كثيرا ما كنت اسمع هذه الجمله "لله يا محسنين لله ... حسنه قليله تمنع بلاوى كتيره " سواء فى الشارع او حتى على شاشة التلفاز , وكنت بها اعلم ان هذا احد المتسولين ولم ينتابنى شعور قط انهم يكذبون او يخادعونى فكنت اعطيهم ما معى ونيتى خالصه لله بل وادعو لهم.
وقد كانت تمارسها بعض الشرائح المعدومه اقتصاديا أو من بعض الفئات التي تعاني أمراض معينة مزمنة ، أو من ذوي الحاجات الخاصة ، ولم ترقَ لمستوي ظاهرة عامة ، بل كانت تعبر عن حالات فردية تنتشر هنا وهناك , وقلما تجد من "ينصب" عليك ...........
اما فى ايامنا هذه تحولت الى مهنه وصنعه وعلى رأى بعضهم " الايد البطاله نجسه " وما أن اتخذوها مهنه الا وبدأوا فى الابتكار فيها واختراع طرق جديده للتسول واهم ما فى هذه الطرق ان تكون تعمل على الجانب النفسى لدى كل مواطن فتستعطف قلبه كى يخرج ما معه برضاء منه وهكذا حينما تتحدث مع احدهم يقول لك " احنا مابنسرقش يا بيه احنا بناخد الفلوس برضا الناس " الم تسمع هذا الحديث....
عن عبد الله بن عمر رضي الله عنهما قال : قال رسول الله صلي الله عليه وسلم :" ما يزال الرجل يسأل الناس حتى يأتي يوم القيامة ليس في وجهة مزعم لحم"
ظاهرة التسول ...."وهى بالفعل اصبحت ظاهره بكل ما تحمله الكلمه من معنى" ... ليست هى وحدها المشكله فقد قرأت احدى الدراسات العلميه التى تشير إلى وجود علاقة متلازمة بين التسول الذي يفرز معه أسوأ النتائج وهي السرقة فالإنسان حينما يفقد الحياء ويمد يده للغير وينتقص من كرامته الآدمية مهما كانت الظروف ويتسول وبالتالي يسرق فهو لن يتوانى عن فعل أشياء أكثر بشاعة وسؤً فالمسألة مرتبطة بالمخزون القيمي واحترام خصوصية الآخر وممتلكاته حينها لا شيء يردعه عن التسول وحتى السرقة والذي يتحول بفعل الممارسة وغياب الضوابط الرادعة والأجهزة الأمنية التي عليها واجب فعلي حماية المواطنين ومعاقبة من تسول له نفسه بانتهاك حرمة الغير , إلى سلوك طبيعي يمارسه في حياته اليومية, دون أدنى شك الموضوع مرفوض شرعاً وكعمق اجتماعي وعامل أخلاقي وقيمي , فمن يمد يده للغير بغرض التسول لمرة واحدة لن يتردد بفعلها ثانية وعاشراً بل لربما يصبح التسول مهنة سهلة ومربحة وليس حاجة دفعته الظروف لذلك.
وقد انتشرت هذه المهنه بين جميع الفئات سواء كانت نساء او اطفال او حتى الشباب ولكن لكل طائفه منهم اساليبهم فى اخذ ما فى جيبك برقه وبلطف .
بل ان بعض النساء ممن يحترفن التسول فى الشارع بين اشارات المرور تعرض لمسه لجسدها مقابل 10 جنيهات وقس على ذلك...
منذ بعض الايام وجدت الجرس يدق فتحت الباب وجدت امرأه فى الثلاثين من عمرها ....
فسألتها من انتى ؟!!
قالت أنت الاستاذ علاء؟
أجبت وعلامات الاستغراب على وجهى .. نعم, انتى تعرفينى ؟!!
قالت لقد سألت اهل الخير فدلونى عليك وسمعت منهم كثيرا عن طيبتك وعن كرمك فجئت اسألك ان تساعدنى كى لا أقف مثل هذه الوقفه مره اخرى.
استعطفت قلبى فاعطيتها ما معى واغلقت الباب ثم ذهبت الى الشباك كى اراها الى اين ستذهب فوجدتها قد ذهبت الى جارتى وبنفس الطريقه دخلت عليها فاستعجبت ... كيف لها انت تعرف اسمى واسم جارتى ؟!!!
واذا بى وانا اخرج ليلا وكعادتى ادخل الى السوبر ماركت لاشترى منه بعض لوازمى
سألته محدش سألك عليا انهارده؟!!
