عايش... ولكن !!!!
اولا يا جماعه انا بعتزر انى مبتابعش مدوناتكوا بس والله مشغول جدا اليومين اللى فاتوا سامحونى
ثانيا فى شخص عجيب عمال يعمل كومنتات عندى ربنا يشفيه يارب ويعافينا جميعا اسمه gaylove lofe مش عارف هو اهبل ولا بيستعبط . دايما يقولوا " اذا بليتم فاستتروا " لكن ده بيفضح نفسه وفرحان انه كده
وللأسف طريقته مش كويسه وده واحد من ردوده على البوست اللى فات واللى حزفتها كلها
"ايعه يابيومى افندى معقدها ليه وليه مسحت تعليقى مش من انصار المثليه مش مهم تعاله ....... شويه وهتبقا من انصارها وبعدين انت عاجبنى وانا عاوزك كن نفسك وبطل عقد ههههههه معلى فكره انا مهندس ومن المنصوره تحب اجبلك دليل الدكتور بهلول بتاع الرسمك الهندسى او شباره بتاع اعدادى يعنى احنا زمايل لو شفتك فى الكليه ....... يافمر ههههههههها تيجى نقلع" شايفين الوقاحه هسيب الرد ليكوا
نيجى بقا للتاج الاول وهو من حسن حنفى
أذكر صفتين لا يعرفها من يحدثك لأول مرة ؟
1-انى بكون حزر شويتين فى اول تعامل ليا مع اى حد
2- انى فى اول مره بتكلم مع حد بتعامل بالانطباع اللى باخده عنه وبعامله بنفس طريقة معاملته

أذكر صفتين يراها الناس فيك وهى ليست كذلك ؟
1- ساعات بيتقال عليا مغرور لكن اللى يعرفنى كويس يعرف انها ثقه بالنفس
2- طيب اوى لدرجة انى مقدرش اخد حقى وده طبعا مش صحيح لانى بس بتعامل مع كل واحد بمعاملته وفى حدود اللى انا عايزه

أذكر ثلاثة من مدوناتك المفضلة؟
مش هكدب واقول ان مفيش مدونات بعينها اول ما بفتح مدونتى بشوفها بس بصراحه مدونات كتير تقريبا معظم اللى فى الريدير عندى
لو معك ثلاث وردات لمن تهديها ؟
1- لأسرتى كلها بداية من ابويا وامى الى اخواتى وأولاد اختى محمد ومريم حبيبة قلبى
2- جدتى لأنها اكثر من كان يشجعنى على دخول كلية الهندسه
3- الثالثه بقا هعينها علشان حبيبة القلب بس يارب بس تيجى قبل ما تدبل :(

من هو افضل رئيس عربى برأيك برر بسببين ؟؟
حاليا مش شايف اى حد كويس بصراحه
قبل كده السادات بموت فى الراجل ده

شئ فعلته وندمت ؟
انا عمرى ما ندمت على اى حاجه عملتها بصراحه لانها من اختيارى
بس هو شىء واحد بس اللى ندمت عليه
انى دخلت جامعة الزقازيق مش كرها فى الزقازيق نفسها لكن كرها فى الظلم والكوسه اللى موجوده فى الجامعه

شئ لم تفعله وبردو ندمت ؟
الحمد لله كل حاجه كانت باختيارى علشان كده مندمتش على اى حاجه الحمد لله
تهدى التاج لمين ؟
ههدى التاجين مع بعض
******************************************
نيجى بقا للتاج التانى وهو من ميرووو
يلا بقا نبتدى

؟ أذكر 5 أحلام على الأقل تخص ماضيك وتحلم فيها بتغيير أشياء ماذا ستعدل وماذا ستترك

الحلم الاول
حلمت انى اكون عايش فى فى مدينة كبيره شويتين عن ميت غمر بس عموما هيتحقق قريب يعنى :)
الحلم الثانى
اكون عالم كبييير ومشهور جداااا ويكون ليا بصمه فى تاريخ البشريه

