عايش... ولكن !!!!
قررت اعيش
مهما كانت الدنيا من غيرك مفيش
قررت اعيش
مهما كان حبى ليكى ميتنسيش
بردو هعيش
لو حتى فى بعادك ده موتى
لو حتى هخرج عن سكوتى
لازم اعيش

ايوه ملكتك حياتى
وكنتى اكبر امنياتى
لكن خلاص من اللحظه ديه
اوعدك هتبقى ماضى
وقلبى ده هيبقى فاضى
ولو فى يوم مكنش راضى
هفكره بلحظة اهاتى

ايوه عارفك
الحنين ليا ماليكى
والدموع ماليه عنيكى
لكن خلاص
انسى انى ليكى
قسوتى ديه عليكى
قد حبى وعشقى ليكى

انتى خنتى حبنا
فاكره زمان
لما اتعاهدنا عهدنا
اننا مهما هيحصل
لازم نقوى بعضنا
وان كل العاشقين
هيتعلموا الهوى مننا

كنت بحس الدنيا دى ملكى
وقت ما بفرح أو حتى ابكى
بفتكر بس ابتسامتك
القى الدنيا خلاص فى ايديا
حقيقى جرحك اثر فيا
غير فيا
خلانى اراجع كل اللى فات
وأقلب كل الزكريات
علشان كده قررت ابعد من سكات
وان بعدى مينتهيش
قررت اعيش
قررت اعيش



39 تعليقات
  1. ahmed_k Says:

    أبدا لم يكن خسارة الحب نهاية الحياه
    بل قد يكون نهاية مرحله
    وبداية مرحلة جديده

    كلمات جميله وعقلانيه
    دمت بكل ود وخير


  2. انا عايزه اعرف حاجه بس انتا شاعر ولاا مهندس

    ولاا شاعر هندسى

    تحفه يا لولل كده لاغينا معهد امناء الشرطه

    جميله الكلمات بجد


  3. وانا كمان ناويت العيش ؟
    بس هعيش لمين


  4. hosam4u2004 Says:

    لا تكن كبائع الاحلام عندما قال
    لا تسالونى الحلم ...... أفلس بائع الاحلام ...........
    ما عادت الكلمات تجدى .......بارت الكلمات ...... وانفض المزاد.......
    والنارتاكلنا .......والدنيا رماد
    ولكن ....
    أقول صبرا ليس فى الدنيا بلاء غير صبر الابرياء ....اقول حزنا ....ليس فى الدنيا كحزن الاشقياء
    اقول مهلا ... ضاعت الدنيا من يدنا هباء
    ولهذا .....
    قتلتى غرامى فيليتنى.......تدراكته فيما يولد
    بصراحه الموضوع والكلمات شيقة وللنقرر جميعا البدء من جديد عند حدوث اى مخاطر تهز حياتنا
    ولذلك قررت اعيش


  5. قررت أعيش ؟؟
    وكأنك كنت بسجن فى هذا الحب !!

    رغم أنك تعترف بحبها

    تناقض غريب
    بيدل على حب اتجرح وقلب اتكسر
    قد يؤخذ عليك
    ولكنى معك فيه جدا
    فانهيار حب كهذا لا يحدث بلبلة فقط
    بل قد يودى بحياة المحبين

    خالص تحياتى
    سلام عليكم


  6. gogo & s f Says:

    عندك حق وانا كمان قررت اعيش
    عندما اكتشفت اكبر كدبة في حياتي
    كلامك منطقي فعلا
    تحياتي لتعبيرك الرائع


  7. جوجو Says:

    السلام عليكم

    بوست جميل بيدل على شخصية واقعية

    تحياتى


  8. princess Says:

    اوعى تندم على اى مشاعر حلوة ادتيها لحد
    المفروض ان اللى قدامك يندم عشان مقدرش


  9. ahmed_k
    اكيد محدش بتنتهى حياته مع خسارته لحب لكن بيفرق التفكير من شخص لاخر وقدرته على العوده من جديد
    اسعدنى مرورك

    ***************
    mahasen saber
    انا نفسى مش عارف انا ايه :) هههه
    هو مبدأيا مهندس لكن حكاية الكتابات دى بتبقى بظروفها يعنى
    ربنا يخليكى يا محاسن خلاص يعنى مش هدخل امناء شرطه :)