قال: فى واحده كانت بتسألنى مين فى البيت ده؟ .. واشارت الى بيتك فأجبتها وسألتنى عن اكتر من بيت,
وهنا علمت حل اللغز .
طريقه لم تخطر ببالى ابدا فدائما كنت ارى هؤلاء ينامون فى الطرقات في مظاهر بعضها مثير للكآبة وأخرى مؤلمة احترفها هؤلاء الناس بممارسة مهنة " الشحاته " , منهم أيضا من يقوم بتجبيس يده أو رجله أو إغماض عينيه بطريقة مشوهة ومنهم من يتصنع البلاهة والجنون ومنهم يدعي كارثة حلت في بيتهم كوفاة أو حادث سير مؤسف,, ولكى لا اظلم احد ولا اجور على احد الفرق بين المحتاج والمتسول شاسع جدا ً المحتاج إنسان متعفف تأبى نفسه عن مسائلة الناس حتى لو كانت الحاجة ملحة أما ما نشهده في حياتنا اليومية فأغلبهم أناس محتالون ارتضوا الذل وامتهنوا مهنة تهين كرامة أي مجتمع وإنسان, وأذكى الناس لن يفلتوا من حيلهم, وقد وقعت فى حيله اخرى من حيلهم وانا اتجول فى الشارع فوجدت من يوقفنى ويقول لى: لو سمحت ممكن دقيقه بس من وقتك؟
وجدته انيق جدا ولا يبدو عليه سمات " الشحاته " او "النصب". فقلت اتفضل ...
قال: انا من اسكندريه ودى بطاقتى اهى والفلوس اللى كانت معايا وقعت ومش عارف اروح انا عايز منك ولو 3 جنيه بس اركب بيهم
... ولكنه لم يكن ذكيا فأقل مواصله من بلدى الى الاسكندريه 7 جنيهات اللى هيا القطار فأدركت بأنه "ينصب " عليا فقلت له: وانا كمان مش من البلد دى ومعايا اللى يوصلنى يادوب للبيت انا اسف .
وتركته وذهبت ولكنى كعادتى عندى حب استطلاع جلست اراقبه من بعيد فوجدته يفعل ما فعله معى بالظبط مع اكثر من 5 اشخاص منهم 3 اشخاص كل منهم اعطاه ما لا يقل عن 5 جنيهات " يعنى كان يقدر يروح اسكندريه ويجى كمان " ولكنها اصبحت مهنه.
جلست افكر كثيرا لماذا وصلنا الى هذه الدرجه ولم انتشرت ظاهرة التسول ؟
فوجدت الاسباب كثيره جدا لا حصر لها وعلى سبيل المثال لا الحصر ً سوء الحالة الاقتصادية وعدم الاهتمام بالمواطن العادي وانتشار الجهل والأمية وغياب الرادع الديني الذي يحرم التسول وينهي عن السرقة ( لا اقصد انه لا يوجد رادع دينى فى القران والسنه ولكن لا يوجد من يتابع هذا الموضوع من الدعاه ويلقى عليه الضوء) , وانقطاع الأطفال بشكل مبكر عن الدراسة واتساع مشكلة البطالة فقلة الحال تدفع بعضهم الى هذا وجشع بعضهم يجعلهم يقومون بهذا
ولكن ... بهذه الطريقه سوف يظلم من يحتاج الى هذه المساعده بسبب هؤلاء
واخيرا ادعوكم الى قول هذا الدعاء حينما ترى اى متسول او اى صاحب عاهه
الحمد لله الذى عافانا مما ابتلى به غيرنا وفضلنا على كثير ممن خلق تفضيلا
|
فعلا بقت حاجة غريبة متعرفش تفرق بين المحات والي بيستهبل بس أنا كنت سمعت فتوى إن طالما انت بتدي بنية الصدقة فإنت تؤجر عليها سواء كان محتاج أو لا وربنا هو الي عالم وبيحاسب..