الحلم الثالث
انى اكون وسط عيله كبييره ومترابطه اوى مش كل واحد بيدور على نفسه وبس ومبنسألش على بعض غير فى الاعياد

الحلم الرابع
انى اكون معيد فى الكليه وطبعا بقيت معيد بس معيد من نوع تانى :)

الحلم الخامس
انى الف العالم كله بلد بلد

2- أذكر 5 أحلام على الأقل تخص مستقبلك ؟
الحلم الاول
انى اغمض عينى وافتحها الاقينى خلصت الكليه

الحلم الثانى
انى مدخلش الجيش ههه

الحلم الثالث
انى اقدر اسافر بره مصر لان فرص شغلى بره احسن كتير

الحلم الرابع
انى الاقى مصر بقت احسن من دلوقت ومشاكلها كلها تتحل واللى بالى بالكوا يغور عنها وحد كويس يجى مكانه

الحلم الخامس
ده بقا لو اتحقق هموت بالسكته القلبيه ههههه ان مصر تدخل كاس عالم

3- أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
هو فى اشخاص كتير موجودين فى حياتى دلوقت بس بصراحه مبفكرش فى حكايه انهم يكونوا معايا قبل كده لان كل مرحله وليها ظروفها ويمكن مكناش نقدر نفهم بعض قبل كده

4- أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
سيدنا محمد عليه افضل الصلاة والسلام
والشخص التانى
حبيبتى وام الاولاد ان شاء الله ... ادينى مستنيها :)


25 تعليقات
  1. كيارا Says:

    عاااااااااااااااااا

    ليه كدا

    ليه تحولي التاج بس

    عااااااااااااااااااا


    بس بجد ميه ميه واحلي اجابه بتاعت الرئيس العربي

    تحياتي


  2. M.K Says:

    السلام عليكم....
    بالنسبه للشخص ..
    قال بن القيم في كتاب الجواب الكافي 1/37((حتى يفتخر أحدهم بالمعصية ويحدث بها من لم يعلم أنه عملها فيقول يافلان عملت كذا وكذا وهذا الضرب من الناس لا يعافون وتسد عليهم طريق التوبة وتغلق عنهم أبوابها في الغالب كما قال النبي صلى الله عليه وسلم"كل أمتي معافا إلا المجاهرين" ..
    اللهم عافينا...
    ...............
    بالنسبه لإجاباتك يا أخي...
    أحسست بمدى صدقها وعفويتها...
    وأعجبتني اجابتك عن
    أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
    سيدنا محمد عليه افضل الصلاة والسلام...
    والمدام أن شاء الله...ربنا يرزقك بالزوجه الصالحه ...
    ................
    دمت بخير
    تحياتي


  3. الراجل ده اصلا مش محترم ومش مهذب
    بس ولايهمك
    بجد صفاتك ممتازه يارب تنميها وشكرا علي حل التاج
    تحياتي


  4. إجابات جميلة قوى
    تدل على شخص طيب قوى
    ربنا يحققلك كل أحلامك
    دمت بود
    تقبل تحياتى وإعجابى


  5. EMMY BABY Says:

    حمد الله على سلامتك يا بيزنيس مان


    - ساعات بيتقال عليا مغرور لكن اللى يعرفنى كويس يعرف انها ثقه بالنفس

    خلى بالك كويس الفرق مابين الثقة والغرور شعرة بجد خد بالك علشان كتير بتقلب معاهم من كل وقت للتانى حسس نفسك ان فى حاجة لسة ناقصاك موجودة عند غيرك
    ******************************

    3- الثالثه بقا هعينها علشان حبيبة القلب بس يارب بس تيجى قبل ما تدبل :(

    لا مهو ده ورد بلاستيك هيعيش ان شاء الله


    *********************************
    الحلم الثانى
    اكون عالم كبييير ومشهور جداااا ويكون ليا بصمه فى تاريخ البشريه

    ان شاء الله هتبقى زويل التانى
    *******************************

    الحلم الرابع
    انى اكون معيد فى الكليه وطبعا بقيت معيد بس معيد من نوع تانى :)