  10. صوت من مصر
    اهم حاجه النيه :)
    اسعدنى مرورك

    *********************
    hosam4u2004
    حلو جدا حدسث بائع الاحلام وخاصة ليس فى الدنيا بلاء غير صبر الابرياء
    اهنئك على قرارك
    اسعدنى مرورك


  11. ايه الشقيه الشعنونه
    لو فهمتى قصدى صح والقصه الموجوده فى الكلمات هتقدرى تحكمى صح ومعتقدش انك هتقولى ان يؤخذ عليا
    ليس سجن ولكن مجموعه من التضحيات
    اسعدنى مرورك
    وعليكم السلام

    ************************

    gogo & s f
    اشكرك واحييكى على هذا القرار
    اسعدنى مرورك


  12. جوجو
    وعليكم السلام
    ربنا يكرمك
    اسعدنى مرورك

    *************

    princess
    صح عندك حق يا برينسيس
    بس على فكره القصه من وحى خيالى :)
    انا مش مرتبط اصلا :)))
    بس عموما عندك حق هو اللى المفروض يندم على المشاعر الجميله اللى مقدرهاش
    اسعدنى مرورك


  13. حب الالفية التانية ( الحب السريع ..حب الدباديب الحمرا فى الفلانتين ...و الخمسين ميسد كول فى اليوم ...ممكن افراده يمارسوا طقوس عادية تحت مظلته وتترجم على انها خيانة واستهتار) نص الحب ده فى اعيينا الحالمة ونصه التانى فى الرغبة الملحة لوجوده والنصين لما بيجتمعوا بيعملوا محاكاة حب بيبدؤها تمثيل وللاسف هما بس اللى بيصدقوا نفسهم فى الآخر


  14. نهاية حب مش نهاية العالم اكيد لانى دايما بقول اللى بيخسر حد بيبقا اكيد شايلو حاجة احسن


  15. الدينا مش ممكن توقف عند حاجة .. ولكن احنا لازم نقف مع انفسنا لنتعلم من اخطأنا .. لكن لازم نعرف ان الدنيا بينا من غيرنا هتمشى .. على فكرة اسلوبك جميل جداً ورائع ..

    تحياتى .. اشكرك على زيارتك .

    نفرتارى


  16. اول زياره ليا
    عاجباني كلماتك واسلوبك جدا
    تحياتي ليك


  17. fashkool Says:

    السلام عليكم يا عايش
    شعر عامى جميل ولذيذ وخصوصاهذه الكلمات

    كنت بحس الدنيا دى ملكى
    وقت ما بفرح أو حتى ابكى
    بفتكر بس ابتسامتك
    القى الدنيا خلاص فى ايديا
    حقيقى جرحك اثر فيا

    بتفكر نى بصلاح جاهين وشعره السهل الممتنع
    تحياتى يا عايش واتمنى ان تتكرر الزياره


  18. والله انت رافع راس المهندسين...بيرافو عليك

    لسة الهندسة بخير

    ربنا يوفقك


    تحياتى


  19. Heba Sayed Says:

    قصيدة رائعة

    انت فنان :D


  20. حمد الله علي السلامه ياعلاء

    هقرا وارجع


  21. واحسن انك قررت تعيش

    وانسي اللي جرح واللي خان

    خلاص مبقالوش في القلب مكان


  22. EMMY BABY Says:

    بجد تحفة

    بس ليه دايما كدة بقيت اشوف نهاية قصص الحب غدر وفراق

    ربنا يهدينا جميعا ونلاقى فعلا الانسان اللى يستحقنا

    بجد جميلة اوى

    تحياتى

    ايمى


  23. احسن قرار لو حد في الموقف ده ياخده بس للاسف فيه ناس بتضعف ومش بتقدر تاخده

    تحياتي

    وحشتني ان شاء الله مش تغيب تاني


  24. قررت اعيش
    قرار جامد
    استمر مش ترجع
    اللى باعك مش يستاهل انك حتى تفتكره ولو لثوانى


  25. dr_samarmar Says:

    جميل أوى أوى أوى

    فى مثل بيقول

    اللى ينساك انساه و اللى يهواك اهواه

    بس كدا :)

