عايش... ولكن !!!!
الدنيا صحيح زى ماتش الكوره
الانسان فريق والشياطين فريق
وياترا بقا من اللى هيضحك ع التانى ويجيب جون
هتقولولى شكلك بتهزر هقولكوا والله لا ما بهزر
مهو احسبها انت مع نفسك هتغلب الشيطان ولا هيضحك عليك
لو غلطت الشيطان خد عليك نقطه والنقطه هنا انذار ليك لسه قدامك وقت تعرف تعوض فيه وتصلح اللى فاتك
والا هيجى وقت تكون انت خلاص صلاحيتك انتهت فى الملعب وهتطلع بره وتتحاسب بقا على اللى عملته
ياترا هتكون عملت خير ولا شر وهتقدر تقف قدام ربك وتطلب منه السماح والمغفره على الزنوب القليله اللى غلطت فيها ولا الزنوب هتتقل لسانك ومش هتقدر تقول من ربك وما دينك ومن هو الرسول اللذى بعث فيك ... مهو دى اسألة ملكى القبر
هتقدر ترد ياريت
صحيح احنا فى زمن بنقاوم فيه مغريات كتير جدا وساعات مش بنقدر نقاومها وانا اولكوا
بس ياريت تصلى على نبيك لانه شفيعك وهو اللى احبك ومش انا اللى بقول كده
يا اخويا ويا اختى والله احنا اخوان الرسول
هتقولولى يابنى ازاى واتكلم على قدك وايه اللى بتقوله ده متلغبطش
يا جماعه ده حديث صحيح عن الرسول صلى الله عليه وسلم
عن أبي هريرة : أن رسول الله صلى الله عليه وسلم خرج إلى المقبرة فقال : ( السلام عليكم دار قوم مؤمنين وإنا إن شاء الله بكم لاحقون وددت أني قد رأيت إخواننا) فقالوا : يا رسول الله ألسنا بإخوانك قال :( بل أنتم أصحابي وإخواننا الذين لم يأتوا بعد وأنا فرطهم على الحوض ) فقالوا : يا رسول الله كيف تعرف من يأتي بعدك من أمتك قال :( أرأيت لو كان لرجل خيل غر محجلة في خيل دهم بهم ألا يعرف خيله) قالوا : بلى يا رسول الله قال : ( فإنهم يأتون يوم القيامة غرا محجلين من الوضوء وأنا فرطهم على الحوض فلا يذادن رجال عن حوضي كما يذاد البعير الضال أناديهم ألا هلم ألا هلم ألا هلم فيقال إنهم قد بدلوا بعدك فأقول فسحقا فسحقا فسحقا ) رواه مالك في الموطأ و النسائي و ابن حبان بسند صحيح .
ها ايه رأيك صدق حبيبى رسول الله
يا جماعه احنا عمالين نقول الرسول بيتسب والمسلمين بيتهانوا وحصل كذا فى العراق وحصل كذا فى فلسطين وغيرها وغيرها
احنا قصرنا فى ديننا وقصرنا فى اتباعنا للرسول وانا اول واحد مقصر بس عندى امل انى اتحسن وواحده واحده وبحاول ابتدى بنفسى قبل ما اقول لغيرى
ياريت تلاحظوا اخر الحديث اللى فات الرسول صلى الله عليه وسلم بيقول "ألا هلم ألا هلم ألا هلم فيقال إنهم قد بدلوا بعدك فأقول فسحقا فسحقا فسحقا "
واخدين بالكوا يعنى لازم نتبع سنته وننتهج نهجه علشان تسقى من يده الشريفه شربه هنيئه لا نظمأ بعدها ابدا

وفى حديث الحذر من مخالفة هدي النبي صلى الله عليه و سلم فإن ذلك مؤذن بالحرمان من ورود حوض النبي صلى الله عليه و سلم عن أبي هريرة أنه كان يحدث : أن رسول الله صلى الله عليه وسلم قال ( يرد علي يوم القيامة رهط من أصحابي فيجلون عن الحوض فأقول يا رب أصحابي ؟ فيقول إنك لا علم لك بما أحدثوا بعدك إنهم ارتدوا على أدبارهم القهقرى ) رواه البخاري و تأمل قول النبي صلى الله عليه و سلم : (فيقال إنهم قد بدلوا بعدك فأقول فسحقا فسحقا فسحقا ) ألا ما أعظم الحرمان و ما أجل الخسران من حرم هذا اللقاء العظيم
انا مش عاوز اجيبلكوا احباط ولا حاجه بس انا ببشركوا وبعدين بقولكوا حاجه يعنى يمكن تحنن قلوبنا للقاء الرسول
اكتر بشرى سمعتها بقا ان الاسلام اكتر ديانه بتنتشر فى العالم كل ساعه 3 افراد بيأسلموا لله عز وجل
يعنى عاوز اكتر من ده بشرى ايه
وخلى بالك ان حكاية سب الرسول هى ابتلاء هنعمل ايه فى الوقت ده وكل اللى بيحصل لينا ابتلاء
انا سمعت من احد الشيوخ ان الصحابه زمان لما كانوا يذهبوا فى غزوه كانوا ويحاصروا الحصن ويستعصى عليهم فتحه ويقعدوا كذا يوم مش عارفين يفتحوه وبعدين يسمعوا الناس اللى جوه الحصن بتسب الاسلام والمسلمين
يستبشروا خير وانهم خلاص النصر قريب جدا
ياريت نستبشر خير ونحاول نغير من نفسنا يمكن يتغير اللى بيحصل لينا
اسف جدا للاطاله عليكوا
وعجبى

11 تعليقات
  1. أزال المؤلف هذا التعليق.

  2. ما شاء الله تدوينة جميلة جدا

    جعلتنى استشعر أننا على قرب من رسولنا الحبيب صلي الله عليه وسلم

    وأنه ينتظرنا لقاءنا كما ننتظره لقاءه

    بارك الله فيكِ

    ولا أسمعنا الله كلمة سخطا أبدا

    وحشرنا مع حبيبنا صلى الله عليه وسلم


  3. appy Says:

    بس الله ماشاء الله
    انت تغيب تغيب وترجع بحاجات جامده ربنا يبارك فيك وفى كلامك


  4. دعاء
    نورتينى وسؤالك انا رديت عليه عندك فى المدونه بتاعتك
    ويارب اكون وفقت فى الرد وربنا يجعله فى ميزان حسناتنا

    امة الله
    نورتينى ويارب يهدينا جميعا
    وشكرا لتعليقك

    APPY
    وحشتينى والله
    نورتينى ويارب تكونى منوره مدونتى كده دايما
    دى اقل حاجه عندى يا APPY هههههههههه
    تحياتى ليكوا كلكوا


  5. أزال المؤلف هذا التعليق.

  6. ربنا يحفظنا من وسوسة الشياطين ولعب الشياطين ويخلينا اقوي منهم


  7. أزال المؤلف هذا التعليق.

  8. nonoymm Says:

    احنا قصرنا فى ديننا وقصرنا فى اتباعنا للرسول وانا اول واحد مقصر بس عندى امل انى اتحسن وواحده واحده وبحاول ابتدى بنفسى قبل ما اقول لغيرى


    اقتباس من كلامك
    وهي دي الخلاصة
    اكرمك الله وجزيت بالخير
    مدونتك رائعة باذن الله هتابعها ويلا فين الجديد هنتظر
    تعليقيك في مدونتي شرفني اتمنى تكرار الزيارة والتواصل
    تحياتي لحضرتك
    السلام عليكم


  9. السلام عليكم
    ليتنا نفهم وجزاك الله خيرا