كل ودي
اكيد طبعا ان انت مدام بتدى بنية الصدقه بتؤجر عليها بس انا سؤالى هل لو انته حصل كذا مره معاك ان اتنصب عليك كده هتدى تانى ؟!!! يبقى كده هنظلم بعضهم اللى بيبقى محتاج بجد
ولو فرضنا ان الواحد ادى تانى يبقى هيخرج الفلوس وهو شاكك فى اللى بيديله
عموما نورت مدونتى
بص يا علاء
متفكرش كتير
طلع اللي فيه النصيب وخلي نيتك لله
وعلي فكره الزكاه جائزه للعاملين عليها
ربنا يغنيهم بالحلال
ولو كانوا لقوا وظيفه تانيه كانو اشتغلوها
يارب ارحمنا يارب
ليكوريكا
الحمد لله الذى عافانا مما ابتلى به غيرنا وفضلنا على كثير ممن خلق تفضيلا
بارك الله فيك يا عثل بجد الحمد لله على اللى احنا فية ربنا يسترها معانا ومعاك
وبعدددددددد ده كله
يروحوا يناموا ف عشوائيات
تقع عليهم صخور
يتسحقواااااا
يتسحقوا حيا وموتى
يااااااااااااااارب
ليوريكا
شكرا لنصيحتك
بس بجد الموضوع زاد عن الحد قوى
ربنا يعافينا جميعا
PrInCeSS BeRy
اللهم امين
ياريت يا بيرى بس نفسى بجد نغير من نفسنا بقا احنا بقينا كل يوم بنرجع ميت خطوه لورا
*****************
د/ اجدع بنوته
على رايك مهو اللى حصل فى المقطم مش شويه
ربنا يرحمهم ويغفر لموتانا وموتى المسلمين
طيب تقول ايه بقى فى اللى تقابلك توفقك فى نص الطريق وتقولك ان فلوسها ضاعت وانها مسافرة .. وبعد خطوتين كمان تلاقيها مقابله غيرك تسمعه نفس الاسطوانة
انا فى مرة قاعده فى امان الله والاقى واحده طول بعرض وصحتها تهد جبل ما شاء الله جاية تقول حاجه لله .. قولت لها ما شاء الله شكلك كويس ولسه شباب ما تروحى تشتغلى اى شغلانه الشغل مش عيب قالت لى لاء الشغل عيب وبهدله وقلة ادب
تفتكر ممكن اديلها ايه انا دى ماهو انا بشتغل وبتبهدل وبقل ادبى كدا على حد قولها يبقى جاية ليه تطلب منى حاجه لله .. بس الناس المحتاجه فعلا بيبان عليها وساعات بتحس انهم منكسرين وعندهم عزة نفس كمان
كل سنة وانت طيب
الحقيقه كويس انك فتحت الموضوع ده وفعلا المدونه جميله و فكرة ان صلاح جاهين اللى موجوده فوق جميله
اللى العن من كدة بقى انهم بيأجرو عيال يشحتو بيهم وعليهم
ووقت أذان المغرب بالظبط ووقت الفطار
تلاقى الباب بيخبط وحاجه لله
وعاوزة افطر وافطر العيل اللى على كتفى دة وتلاقيها شايله عيل بيرضع وتقولك ابنى وهى قطعت الخلف من أيام تأميم قناة السويس بس هتعمل ايه؟
بتبقى اوقات صعبه وأيام مفترجه وحتى وانت عارف انها كدابه مش بتقدر تمشيها من غير ما تعطيها اى شئ
الاستاذ علاء..كما علمت من البوست
انا كتبت عن هذا قبل كام بوست
الحقيقة أن هناك بالفعل من يحتاجون ..ويختلط هذا بذاك..ولكنى حينما ارى امامى انسان معاق او متورم الاطراف مثلا لايمكن ان اقول علية انة قد فعل فى نفسة ذلك ليشحذ
أما من هم يستسهلوا الشحتة فأنا تقريبا اعرفهم واقولك على شئ تفعلة كما اوضحت فى البوست(مع الاختلاف)
انا جتنى متسولة وبعافية ..فعرضت عليها ان تشتغل فوافقت علمت نيتها حينها وشكرتها وبالفعل اشتغلت لدى فى المنزل
بالنسبة لك قد تكون فعلت خير كثير اذا اعنت انسان او انسانة فى ان تجد لها عمل ولو بسيط يعينها ويكفيها اعراض ومواجهات التسول ىامثال ماذكرت من عرض جسدها فى مقابل جنيهات.
