بعد شهر من الغياب عن عالم التدوين ها انا اعود اليكم
بعد ما مر عليا فى هذا الشهر من تقلبات شتويه لم اكن اعلم ما يحدث لي
بعض الاوقات مبتسم والاخر حزين وطالما احسست بالوحده برغم وجود معظم من احبهم جنبى
ولكن لا اعلم ماذا يحدث لى وقد كان سؤال البعض عليا ممن لم يرانى وجها لوجه او حتى رآنى مره واحده
كان سؤاله عليا حقا يطفىء كل ما بداخلى وخاصة ان بعضهم كان يتصل بى هاتفيا كما انى كنت من الحين للاخر أفتح المدونه فأجد من يسأل عليا وقد اهتم لغيابى .... هكذا احسست بأن هناك من ينتظرنى ليس لاى مصلحة او لأى غرض وانما لاننا احببنا بعضنا فى الله , ولان كل منا وجد فى الاخر اخا له يخاف عليه ويسال عنه ..... فيارب اجعلنا دائما متحابين وقرب بين قلوبنا
عاجز عن الشكر لكل من تذكرنى وسال عنى
انا هنشر اخر حاجه كتبتها ..... لان فى مواضيع كتير عاوز اتكلم فيها بقا بعيدا عن الشعر
ايا قلبى حقا قد ذبت شوقا واشقاك طول الانتظار
انت قلبى فلمن غيرى تشكو الوحدة وقسوة الاقدار
طالما كنت عنيدا ... تحكم العقل فى الاختيار
دوما تبعث بى الى ما هو ابعد من الافكار
ايا قلبى قلى ماذا جد؟!! اصبحت مليئا بالاسرار
الغاذا كثيره كالبحر ممتد الجوانب وانا البحار
ابحث عن مرسى لسفينتى فقد سأمت الابحار
لا اعلم الى اين انا ذاهب الى الجنة ام النار
لقد اهلكنى التفكير وملأ الحزن جوانب الدار
الحزن الذى دوما احاول اخفاؤه خلف الستار
ستار سريعا ما يتبدد مع زوال ضوء النهار
حينها اعود وحيدا ويوشك صدرى على الانفجار
اذا لست قلبى ... فبسببك حانت لحظة الاحتضار
******* علاء محمود ********
|
حمدالله على السلامة
وامتحانات موفقة باذن الله
حمد لله علي السلامه
ان شاء الله عوده بدون غياب
الف حمد الله على سلامتك
انا كمان لسه مخلصه امبارح
ان شالله بيكون امتحاناتك عدت عليك بخير
التقلبات النفسيه ان مكانتش تحصل فى فتره الامتحانات هتحصل امتى ؟
ربنا معاك
وحافظ على قلبك من النار ;)
عودا حميدا لك ولكلماتك
وشكرا ع الزيارة والتعليق الجامد ده ربنا يخليك يارب
مودتي
حمد الله على السلامة
متبقش تغيب كده تانى عشان انا ممكن اسطو على المدونة واجرى ههههه
ده مش ده ممكن يكون اكتر والوحشه كان بتزود شوقنا لكلماتك ؟
حمد الله على سلامتك
بالنسبة للناس اللى سالو عليك من عالم التدوين
فهو تقريبا دة نفس السبب اللى خلانى ارجع للتدوين بعد غياب وانا حاسة انى راجعة بيتى
بجد لما كان حد من المدونين يكلمنى ويطمن عليا فى الامتحانات كنت بحس ان التدوين دة كنز عرفت فيه ناس طول عمرى بدور عليهم
ناس مش عاوزة حاجة منك غير العلاقة الطيبة والود
بجد الحمد لله انى دخلت العالم دة
وحمد الله على السلامة
ومتبقاش تغيب تانى بقى
انا لسة مكملتش البوست هروح اقراه وارجع
ايا قلبى قلى ماذا جد؟!! اصبحت مليئا بالاسرار
تصدق بجد اكتر حاجة بتعقدنى لما بحس انى مليانة اسرار عن نفسى
