتكوته ... ومعانا اتصال ونقول صباح الخير يلا جاوب ع السؤال ... بسم الله انا مسكت قزازة زيت وفضيتها فى كيس وقعدت انقط منها لغاية ما وصلت ل الف وخمسية نقطه .......
يالهوىىىىىىىىىى الله يخربيت اللى بتفج ع التلفزيون ياجدع
طفيته وقعدت شويه مش لاقى حاجه اعملها ... فتحته تانى وقعدت اقلب فى 300 وشويه قناه اللى موجودين مش لاقى ولا قناه عدله اتفرج عليها ...... خدوا بقا تقليب فى التلفزيون حوالى 4 ساعات لغاية ما ايديا وجعتنى من التقليب
قولت اقوم اشوف حاجه اكلها
يادى النيله مش بعرف اطبخ حاجه
مسكت التليفون وكلمت امى .... ايوه يا حاجه فى نص فرخه هنا فاضله من امبارح اعملها ازاى دى ... يعنى انتوا اصلا كنتوا مسوينها .... اه ..... طيب اعمل اللى هقولك عليه
وعملت والحمد لله كلت وكله تمام وعملت الشاى وكمان جبت ساقع يعنى كله قشطه ههه ..." مش عايز نق عليا زى المره اللى فاتت "
من ساعه ونص تقريبا بقا لقيت اخويا بيتصل بيا وبيقولى انا فى المطعم تعالى علشان تتعشى معايا .... قشطه يلا انا مسافة السكه روحت واتعشيت بقا بردو فراخ يادى النيله يكلى هريش من كتر الفراخ اللى باكلها
ماصدقت لقيت نت كافى فى طريقى وانا راجع قولت اجى امسى عليكوا علشان واحشينى
واعزرونى بقا اليومين دول مش هقدر اتابعكوا لكن اول ما ارجع هشوف كل البوستات اللى فاتتنى والجديد كمان
وعلى رأى المثل
اضحك و انشرح و اوعى صابعك ينجرح
|
وسط الزحام
عند المترو الساعه سته
والناس حوالينا فى كل حته
لقيتها بتقولى الساعه كام
اتبرجلت انا فى الكلام
قولت ها؟
الساعه راكبه بسكلته
يووه انا اسف بشده
الساعه دلوقت بتدق سته
زى القمر ... بدر البدور
قالتلى ايه؟.. هتعيش الدور
قولتلها قلبى مغرم صبابه
يامو الرموش اخر طيابه
قالتلى شكلك والله بياع كلام
قولتلها طب عينك فى عينى
قلبك اهو بيقولك صدقينى
مانتى اللى فى خيالى من زمان
وبحلم بيكى كتير.. من قبل الاوان
بنفس الصوره شوفتك.. بنفس الحنان
فكرانى ولا لسه اقول كمان ؟!!!
ولا انا يمكن بياع كلام ؟!!!
فاكره حبك زمان اللى اندفن ويا السنين
وكل ما تبصى فى مرايتك يملاكى الحنين
فاكره لما كنتى بتسهرى ويا السهرانين
تتكلموا فى الحب واشتياق المحبوبين
فاكره ولا اقول كمان ؟!!!
ولا انا يمكن بياع كلام؟!!!
استغربت والحيره بانت على وشها
معقوله انته..طب كنت فين من وقتها
سكت انا ورديت بعينى
ولما طال السكات سألتها
هتصدقينى؟!!!
فراقنا كان مفروض عليا
وخوفت اقلك انى هبعد لجرحك
هاجرت وسبت الدنيا ديا
....حتى دلوقت انا بنصحك
ابعدى .... واتعودى على بعدنا
انا اصلى اخترت انى اهاجر
انشاله لو مليون سنه
|
انهارده وصل الباش مهندس كريم باعتبار ما سيكون بقا ان شاء الله :) زى عمه بقا :)
وبقيت عم والواد صحيح شبه ابوه وانا شبه ابوه يعنى الواد شبهى بردو ههههههههه لا احلى طبعا :)
نقول مبروووووووووك لبهاء اخويا ويارب يكبر فى عزه يارب وعقبالى بقا
معندكوش عروسه ليا :)
بس بشرط عندها شقه وعربيه اخر موديل و معاها فلوس فى البنك وياريت لو معاها عيال بقا بالمره علشان متعبش نفسى اهو يبقى معاها عيالها :))))) و .... كفايه كده لما تلاقوها بقا يبقى ربنا يكرم واشوفلكم طلب تعجيزى غير دول :)))
ولا بلاش العيال
اصل على رأى المثل
ابنك ما يبقاش ابنك الا لما تجيبه من فوق كراسى قلبك
|