شكرا لك
بص هو الموضوع ده فعلا يستحق المناقشة
بس انا مش مع الراى انك تديهم وخلى نيتك لله انا عارفة ان ده صح اوك
بس طول ماحنا بنديهم فاحنا بنشجعهم اكتر على التسول لكن لو لقوا ان الشغل هو انسب طريقة لوجود المال كانوا اشتغلوا وتعبوا
لو لاقيت حد بيبع مناديل او اذكار خدها واديله اكبر من تمنها ساعتها انت بتساعده بس هو كدة مش بيتسول
الرسول لما اتاه واحد كى يطلب المال انا مش متذكرة اوى بس خلاه يبيع حاجة عنده هى الحاجة الوحيدة اللى عنده وخلاه يشترى فاس ويرزح يزرع ويبع وفعلا كسب فلوس واحنا مفروض نقتدى بالرسول صلى الله عليه وسلم
الرسول كان ممكن يديه المال ويساعده بص سبحان الله الحكمة فى انه علمه وعلمنا
وكمان فعلا انت قلت نقطة مهمة جدا المحتاج دايما بتبقى نفسه عزيزة جدا ومبيطلبش
تحسبهم اغنياء من التعفف
ولعلمك انت ممكن فعلا تطلع الصدقات لناس محتاجة بجد
بيكونوا محتاجين اكتر من المتسولين فعلا
تحياتى
ايمى
ديسرت كات
الموقف ده حصل معايا كتير بس عملته مده واتعلمت بعد كده المشكله انهم كده بيقطعوا الطريق على واحد مثلا يكون محترم وحصله الموقف ده ومش عارف يتصرف بس نقول ايه بس
وانتى بألف صحه وسلامه
************************
انى احبكم فى الله
شكرا على الاطراء ده
ويارب متكونش اخر زياره
كنارى
عندك حق بيجيبو ناس يشحتوا بيهم بس انا مبقتش ادى حد منهم بصراحه لان الواحد لما يخرج الصدقه وهو عارف انها رايحه لحد محتاج يبقى احسن اكيد
شرفتينى بزيارتك
***************
بنت سيناء
انا قريت بوستك قبل كده
وعلقت عليه بس انا بصيتله من ناحيه تانيه اعتقد ده باين فى الموضوع
شكرا لزيارتك
**************
EMMY BABY
انا من رأيك لاننا كده هنساعدهم على اللى بيعملوه برغم اننا هنظلم طائفه منهم
وطبعا اللى محتاج بتبقى نفسه عزيزه بس بيبقى فى ناس محتاجه وبتمد ايدها غصب عنها لان ملقتش مكان تانى تقدر تصرف بيه تانى عليها بس طبعا هيتظلموا فى وسط الناس دى
شكرا لزيارتك ومنورانى دايما يا ايمى
هو فيه ناس بتكون محتاجه بجد
بس دي بقت فئع قليله جداا
واغلبهم مش بيطلبوا وبيستنوا اما
انت اللي تديلهم
للاسف بقيت الناس بتستسهل الموضوع وخلاص
السلام عليكم ورحمة الله وبركاته
تعرف يا علاء ايام الجامعه كنت بشوفهم في الشارع وبروح نفسيتي تعبانه جدا بسبب اللي بشوفه حد رجله مريضة وست ربنا يعافيها بجد كانوا بيصعبوا عليا جدا ولو طفل بيشحت وانا باكل بديله اللي باكله وفلوس كمان بيصعبوا عليا اوي صحيح في منهم بيكون سليم وبيشحت بس موش عارفه ايه السبب الحكومة في اللي بتعمله في غلاء الاسعار ولا قلة حيلتهم عشان يقدروا يعيشوا وسط الناس اللي بتلعب بالملايين وموش بيحنوا على المواطن المصري الفقير ويقولوا هنعالج ده ونجوز ده ونعلم ده بجد البلد كل يوم بتزداد سوءا بس صدقني حتى لو اللي قابلتهم غرضهم النصب أنا عازراهم العيشة في مصر تدفع العاقل للجنون والسليم للانتحار والشريف للسرقة
بجد ربنا يعافينا ويرحمنا برحمته
نسيت اقولك حاجه يا لؤا
سوري لتأخيري في متابعة المدونة
وأسلوبك رائع في الكتابة الصحفية وطرح المثال عند كل فصل يدعو لذلك تعالى نبدل بقى (غمزة عين) (حاسه إني تامر حسني وبقول عدى عليا ورماني بنظرة عين ههههههههه سلم عليا وقال كلمتين احم احم)
موث تزحل بقى هتابعها بعد كده والله
