عايش... ولكن !!!!
واحشينى جدا يا بشر
كنت عاوز ادخل فى كذا موضوع بس اجلتهم لبعدين علشان ابقى متفرغ
بس قولت اسيب بوست كده للذكرى من اخر كتاباتى
اغنيه قبل الفلانتين واغنيبه بقا للفلانتين
...................................
الاولى بعنوان .. قصة حبنا
تاهت قلوبنا وسط الزحام
واتبدلت واتغيرت ايام زمان
احلامنا كانت من غير آلآم
اكبرها كان شوية امان
ابتدينا بحلم كان على قدنا
اننا على طول هنبقا لبعضنا
وانه مهما فى يوم هيحصل
اللى دايم .... حبنا
كنا لما نقول فراق
تيجى لحظة الاشتياق
القى قلبى فى لحظه فاق
وافتكر كل اللى كان
... هو ده كان حلمنا ؟!!!
... هو ده كان وعدنا ؟!!!
كل اللى فات من عمرنا
واحنا بنبنى فى عشنا
فاكرين ان اللى بينا
يقدر يعيش مليون سنه
لكن احلامنا طلعت سراب
زى القلم من غير كتاب
وآدى قصة حبنا
حبة فرح .. حبة عذاب
***********************
دى بقا كانت يوم الفلانتين
بعنوان ... انتى وانا
هيا قصة حبنا ... انتى وانا
ابتدت من كام سنه
لما كنا فى يوم هنا
لما عينى جت فى عينك
لما ايدى جت فى ايدك
واتواعدنا وعدنا
انه يكبر حبنا .... يعلى بعيد فوق السما
وتبقى قصة حبنا طول السنين
يقولها كل العاشقين
حبنا ده زى مين؟؟؟؟
اى حد يكون حزين
او حتى تاعباه السنين
يبقى يعمل زيينا
...... انتى وانا .......
*********************************
وعجبى
6 تعليقات
  1. barbie girl Says:

    الاتنين أحلى من بعض


  2. موجة Says:

    البوستين اجمل من بعض حقيقي يا علاء
    هابي فلانتاين داي
    مع تحيات اعضاء جمعية مرضى الزهايمر
    ههههههههه

    خالص تحياتي
    احمد


  3. علاء

    الاتنين بجد اجمد من بعض

    تسلم ايديك

    تحياتي ليك ..... دي اول زيارة وان شاء الله مش الاخيرة

    وزة


  4. appy Says:

    حلوين قوى بتوع الفلانتيم دول بس ايه الغيبه دى بس نورت تانى


  5. الحمد لله على سلامتك وحلوة اوى بتاعت انتى وانا