اخر ما كتبت
الاولى بعنوان .."ابعد يا حب عنى "
عايش بقالى زمان
من غير ما اكون حيران
اسمع كلام الاصحاب
ازاى اتفرقوا الاحباب
وقصص تملى كتاب
اولها حب وغيره
واخرها كله عذاب
من كتر ما سمعت عنه
بعدت وخوفت منه
وكتبت على قلبى ورقه
ابعد يا حب عنه
دنا قلبى مش قد جرحك
ولا عمرى فى يوم هسامحك
لو قلب فى يوم غدر بى
لو جالك حب اوعه
تآمنله فى يوم يا قلبى
هتلاقى الف دمعه
نازله من تحت خدى
ده الحب دايما بيظلم
طول عمره ياخد مايدى
............................
اما الثانيه والاخيره بعنوان"جرحى الاولانى "
عايشه عشانك .... قلبى مكانك ... زمانى زمانك
املى فى يوم ... انى اكون .... بين احضانــــك
بجد كلامها هو كلامك
حتى طباعها هى طباعك
تايه يمكن ... مش متمكن
انى افرق.... بين قلبين
قلب يخون ...ومش مضمون
وقلب يصون ... عليه ماتهون
بس اكيد غالى عليا
عارف قلبك عاشق ليا
لكن والله ده مش بايديا
لسه الجرح مأثر فيا
وسايب جوه فى قلبى علامه
حبك ليا ده شىء خلانى
احس كأنى فى عالم تانى
عالم كله قلوب بتصون
وصعب فى يوم الجرح يكون
زى جرحى الاولانى
....آه زى جرحى الاولانى
..................................
وعجبى
|
ازيا ياعمرو
يارب تكون ماشي كويس في الامتحانات
الخاطرة التانية جميلة اوي واحلي من الاولي بكتيير يمكن عشان حسيتها ولقيت فيها احساس كبير
مش عارفة
ربنا يوفقك ياعمرو
اقصد ياعلاء اوف بجد انا عاوزة الضرب اسفة ده انت اخويا اصل اسم والدك زي اسم والدي
اصل مدونتك الستايل بتاعها زي بتاعة عمرو فكري
معلش اسفة جدااااااا
سماح المرة دي
ربنا يوفقك ياعلاءءءءءءءءءء
علاء انت ازاي عرفت اني عملت مدونة تانية
شفتها في البروفيل؟؟
طيب مدونتي الاولي بتفتح تاني معاك ولا لا؟؟
بليييييييييز جاوبني خايفة الاولي تروح مني
قلي صحيح ممكن تقلي رأيك في المدونة الشعنونة من ناحية الشكل اصل انا حاسة انها مليانة حاجات ومملة وشكلها رخم الي هي المدونةdidoredoado
محتاجة رأيك من فضلك ياعلاء
.....
علي فكرة المدونة jasmine انا عملاها لنفسي اقصد بفضفض فيها كأنها مذكراتي او دفتر رسم بتاعي
..
شكرا
الله عليك بجد
أشعارك اسلوبها بسيط و جميل
ربنا ينمى موهبتك يا علاء و يوجهها لحد يكتشفها بإذن الله
شد حيلك بقى ف الامتحانات
:)
تحياتى
إيمان الطاهر
يعيش علاء يعيش
شكرا ياعلاء كلك ذوق والله لسببين
عشان رديت عليا
وعشان كلامك الي قلته في حق المدونتين
عارف انا كنت محتاجة حد يقلي اكتبي الي عاوزاه وان محدش بيتفق علي حاجة..وان المدونة مش سيئة زي ماانا شايفاها
انت اكس اكس اكس مان اكس اقصد بيها
excellent
شكرا ياعلاء
اللون الاسود لون الغموض ..و العزلة مدونة جميلة و اشعار اجمل
تقبل مروري
بوست رائع
خالص تحياتي
احمد
hey:
this is my new blogs address
http://egyptiangirl-81.blogspot.com
hope 2 see u there
chao
انا اكتشفت قريبا فى مصر ان اغلبيه ولادها شعراء وعندهم احساس مرهف بجد يا ريت الشعر والكتابات دى تأثر على سلوك وبكده مش هيكون فيه عنف ولا كره
عمرو ازيك انت مختفي فين
معقول لسه مخلصتش امتحانات؟
عندي لك تاج لما تفضي تعا خده
ده جاني من احمد الصباغ
دودو
يانهاري بجد والله معرفش ليه بقلك ياعمرو
اسفة جداااااااا
مش هنسي بإذن الله تاني
ياعلاء
اشكرك لاستجابتك للتاج
الله حافظ
دودو
hey
i changed the link of my blog,this is the new link,
http://egyptiangirl-1981.blogspot.com
chao
علاء
مساء الخير يا اخويا
اولا : اطفي السيجارة لاني مش باحب ريحتها
ثانيا : سعيد جدا بانك رجعت تشرني بالزيارة رغم انك جيت ومشيت على طول من غير ما تشرب حاجة
ثالثا : عندك حق ان سبب رجوعنا لورا هو تخلفنا عن سنة رسول الله صلى الله عليه و سلم
انا و الله بازورك كتير لاني اصلا حاطك من ضمن مدوناتي المفضلة على الجنب تحت عنوان ( امواج صديقة ) لسهولة التردد عليك
خالص تحياتي
احمد