    و اختيار البعاد فى اللحظة دى هو أسلم طريق


  26. كلام وخلاص
    حقيقى ان الحب دلوقت اتغير كتير شكلا عن زمان زى اى حاجه ما اتغيرت عن زمان لكن انا فى رأيي المتواضع ان المضمون هو هو حتى وان اختلفت التعبيرات
    اسعدنى مرورك

    *****************

    البنت المشمشيه حلوه بس شقيه

    اكيد طبعا مش نهاية العالم لكن مجرد تجربه ولعلنا نستفيد من اخطائنا
    اسعدنى مرورك


  27. نفرتارى

    صحيح الدنيا مش بتقف على حد لكن زى ما قلتى لازم نتعلم من اخطائنا
    شاكر مجاملتك
    اسعدنى مرورك

    *****************
    عاشقه وغلبانه
    يارب ماتكون الاخيره
    شكرا لمجاملتك
    اسعدنى مرورك


  28. fashkool
    انا فين وعمنا صلاح جاهين فين
    شكرا ليك
    وبجد سعدت بزيارتك

    *********************
    ميرو انتكه

    ههههه كل واحد بيدور على اللى يهمه
    ماشى يا باشمهندسه
    شكرا ليكى
    اسعدنى مرورك


  29. heba sayed
    شكرا لمجاملتك
    اسعدنى مرورك

    ***************
    كيارا
    الله يسلمك يا كيارا
    اقرى براحتك


  30. كيارا
    القرار كويس بس دى من وحى خيالى :)
    يعنى انا لسه ممرتش بده
    اسعدنى مرورك

    ***************
    emmy baby
    وحشانى جداااا بجد
    مش عارف بصراحه ليه بس يمكن لاننا بقينا فى عصر التيك اواى يعنى بنحب ونسيب بسرعه
    اسعدنى مرورك


  31. حسن حنفى
    صح يا ابو على احسن قرار
    واحشنى والله
    ان شاء الله هحاول مغبش

    *******************

    هايدى
    عندك حق
    اسعدنى مرورك


  32. dr_samarmar
    دى اغنيه باين لعبد المطلب تقريبا :)
    بس فى صلب الموضوع
    عموما القرار صحيح فى وقته
    سعدت بمرورك


  33. جميل كلامك بس ياريتنى اقدر انفذه
    عبرت عنى فعلا
    الله ينور
    تسلم ايدك


  34. اجمل شئ انك متخليش حد يبقى هو اللى مسيطر عليك وعلى افكارك

    مهما كان


  35. دعوه
    الأخ العزيز/
    تحيه طيبه
    برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

    وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    المدونه
    http://netonradio.blogspot.com
    الموقع
    http://dear.to/cairo


  36. دعوه للتضامن
    من يقبل بالحكم الصادر ضدي بغرامه 42.500 الف جنيه
    لاني نشرت مستندات تؤكد خطوره شركه تراست للكيماويات ببورسعيد
    على البيئه
    وعلى العمال
    وعلى امن مصر القومي

    لذا ادعوك لزياره المدونه
    والوقفوف على اخر التفاصيل

    لان هناك رساله خطيره جدا موجهه للمدونون المصريون
    وأنا اول من تلقى هذه الرساله
    وهي انه يجب على الجميع ان يكتم فمه
    اوكلت يوم اكل الثور الابيض

    تقبلوا تحياتي
    تامر مبروك

    المدونه التي اخذت الحكم بسببها
    http://elhakika.blogspot.com/‎

    ‎للتضامن على جروب الفيس بوك
    http://www.facebook.com/group.php?gid=47349658820


    موقعنا على الانترنت
    http://www.elhaqeqa.com/?page_id=1160‎

    ===


  37. الحجاب حقيقة ثابتة أم مجال للتفكير

    من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
    ومن هنا تبنت الرابطة أن تكون هي حجة علي من يدور بينهم النقاش علي صفحاتها.
    نفجر الجديد دائما حوارنا اليوم
    الحجاب حقيقة ثابتة أم مجال للتفكير
    وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
    ندعوكم للمشاركة في هذا الحوار المفيد
    تقبلوا دعوتنا ننتظركم لنستفاد منكم
    رابطة هويتي إسلامية


  38. will Says:

    情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
    情趣用品,情趣用品,情趣用品,情趣用品.情趣,情趣,情趣,情趣
    視訊聊天室

    情色,AV女優,UT聊天室,聊天室,A片,視訊聊天室


    UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
    聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人