    هههههههههههههههه ده بقى من احلام اليقظة

    ******************************
    الحلم الثالث
    انى اقدر اسافر بره مصر لان فرص شغلى بره احسن كتير

    البلد دى احسن من غيرها دور هنا على شغل واجتهد هتلاقى

    ****************************
    الحلم الرابع
    انى الاقى مصر بقت احسن من دلوقت ومشاكلها كلها تتحل واللى بالى بالكوا يغور عنها وحد كويس يجى مكانه

    هتتغير ازاى طول مالسباب عايزين يسيبوها ويهاجروا احنا اللى بايدينا نغيرها مش حد تانى

    **************************

    ان شاء الله تحقق كل احلامك

    وشكرا على اهداء التاج (وش متعصب )

    تحياتى

    ايمى


  6. mero-moory Says:

    السلام عليكم و رحمة الله و بركاته

    لولو انا كيت اهو

    أنا هنا يا بان الحلال ولو غني متغاظة منك يا واد انت يا واد

    بالنسبة لاجاابتك انا عارفاها كلها موث جديده عليا يعني بس برده نفصص البوست حته حته

    ياابني موضوع الواد الفوظيع اللي بيقولك كومنتات قذرة شبهه ما أنا بقولك ليس على المريض حرج وده عنده نقص ومرض ربنا يعافينا منه ومن اللي زيه سيبك منه ده عقله فسفس ثويه ما قلتلك هات اضربهولك ههههههههههههه

    بالنسبة بقى لاجابات التاج زي ما قلتلك عارفاها كلها
    بث اخث حليك ليه اجابات دبلوماسيه
    عن المدونات واكتر اشخاص تتمناهم هههههههههه
    المشكله اني هفضحك بكلامي ده ما تقول انك قاعد واكل شارب نايم جوه مدونتي (وش بيطلع لثانه )
    هههههههههه

    وبعدين يا لولو بكره تخلصي ياتي الكليه وتشتغل هنا هجيبك من بره مصر ازاي يرضيك تسيبني لوحدي تده :(

    يلا في رعاية الله واياك الاقي الشاوت بوكس مليان هلغيه من عندك هههههههه

    lol


  7. علااااااااء ازيك يا عثل اية التاج العثل دة اجاباتك مية مية وانا زيك فى بعض الحجات زى الفل والله ربنا يكرمك يارب


  8. princess Says:

    هاى
    الراجل ده وحش اوى:(( حسبى الله
    اما بالنسبة لجابات التاج فربنا يكرمك ان شاء الله وتحقق اللى عايزه كله:)
    اما بالنسبة لان التاج اتبعتلى فاحيب اقول لسيادتك انى جاوبت على التاجين قبل كده هههههه اه والله صحيح فى شوية اختلافات بس الاسئلة فى المجمل هيا هيا
    بس مش مهم انا فرحانة انك افتكرت العبدة الفقيرة الى الله الى هو انا
    مرسى يا علاءءءءءءءءءءءء


  9. لول انتا مغرور مين ده اليى بيقول عليك كده قولى وانا افشفشه ..ده انتا من اكتر الشخصيات اليى قابلتها طيبه ودماثة خلق بس ممكن الواحد ياخد الفكره دى لانك هادى خالص خالص خالص خالص خالص قوى كمان...
    وانطوائى وخجول شويه وبتندمج بالبطئ مع اليى حواليك وده لاحظته فى لقاء المدونين...
    بس والله شهاده ليك قدام ربنا انتا فعلا انسان رائع بكل معنى الكلمه وتستاهل كل الخير اليى فى الدنيا...


  10. اما الاخ اليى بعتلك فربنا يهديه ده كان ساب تعليق عندى ومسحته بس سبتله رد ..ربنا يهديه فعلا
    وانا ذكرته بقوم سيدنا لوط يا رب ربنا ينور بصيرته بعدين يا اخويا هيا الستات وحشه قوى كده ولا مقرفين للدرجه دى...