لما بحس انى مش فاهمانى يعنى
كلامك جميل وعناه قوى شويه :)
بالتوفيق فى كتاباتك القادمة
ايا قلبى قلى ماذا جد؟!! اصبحت مليئا بالاسرار
الغاذا كثيره كالبحر ممتد الجوانب وانا البحار
ابحث عن مرسى لسفينتى فقد سأمت الابحار
تسلم تسلم تسلم اخى الكريم ربنا يباركلك
مدونتك اكثر من رائعة والله يااخى وليا الشرف بزيارتها والشرف اكثر للتعليق لى كتاباتكم ومشكور زيارتك لمدونتي المتواضعة
تقبل تحياتى
حلم كبير
حمد الله على السلامه
وكفاره
حمدالله على السلامه يا علاء
وعدت والعود احمد
منور البلوج كله من تاني
ومتطولش الغياب تاني
وكلمات القصيده جميله ومعبره جدا
ولكنها تحمل شجنا كثيرا
فمركب الحياة دائما ما تحملنا لقر معلوم عند الله
فالنسلم الأمر لله
فهو وحده القادر على السير بسفينتنا لشاطئ النجاه
تقبل تحياتي
السلام عليكم
حمد الله على السلامة
ويارب تكون الامتحانات عدت على خير
سلالالالالالالالالالالالالالالالالام
على فكره مدونتك أكثر من رائعه ..
و الرباعيات بتاعتك .. رهيييبه بجد ..
ماشاء الله عليك ..
بجد تسلم ايديك ..
دي اول مره ازور المدونه .. وان شاء الله مش هاتكون الاخيره ..
ياريت بقى ان شاء الله ماتطولش الغياب بعد كدا ..
تحياتي..
موناليزا
الله يسلم قلبك
شكرا ليكى ودعواتك دايما معايا
***************
حسن حنفى
الله يسلمك
ان شاء الله بس موعدكش :(
habiba
الله يسلم قلبك
مبروك يا بيبه ويارب تكونى حليتى كويس
الحمد لله كله تمام
على رأيك لازم فترة الامتحانات يكون فيها تقلبات بس بالنسبالى مكنش بسبب الامتحانات كان فى حاجات كتير مش عارف سببها ايه عموما اهى عدت
هحاول :(
***********
كاتب مصرى
متشكر
انا مكنتش بجاملك ده بجد حقك كلماتك دايما بتعجبنى
نورتنى
princess
الله يسلم قلبك
هحاول ان شاء الله مغبش تانى ربنا يسهل وعموما براحتك المدونه بتاعتك من غير اى حاجه
************
صوت من مصر
متشكر جدا ليك وكلكوا واحشينى بجد
original heart
الله يسلم قلبك
ايوه بجد احساس تانى ان فى ناس مش محتاجه منك حاجه بس لمجرد انه بيعتبرك صديقه او اخ ليه فبجد حاجه تفرح
موضوع انى اغيب ده مش عارف بيبقى ظروف ارجو ان الكل يسامحنى فيها
عموما هحاول ان شاء الله
********************
original heart
دى بجد حاجه بتحصلى كتير وبتجننى
متشكر جدا ليكى ونورتينى
محمد عبد الباسط
الف شكر ليك ولمجاملتك الرقيقه دى ويارب تنورنى دايما
***********
nody _87
الله يسلمك ... هو انا لسه خارج من السجن ولا ايه :)
ahmed_k
الله يسلمك
الشجن اللى فى الكلمات بسبب حالتى المزاجيه وقتها اما عن القدر فكله بيد الله كما قلت
****************
حدوته
وعليكم السلام
الحمد لله كلوا تمام
اسعدنى مرورك
انا
ربنا يخليكى ده بس من زوقك
اسعدتنى جدا زيارتك اتمناها دوما
السلام عليكم...
الحمدلله على السلامه...
جميله خاطرتك أخي علاء...
وفي إنتظار المواضيع المتراكمه لديك..
....
دمت بخير..