عايش... ولكن !!!!
انا كنت محتار اكتب فى اى موضوع
بس فى الاخر قولت اهو افضفض معاكوا واللى يطلع بقا يطلع
طبعا كلنا شايفين اللى بيجرا فى البلد اليومين دول والله بجد الواحد مش عارف ايه اللى فاضل وحش وما اتعملش فى البلد
وفى وسط كل ده يقولولك ما شربتش من نيلها ههههههههههههه لا والله طيب علشان نشرب من نيلها كويس بقا
دى معارضه للاغنيه بتاعة شرين
بلدنا مبتش لينا والكلام ده بقاله سنين
تايهين على طول ضايعين واحنا مستسلمين
مهربتش من جيشها؟؟!! طيب من طوابير عيشها
طب دقت فى يوم اللحمه ولا العضم فى قراقيشها
مشفتش مجاريها ؟؟!!! طيب موقعتش فيها
ولا ليك مسئوول او واسطه علشان تعرف تتعين بيها
دور جواك تلقاها هى الزل وهيا القهر
مصر بلدنا حضاره وحجاره وفراعنه ونهر
يمكن راضى لانك فيها زى الطور راسك فى سواقيها
بس اللى مجرب وفارقها قال والله ما هرجع ليها
*****************************
اظن دى اللى مفروض تتغنى مش كلام الانشا اللى بيقولوه ده
المهم انا سمعت ان فى اضراب مدنى يوم 6/4
تفتكروا ممكن يحصل
اعتقد ان الشعب مش متعود انه يعمل اضراب والشعب سلبى اصلا
آآآآه صحيح كنت هنسى
سمعتوا عن موضوع هولندا
الاخ النائب اللى فى البرلمان الهولندى اللى عمل سريط فيديو مسىء جدا للقرآن
يعنى مكفاهمش الرسول دخلوا على القرآن كمان
ياجماعه ده ايميل الخارجيه الهولنديه ياريت نعمل حاجه ايجابيه بقا
buza@postbus51.n1
ياريت نبعت ع الميل ده نعرفهم اننا غضبانين جدا من اللى بيحصل ده
يمكن يحسوا على دمهم
يلا اهو حتى يبقى عملنا تقدم شويه بدل ماحنا حاطين ايدينا على خدنا كده
ونستفيد شويه من النت بدل ماحنا قاعدين نشيت ليل نهار
وعجبى!!!!!
20 تعليقات
  1. عجبتبتي اوي المعارضة بتاعة اغنية شيرين علي فكرة
    وخصوصا مشفتش مجاريها طب وموقتيعش فيها

    انا ليا واحد صاحبي عمل معارضة تانية بس طبعا مش ينفع اقولها
    انت قماشة كاتب متميز يابني
    استمر


  2. ولو انى مش سمعت اغنية شيرين
    بس اكيد كلماتك اكثر واقعية

    آما بخصوص فيلم النائب الهولندى جيرت فيلدرز
    الحقيقة فيلم بشع جدا، نزل علي تيوب لمدة ثلاث ساعات
    ثم تم حذفه
    وبعدين نزل على LiveLeak
    لمدة ثمانية واربعين ساعه وتم حذف بقرار دولي
    لاول مرة فى التاريخ يصدر قرار دولى بالسرعة دي
    بعدم اذدراء الاديان.

    الفيلم كان مهزلة بكل المقاييس
    لدرجة ان المسيحيين واليهود اعترضوا عليه
    ولو كان استمر اكتر من يومين
    تأكد ان كان هاتحصل كوارث سياسية
    مش فى الدول العربية ، لأ، فى الدول الاوروبية
    من الجاليات الاسلامية، على غرار ما حدث بعد عرض
    فيلم (سبميشين) لمخرجه ثيو فان جوخ
    الذى قتل على يد مسلم هولندي من اصل مغربى
    وما اعقبه من اعمال حرق وشغب هزت هولندا
    فى ذلك الوقت.

    (إن ربك لبالمرصاد)

    تحياتى


  3. نسيت اقولك

    الفيلم كان اسمه فتنــة
    FITNA

    تحياتى


  4. انا شايفة احسن حاجة نعملها اننا نتجاهلهوم لان اللى فى دماغهم فى دماغهم مابيتغيرش ودول اصلا مش عاجبهم الاديان كلها وربنا يثبتنا ويبعدهم عنا


  5. أزال المؤلف هذا التعليق.

  6. *سمر* Says:

    جميل اوى التحديث بتاع اغنية شيرين ..بجد جميل :) ..وواقعى جدا

    شكرا على ايميل الخارجية الهولندية ..ان شاء الله هبعتلهم ..

    اتمنى اتمنى انى يوم 7 /4 اكتب عن يوم 6 واقول انه المرة الاولى اللى يتحد فيها الشعب منذ زمن بعيد ويعمل فيها حاجة ..

    تحياتى
    http://wa7di-ofakker-137.blogspot.com/


  7. أزال المؤلف هذا التعليق.