في رعاية الله
اكتر حاجة بقة بتدايقنى
الشحاتة بالبجاحة
يعنى بيبقة عارف انك عارف انه مش محاتاج
بس وشه بجح وبيطلب منك بغلاسة كده
ولو مدتهوش بيبقة قرفان منك اوى كده
وكان الاية اتقلبت
بجد ظاهر مستفزة جدا
موضوع راااااائع
ما شاء الله
و اشكرك على زيلرة مدونتى و هو فعلا دلوقتى الناس من كتر ما بتتخدع
مش بقت
عارفة مين فعلا المتسول و مين المحتاج
لانها حصلت مع ماما مرة
و من حسن الحظ ان هى كانت واحدة صاحبتها عارفاها
فقالتلها
جزاكو الله خيرا
معلش طولت في التعليق شوية
و تحيااااتى
رمضان كريم
عزيزي احنا في مصر انا مرة بقي حصلي موقف غريب اووي زي اللي انت اتعرضت ليه وكل مرة لازم يبقي معايا حد من زمايلي اول مرة كنا ماشيين ومش معانا ولا مليم وقفنا واحد لابس بدلة جنتل جداً يعني المهم وقف زميلي وقاله ممكن لو سمحت تديني 2 جنيه عشان حصلي ظرف كده ومش معايا فلوس فضلنا نضحك احنا اصلا مش معانا فلوس وجينا تعبانا من كتر المشي فقعدنا قدام شوية وفضلنا برضه نراقبه وكان نفس النظام
******
تاني مرة بقي كنا بناكل في محل وخرجت انا وزميلي واحد غيره عارف الاطفال بقي مش حد كبير بتقوله يارب تتجوزها قالها ربنا يسهلك مسكت في الشنطة بتاعتي بتقوله اديني جنيه يأمي مش هسيب الشنطة قالها هاتصل بالبوليس سابت الشنطة وقالتله ربنا ياخدك انت وهيا
تحياتي كل عام وانت بخير
سبحان الله
بص هى ظاهرة منتشرة ووخطرة جداا
لانها تهدد المجتمع ككل فممكن المتسول دا يتحول لسارق او قاتل يعنى ممكن التسول تكون مرحلة تمهيدية لما يأتى بعدها
بس الموضوع محتاج لوقفة جادة لابد من ايجاد حل سواء للمحتاجين فعلا
او لمدعى الحاجة لابد من توفير حياة كريم لهم وعمل ولو بسيط واعتقد انه ممكن يكون حل
خاصة للفئة المحتاجة حقاا لا مدعى الحاجة
موضوع جميل وثرى بالمعلومات
جزاك الله خيراا
ان شاء الله يوم السبت الموافق 13/9
هيكون فى تجمع للتبرع فى مستشفى ابو الريش للاطفال
بناء على اقتراح قوس قزح
اتمنى انى اشوفكم هناك
تعالوا نحاول نرسم بسمه ونطهر ذنب
وبعدين هيكون فى افطار جماعى
انا مدونة جديدة عندي 16 سنة وعايزة اعرف رأيك
فلتعط السائل و المحروم .. من يستعفف قبل من يطلب و لتعط الاثنين لأنك تعاملهم في الله ..
موضوع مهم جدا
تحياتي
ياسمين
الاستاذ علاء سؤال خارجى..كيف اغير خلفية مدونتى شكل غير الخلفيات اللى موجودة على بلوجر؟؟اى حد عارف يرد
والله يا علاء انت عندك حق الموضوع بقى مهنة فعلا بس فى ناس بيبقى باين عليهم انها مش مهنة خصوصا العيال الصغيرة والله دول بيوجعوا القلب قوى يا علاء وبيبقى باين عليهم انهم عايشين فى الشارع بجد...........
عارف بيبقى نفسى يبقى عندى فلوس كتيييييييييييير واعمل لهم مؤسسة يشتغلوا ويتعلموا ويناموا ويبقى لهم الحق فى الحياة زيي و زيك......
والله انا باحس انى انانية و معنديش احساس لما اكون انا زعلانة جدا عشان عندى مشكلة واتصدم لما الاقى حد منهم مش لاقى حياة اصلا عشان يبقى عنده مشاكل ..... كل اللى اقدر عليه انا وانت و اى حد اننا نحمد ربنا ونحاول نساعدهم و بس........
انا اساسا خرجت عن الموضوع بس الموضوع دة بيوجع القلب فعلا..........
ايه الرخامة دى انا معلقتش على اسلوبك... اسلوبك حلو وتقريرى جدا عاقل ورصين كدة... ايه الحلاوة دى يا عمونا...