  11. اه ده تالت تعليق اصل ناس صحابنا لا داعى لذكر اسمهم بيقولولى انتى بتعلقى كذا تعليق ليه
    وانا من هنا ومن صفحة التعليق هذه بقوله يا علاء وانتا مالك بحبك وبحب مدونتك يا اخى اما انك مهندس حشرى صحيح ..الا بقولك مااعدتش نظر فى معهد امناء الشرطه ...
    ربنا يسعدك ويكرمك بالزوجه الصالحه ومتكنش منه لله ..
    ويسعدك ويهنيك وعلى النت اليى فصلته ده تجيب تقدير اصل احضر الخرزانه..والعصا لمن فصل النت وجاب تقدير قليل...


  12. هو انا اسمى تحت ليه ؟
    مش فاهم او بستطعبط ؟
    عموما تاجين بيوجعوا فعلا ؟


  13. ايه الرد الغريب او التعليق اللى هو كان سايبه دا
    فعلا معاك حق انك تحذفه
    .......
    وبالنسبة للتاج بقى فاحسن حاجة انك فعلا تاخذ حذرك من الناس زى ما قلت

    وجميل قوى انه يبقى ثقتك فى نفسك عالية

    وربنا يوفقك دايما يارب وتحقق كل اللى انت عايزه


  14. Son of Egypt Says:

    السلام عليكم

    يوجعوا مين ياعم دانت ميه ميه اهو
    وتمام التمام كمان ويارب يحقق كل احلامك
    ويارب دايما اجاباتك مثاليه

    اما بالنسبه لصاحبنا ده اللى مش نتشرف انه يكون صاحبنا هقولك حاجه واحده بس توصلها له
    "( إذا خاطبك السفيه فلا تجبه فخير من اجابته السكوت )"
    مش هيستاهل غير كده
    تحياتى لك


  15. nona Says:

    اجاباتك حلوة و بدل على شخصية جميلة
    و ربنا يحققلك كل احلامك
    بس طبعا حلم ام مصر تخش العالم لاااااااااااااااااااا عشان بعد الشر مايجلكش سكتة قلبية احنا عايزينك يا راجل هههههههههههههههههههههه

    اما باة الواد الاى عايز الطخ بالنار فى ميدان عام امسح الردود بتاعتة و ماتدهوش اكتر من حجمة رجالة عايزة الحرق
    طبعا هو مش انت ماتفهمنيش غلط


  16. مممممممممممم
    فكك من الاخ العجيب دة اولا
    وجلو انك تهدى الوردة لامك


  17. والله بالنسبة للبنى ادم ده ربنا يهديه

    والتاج اجاباته جميلة جدا

    جزاك الله خيرا

    وربنا يحققلك احلامك كلها يا رب


  18. nody_1987 Says:

    يعنى من المنصوره
    وبتحب السادات
    لا بصره بجد

    ربنا يحقق لك كل احلامك
    وتخلص الكليه بس ما تقعدش قاعدتى دى
    هههههههههههه

    تحياتى


  19. السلام عليكم

    يا هندسة ولا يهمك لازم الواحد يقابل كده وكده
    كبر دماغك ومتتعصبش

    سلالالالالالالالالالالالالالالالالالالالالالالالالام


  20. انت فين مبتدخلش لية طمنى عليك يا احلى اخ فى الدنيااااااا باى يا عثل


  21. مش عارفه اقول ايه علي الاستاذ اللي رد ده

    حسبي الله ونعم الوكيل

    معلش ياعلاء

    كبر دماغك


  22. علاء اخبار المذاكره معاك ايه شد حيلك كده وخاف قطر البطاله يفوتك...
    انا بس بشجعك على المذاكره
    ...
    خلى بالك من نفسك وركز فى مذاكرتك وقطع صور منهلله دلوقتى ده مش وقتها ولاا زمانها يا ابنى.
    .........


  23. mero-moory Says:

    السلام عليكم و رحمة الله و بركاته

    ايامك موش فايته يا لولو ده انت هتشوف مني حاجات ياختتتتتتي معايا الدليل وابقى انكر بقى ها انا اللي جبت ده كله لنفسي

    بس المحك تدخل هتتقتل :d

    في رعاية الله يا عم المهندس ( وش بيطلع لثانه )