  8. مشفتش مجاريها طب وموقتيعش فيها
    هههههههههه

    لو شيرين غنتها هتبقي اغنية جامدة جدا علي فكرة

    بالنسبة للفيلم ولاي اساءة انا شايفة ان الحل هو التجاهل
    يا جماعة دول صم بكم عمي لا يعقلون


  9. totaaaa Says:

    الثحديث اللى عملته على الاغنية اكيد اكثر واقعية مع انى باحب الاغنية دى اوى رغم ان كل الكلام اللى فيها زى ماانت قلت كلام انشاء بس ساعات برضه بيكون حلو انك تحاول تتناسى الحقايق المرة دى وتفتكر بس انها بلدك وتغنيلهاحتى لو هى وحشة اوى كده وقاسية علينا

    الاضراب بقى انا مش عارفة هوا حصل اساسا ولا لا بيقولو فى اضراب تانى يوم 4 مايو يوم عيد ميلاد ريسنا حبيب الملايين
    الفيلم الهولندى ده رغم اساءته للاسلام لكن رب ضرة نافعة انا الحقيقة مبسوطة من رد الفعل اللى حصل من الحكومة والشعب الهولندى وان فى قنوات مارضتش حتى تذيع الفيلم انا شفت الفيلم فيلم فى منتهى التعصب ومافيش فيه اى نظرة حياد حتى
    وان يكن
    حلوة اوى فضفضتك دى وانا كمان رغيت كتيييييير سورى بقى
    اسعدتنى زيارة مدونتك


  10. أزال المؤلف هذا التعليق.

  11. reem Says:

    كلامك صح ومؤثر اوى معاك فى كل حاجة بس ملوش لازمة الاحباط ده


  12. امل Says:

    لا حول ولا قوة الا بالله
    فعلا صدق رسول الله
    "يوشك ان تتداعى عليكم الامم كما تتداعى الاكلة الى قصعتها"
    وعلى فكرة..
    أنا معرفش اغنية شيرين بس معارضتك ليها جميلة قوي وحقيقية فعلا


  13. dina Says:

    مصر بلدنا حضاره وحجاره وفراعنه ونهر

    فعلا عى دى مصر


  14. rona Says:

    بجد حلو اوى الاغنيه
    وبالنسبه لفيلم النائب الهولندى فتنه ده مهزله من الدرجه الاولى
    وان شاء الله فى ناس كتير بتحاول شوفت ناس عملت زى الفيلم ده بس بمهازل الاسرائيلين للمسلمين
    محنا لازم نتعامل معاهم بنفس اسلوبهم
    ولازم نتحرك بقى كفايا نوم


  15. shreen Says:

    كلماتك واقعية الى حد الوجع

    والاهم انك اشرت الى مشكلة سلبية المواطن المصرى

    التى اراها انا اكبر مشاكلنا

    كل واحد يقول
    وانا مالى
    او هى جت عليا

    وماحدش بيفكر ان لو كل واحد قال كده
    يبقى ما فيش حاجه هتحصل

    تحياتى


  16. Salwa Says:

    تحديثك لأغنيه شرين أكثر من رائع بجد

    واقعي ..

    أما بخصوص النائب الهولندي
    فطبعا رد كاميليا كفى ووفى بصراحه

    دمت بكل خير


  17. Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Estabilizador e Nobreak, I hope you enjoy. The address is http://estabilizador-e-nobreak.blogspot.com. A hug.


  18. mero-moory Says:

    السلام عليكم ورحمة الله وبركاته

    سوري للإطالة التي هتقراها بس زي ما انت قلت انها فضفضة وأنا ليا رأي مختلف شوية وبطريقه بحب أفكر فيها
    أولا موافقاك على كلامك بس بالشكل اللي عايزة أقوله الأغنية بتاعة شيرين بجد بحبها جدااا وحلوة ونقدك ليها بالشكل ده عبقرية منك تسلم عليها
    بس لو جينا شوفنا الأغنية الأصلية
    شيرين بتغني لوطن بتغني للي انت قلت عليه فراعنه وحجارة وارض ونهر بتغني للأشياء اللي دول العالم مستعدة تعمل المستحيل وتاخدهم وتسيطر عليهم مستعد تعمل المستحيل عشان بلدهم تكرم وتذكر بالقرآن زي ما مصر ذكرت ادخلوها بسلام آمنين
    زي ما ملوك العالم وسلاطينها من زماااان وإلى الآن مطمع للعالم كله شيرين سبق وغنت للبلد انها غالية عليها وكل ماليها زي ما غنت مشربتش من نيلها طيب تعمل ايه للي اتعلموا وعاشوا وموش اتبهدلوا فيها وباعوها ده نسميه ايه
    العيب موش في البلد العيب في اللي ماسكين البلد وبيمشوا الحكم بمزاجهم
    ولكن يبقى قول الله الذي لا رد لقضائه
    بسم الله الرحمن الرحيم
    (ويمكرون ويمكر الله والله خير الماكرين)
    صدق الله العظيم
    ربنا شايف وقادر وهو الأقوى مهما كان معاهم سلطان فلا سلطان فوق سلطانه وإن شاء الله كل شيء يكون بخير من تاني

    ميرسي ليك يا علاء
    وسوري للاطاله