كل سنة وانت طيب واغفر كلامى الكتير ورخامتى دى سلام بقى كفاية كدة صدااااااااااااااااااع
طيب اقولك موقف كنت مره في المترو
وكان في واحده قالت كل مصايب الدنيا وهي ماشيه مش قادره تتحرك لدرجه اننا كنا حاسين انها هتقع
وكتير ادوها
واول اما المحطه جت
نزلت صاروخ عشان تلحق العربيه اللي بعدها
جريت جري احنا ياصغيرين
مش نقدر نعملها وهنفوت المترو
اللي محتاج بجد بيبقي لو هيموت عمره مابيطلب من حد
تحياتي
كيارا
كل سنة وانت طيب ياعزيزى
اول زيارة ليا وحقا اعجبتنى مدونتك
احب اقولك على موقف تانى مره واحد وانا خارج من الجامع لقيت كل جسمه مكسر وبعكاز وحالته لا توصف ومعاه رشته ويستعطف النا ان يحضروا له العلاج
قلبى حن وجبتهوله وبعد كده واحده جت تقولى انه نصاب ودايما يعمل كده وبياخد الدوا يبيعه لصيدلية تانى بالاتفاق مع صاحبها
لنا الله
لو الناس دى فكرت فى الخير والشغل زى ما بتفكر فى النصب ماكنش ده بقى حالنا
مش بس كده
دول كمان بيبقى ليهم ريس فيدى لكل واحد منطقه وياخد منهم الفلوس ولهم احكام خاصه بيهم وليله كبيره اوى
الموضوع محتاج اهتمام كبير اوى من الاعلام والحكومه
عندك حق ..ظاهرة التسول أصبحت منتشرة بشكل غير طبيعى و أصبحت من إحدى أمراض المجتمع..
هى ممكن تبأه بسبب قلة الشغل و زيادة الاسعار..أعتقد ان الشغل لو توفر اكثر ستقل بنسبة كبيرة..
بس فى نفس الوقت ممكن حد يبقى محتاج فعلا لأن مش لازم كل المحتاجين يكونوا ما بيسألوش..
كله نصب
ايه ده ؟؟!!!
انا كنت اعرف بس مش لدرجه انها جابت اسامى السكان
امراض مجتمعنا زادت اوى
بجد مش عارفه هنروح بعد كده فين ؟؟!!
سلامات :)
حسن حنفى
على رايك بجد بقوا بيسهبلوا
بس تفتكر ايه الحل؟
**************
mero moory
انا مش زعلان ولا حاجه
بس ادينى مستنى اما نشوف مين فينا اللى هيبقى عند كلمته
seven
اه والله بقت فى بجاحه فى الحاجات دى كتير
وحاجه بقت تضايق
نورت المدونه
*************
خديجة محسن "لؤلؤة الاسلام"
مهو المشكله اننا لو ادينا الكل يبقى بنساعدهم على التسول
ولو قطعنا ومديناش حد يبقى كده بنظلم بعضهم اللى محتاج فعلا
شكرا لزيارتك واتمنى تكرارها
maryoooom
اه تصدقى نسيت
هى دى كلمة السر
احنا فى مصر
شكرا للزياره
******************
نهر الحب
مهو حاليا مش دول بس اللى محتاجين عمل بسيط فى كتير محتاجين بس دلوقت المهنه الاساسيه للناس دى بقت كده فلازم يبقى فى رادع من الحكومه واحنا نقدر نعمل حاجه اكيد
براحتك بقا
انا زورتك ومبروك دخولك عالم التدوين
*******************
عاقله فى ارض الجنون
مهو لو عملنا كده يبقى بنساعد الناس دى انها تنصب علينا تفتكرى صح اننا نسيبهم كده
*****************
بنت سيناء
هاجى اقولك فى مدونتك على اللى اعرفه
*****************
enjy
انا اسلوبى رصين يا سلام
والله كوويس انى لقيت حد يشكر فيا
ابقى اتكلمى كتير براحتك هو احنا ورانا غير الرغى
كيارا
ههههه هم يضحك وهم يبكى
طيب اللى زى دى عملها ايه بس
مش بقولكوا الموضوع بقا اوفر اوى
**********************
arsenalwy
ما اكتر المواقف دى
بس بجد زى ما بتقول لو الناس دى فكرت فى الشغل زى ما بيفكروا فى النصب كانت مصر بقت حاجه تانيه
3ala asm masr
اه كل منطقه ليها ريس
طيب ايه الحل؟!!!
نورتينى
******************
Rosie
ممكن يكون من ضمن اسبابها زى ما قلتى كده
بس تفتكرى دى اسباب تخليهم ينصبوا؟!!
MaGn0liA
لا صدقى ده بقا فن واختراعات فى النصب
وحكاية هنروح فين فأقولك
احنا اكيد هنروح بس فين دى لسه لما نكمل باقى المصايب اللى جايه واحده ورا التانيه
هههههههههههههههه
بالفعل هم يبكي وهم يضحك
بس انا من ساعتها مش بثق الا في اللي نفسه غاليه عنده لان ده بس اللي محتاج غير كده بيبقوا بياخدو منك
طيب اقولك كنت في المدرسه وواحده جت قالتلي معهاش فلوس الفطار انا دمعت انها مش لاقيه تاكل وادتها
معرفش عملت ايه وبعدها بربع ساعه نسيت شكلي وجت قالتلي نفس الكلمتين وبقي كل يوم اشوفها قدام المدرسه وبتكرر نفس الكلمتين
حاجه تجيب الاشمئزاز بالفعل
تحياتي
فعلا يا علاء
بقت ظاهرة منتشرة جدا
بس اللى بيستهبلوا بيبقى شكلهم معروف
والبرود بينط من عنيهم
عارف انا لما بقابل حد منهم فى الشارع
ويقولى حاجة لله
بقوله ما معكش انت حاجة لله
يضحك ويمشى
آه والله
اخدت راحتى بس للعلم مصر زى اوربا وامريكا والشحاته دى مهنه ؟
ازيك ياعلاء
اخيرا جيت عندك واسفه لتاخير الزياره
والله سبحان الله انا الموضوع ده كان على بالى انهارده
اصل الظاهرة بقت صعبه بجد
الاطفال اللى عاملين فيها مساكين وبيلحوا ف طلب المساعده بجد حالتهم صعبه
تشوفم بيتمسكنوا يصعبا علبك
تشوفهم بعيدك بيتكلموا!!!!
متشردين اعوذ بالله
لا بس الست دى محترفه والله
حياه ربنا بيبقوا معاهم دماغ وصحه ماشاء الله تخليهم يشتغلوا مايحتاجوش لحد
لكن المشكله انهم بيستسهلوها
انا كان عندى وجهة نظر
انا الناس بتوع الشارع دول اللى بيستغلوا اعاقاتهم علشان يتسولوا مش ببقى عارفه مين فيهم يستاهل مين لا؟
علشان كده بحس انى مش مفروض ادى الا للى يستاهل واكن عارفه كده
اما اللى يقف على بابك ده حتى لو مايتساهلش اديله
لان الرسول عليه الصلاه السلام قالنا كده نديله لو محتاج هنتكافئ بيها لو مش محتاج حسابه عند ربنا
بس تصدق اول مر اعرف حكايه اللمسه مقابل الفلوس دى!!!!!!!!!
ربنا يهدى بقى
معلش طولت عليك استحملنى
رمضان كريم
دمت بخير
ما عدتش كدب بقى حقيقة
فعلا بقوا يستحقوا حتى اللي بيكدبوا
شايف الحال بقى ازاي
ربنا منتقم جبار من اللي خلى الشعب بقى كدة
انا خايفة اقوم في يوم ما اعرفش اجيب اكل لولادي
حاسة ان فيه مؤامرة لاهلاكنا وسحقنا سحق
ادخل عند مدونة جمعاوي روش طحن
اسم المدونة فكك مني
واقرا عن ساعتين في الدويقة
وانت تعرف انه ما عدتش كدب
ربنا يرحمنا
تحياتي اخي الكريم...
بالفعل اصبحت صناعة و تجارة...و حرفه .
لكنني قد سمعت و لعلي الا اكون مخطأ...سمعت انه اذا كنا نملك ..و سألنا سائل...فالافضل ان نعطيه...بنية خالصة ابتغاء رضي الله و محبته و التقرب اليه....اما ان كان السائل غير محتاج...فقد و قع وزره و جزاؤه علي الله....و لا تحسبن الله بغافل
عما يفعل الظالمون...
تحياتي و تقديري
هى بقت مهنه والمشكله ان فعلا المحتاجين نفسهم عزيزة ومش بيعملوا كده يا علاء
غير كده خدوا ناس فى الرجلين معاهم محتاجين
الأمن يتفق مع ساقين الحافلة الأولى والثانية في القافلة الإغاثية المتجة لغزة
وتسير الحافلتان بدون الركاب الذين كانوا على الأرض إلى وجهة غير معلومة
والجدير بالذكر أن هاتان الحافلتان همه المحملتان بالطعام والشراب للمسافرين الصائمين النتجين لغزة
كما أنهما يحملان البضائع الإغاثية للفلسطينيين
وبالإتصال بأصحاب الشركات التي تملك الأتوبيسات
وجد أنهم قد أغلقوا موبايلاتهم
ولا يردوا على الأرضي
أي أن الأمن سرق البضائع الإغاثية
وترك الركاب على الأرض
أمن مصر القذر
>>>>>>>>>>>>>>>>>>
تابعونا
تغطية شاملة للقافلة المتوجهة لغزة
موضوع هايل
والله حضرتك عندك حق فعلا
ربنا يرزق الجميع
جزاك الله خيرا
احنا اللى شجعناهم على التسول
جزاك الله كل خير
نحن ضد ان يصل قرشا واحدا من العرب الى اسرائيل حتى ولو سيصل العرب اضعاف اضعافه.. قاطعوهم بلا هواده واثبتوا عروبتنا
تابع حمله مقاطعه كوكاكولا
سر الاثيلين جليكول
السلام عليكم
بجد سلمت يداك على هذا البوست الرائع
ربنا يجعله فى ميزان حسناتك
كل سنة وانت طيب
تحياتى
كيارا
الحمد لله الذى عافانا مما ابتلى به غيرنا وفضلنا على كثير ممن خلق تفضيلا
ربنا يعافينا يارب
****************
fire bird
حلوه ممعكش انته حاجه دى
اكيد هتلاقى معاه
صوت من مصر
ماشى يا سيدى خد راحتك ومتقلقش محدش هيقولك تلت التلاته كام
بس للعلم مصر مش زى امريكا محدش عندهم بيتفنن فى النصب شكلنا
شكرا لزيارتك
**************
حبيبه
ولا يهمك اهم حاجه انك نورتينى
يلا علمتك حاجه اهو اللمس ههه
يارب دايما نتواصل
عاشقة النقاب
مهو مش معنى كده اننا ننصب بقا يبقى كده هنفتحا بقا لكل واحد محتاج ومش محتاج
عموما بلدنا بتمر بأزمه ومحدش عارف رايحه بينا على فين
****************
الربان
ما سمعت صحيح ولكن كلامى اننا حاليا نواجه مشكله ان تتحول من طلب محتاج الى مهنه وصنعه ونصب
اللهم عافنا
appy
عندك حق ده اللى بتكلم عليه انهم اخدوا ناس فى الرجلين
نورتى المدونه
**************
انا انسان
ان شاء الله احاول اتابع
اختكم فى الله
شكرا للمجامله دى
ويارب يدوم بينا الزيارات
*****************
مقاطعون
اه احنا اللى شجعناهم
ان شاء الله هحاول اتابع
نورتنى
جوجو
متشكر على المجامله دى
وانت بالصحه والسلامه
ويارب متكونش اخر الزيارات
السلام عليكم
الحمد لله الذي عافانا و فضلنا علي كثير ممن خلق تفضيلا ....
متهيألي إنك ستأجر علي النية فقط حتي لو لم يكن السائل محتاج ...
ربنا يقدرنا علي الزمن اللي عايشينه
أدعوك لزيارة مدونتي ....منتظرة رأيك بها..!!!!
تحياتي
موضوع مهم بجد..هى حاجة تحير ان الواحد ما يبقاش عارف يدى مين و يسيب مين..مش ممكن يكون الشخص ده محتاج فعلا؟اصلها مش حاجة هينة ان واحد يقف و يمد ايده و يتذل لخلق الله
و من ناحية تانية الشحاتة عندنا بقت فن و بشوف افلام هندى بتتعمل و تستاهل تاخد الاوسكار فعلا
بس هو عموما الواحد يدى على الاقل اللى سنهم كبير و الاطفال يستحسن لو تديهم حاجة عينية عشان الفلوس غالبا مش هم اللى بيستفيدوا بيها
و الشباب اللى قادر يشتغل ما يستاهلش مساعدة انشاله حتى يبيع مناديل اكيد احسن من الذل ده
بس عموما الواحد يحاول يساعد اللى يحسه محتاج و ياخد ثواب على نيته دى على الاقل
كل عام وانت بخير
شوف يا عايش هيا زى ما بتقول بقة مهنة من لا مهنة له وللاسف بقه بيستسهلو وبعدين هما بيلعبوا على طيبة الشعب المصرى يعنى عمره لو مد ايده ما حد هيقوله لا بالاخص فى رمضان...وعليه فالظاهره دى ملهاش حل الا عمل نقابه ليهم نقابة الشحاتين هههههه..هقولك ايه حاجه تكسف انا زمان بقه كنت بدى اى حد بعدين قريت مقوله بتقول ان السفيه اليى يدى الحسنه فى غير موضعها ..فقولت وانا مش سفيهه وبقيت اشوف كويس طالب الحسنه لو لقيته يستاهل وغير قادر بديله طبعا ومن غير كلام اما لو شحط او شحطه بقالهم ادونى انتوا هههههه..
اه نسيت اشكرك مليونات الشكر على الكلام الجميل اليى سبته فى مدونتى فعلا الكلمه الطيبه صدقه الف شكر على ذوقك وعلى قرياتك للمدونه كلها وتجولك فيها فعلا عاجزه عن الشكر...
الفشكر كمان مره يا عايش ..وربنا يكرمك ويسعدك كما اسعدنى دعمك وكلامك الرقيق ..