عايش... ولكن !!!!




نتيجة الثاويه قربت

وياعينى ع المدرسين اللى ركبهم بقت بتخبط على الجيران

اصل مفيش طالب متوقع انه يجيب درجه كويسه

وربنا يستر على الطلبه شكل يوم النتيجه ده هيبقى مجزره

اصلى مجرب الشعور ده والحكايه مش سهله





على رأى شعبولا

خلاص هبطل غنا

واسرح ببيض وصميط

مهو اصل الغنا

دلوقت بقا تنطيط

هههههههههههه

بجد بقت حاجه تنرفذ جدا

وبقت هيصه كده وكل اللى معاه فلوس يطلع يقول اى كلمتين ويبقى سوبر استار



وبعد تفكير عميق

وبعد ان اجتمعت كل الاراء على ان الحكومه لن تقدم استقالتها

فعليكم ايها الشعب

اما ان ترضوا بما فى ايديكم وكفايه عليكم الصحه والستر

وان كانوا موجودين

يا اما تقدموا استقالتكم من هذه البلد

وسيبوها لينا احنا وريحونا من وجع الدماغ

يا اما تعيشوا فيها صم وبكم لا بتشوفوا حاجه ولا بتسمعوا حاجه

وخليكوا طيبين وحلويين علشان تاكلوا شيكولاته فى العيد الصغير

انا استغربت جدا لما سمعت عن القطه اللى فى امريكا
طلعت على شجره ومعرفتش تنزل
قلبوا الدنيا علشان ينزلوها وجابوا الصحافه والاعلام
قولت سبحانك يارب بيعاملوا القطه اذاى وهما نفسهم بيعاملوا البنى ادمين اذاى
ويبعتوا مبعوث مش عارف منين علشان يشوف بيعاملوا الحيوانات اذاى
طيب ما تشوفوا البنى ادمين بيتعاملوا هنا اذاى الاول










29 تعليقات
  1. هههههههههههه تعليقات جميلة , بالنسبة للثانوية العامة , فالمشكلة مشكلة الطلاب اكتر , دا مصيرهم هما , لكن بالنسبة للمدرس لو واحد جاب معاه النهائى هيقول العيب مش فيا .


    وبالنسبة لمعاملة الحيوان هناك , ومعاملة الانسان هنا فلا يوجد ادنى مقارنة


  2. نسيت قولك عجبى انا كمان


  3. اولا وحشتنى جدا اخى الحبيب
    كلماتك جائت على جرح وتر فعزف الام لم تندمل جراحاتها......وذكرتنى بشر البلية ما يضحك
    .............
    أرجو ان تكون بكل خير

    .
    نور الدين محمود


  4. كل دى أفشات
    ثانوية عامة وانتظار نتائج
    فى ناس كتير فى مصر بيحقدوا على حيوانات برة الشعب ماله احنا نعمل نفسنا قطط وكلاب ونطلب نهاجر
    ربنا يستر


  5. جميله قو الفكره احييك عليها
    الثانويه السن دى هاتكشف ناس كتير وهاتبين مستوى ذكاء الشعب المصرى الحقيقى


  6. enjy Says:

    جميييييييييييييييل انت بجد تحفة الموضوع حلو جدا ومايزهقش اطلاقا اللقطات دى فكرة جميلة بجد برافو يا علاء


  7. Foxology Says:

    قفشات زى الضربات :)

    جميلة قصة الثانوية دى واهو قدر ومكتوب هنعمل ايه ؟

    تحياتى :)


  8. ahmed saker Says:

    السلام عليكم

    صور جميلة و معبرة فعلا عن الواقع الذي نعيشه

    شكرا لك على الموضوع الجميل


  9. قفشات كدة ورا بعضها وكلها في الجون
    بس والله معاك حق
    انا نفسي اعرف جمعية حقوق الانسان تايهة عنا فين؟!


  10. نونو Says:

    واله صعبنين علية كلة بيسأل على اسعار الكليات الخاصة
    علشان يلحق يحجز مكان فى كلية محترمة وبعدين يهاجر من البلد دى ؟
    سبحان الله هنهرب منها وهى بلدنا


  11. السلام عليكم
    ما أجمل أن يكون لدى كل مواطن مصرى مجهره الخاص به ليرى الشرائح التى يفضلها بكل دقة وانا من محبى المجهر وعرض الشريحة والتدقيق فى خصائصها والبارع الذى يعرض الشرائح التى رأها ثم قام بتحليلها جيدا ثم عرض النتائج لنتلقى الخلاصة وانت أجدت عرض النتائج التى حللتها جيدا فخرجت لنا بمحتوى مبسط شامل كل العناصر خيفف الظل وسهل إستيعابه
    حقيقى موهبة صحفية مبشرة
    أتمنى لك الاستمرار بهذه النظرة
    مع خالص تحياتى


  12. كلمات في الصميم
    تحياتي لك


  13. nody_1987 Says:

    صحه وستر؟
    هى فين الصحه
    وفين الستر
    ما الناس غرقانه فى الامراض من كل لون
    وبتصحى وتقوم على هم الديون والاقصاط

    اما بالنوسبه لامريكا
    فادى قطه امريكااااااااانى
    والامريكانى يكسب
    حتى لو كانت قطه


  14. منوعات صادمة ولكنها واقعية


  15. appy Says:

    الثانويه العامه يا رب يطلع تعب الاولاد على خير يا رب

    اما شعبولا يا راجل حد يجيب مثل للكلام من شعبولا القله ولا كله كوم والمصيبه التانيه اللى اسمع زعرور ده كوم تانى يا لهوى لما بشوفه بيبقى نفسى اضربه بالشوز يالا كفايه كده عليا حرقه دم


  16. rara Says:

    ربنا يكرمك كل اللى فى الثانويه العامة بالمجموع اللى يتمنوه
    اللهم امين


  17. maryooom Says:

    عاوزة اقولك اني هاتكلم عن الثانوية العامة لأن اختي الصغيرة فيها ومش عاوزة اقولك ان انا اللي عايشه لحظات الرعب اكتر منها والله لدرجه ان انا جتلي سخونية من كتر التفكير وربنا يستر


  18. نونو Says:

    الف سلامة انت قولت انك تعبان
    ربنا يشفييييييك
    الف سلامة


  19. dina seliman Says:

    قفشات جامده جداا
    بس انت منشن اوى
    يعنى لو مفيهاش اعتقال
    هيبقى موت قضاء وقدر


  20. نظام التعليم بشكل عام تعابنا اوى و زى ما يكون حالف ستين يمين ما يتعدل و يريحنا ابدا و كل شوية يغيروا فى النظام لنظام اسوا من الى قبله
    انا جربت نار التحسين

    تحياتى


  21. هههههههههههههههههههه حلوة اوى اللى خلاها احلى الكاريكاتير بجد تعليقات جامدة


    تسلم بجد


  22. امل Says:

    السلام عليكم
    هههههههه اسقاطات جميله قوي ودمها خفيف حاسة اننا الشعب الوحيد اللي بيضحك على همومه أكتر حاجة عجبتني الكابتن اللي عايز الشعب يستقيل ده لا فعلا معاه حق مهو هوه ده الحل الوحيد واللي فعلا شباب كتير بيعملوه دلوقتي بيستقيلوا ويسافروا للخارج ويسيبوا الحكومة تعمل اللي هيه عايزة
    تحياتي


  23. بطل تريقة على خلق الله
    اهم نجحوا غيظ فيك
    للللللللللللللللللللللل
    تحياتى وفى انتظار جديدك وبطل حقد ع القطة
    حتى دى بصينلها فى رزقها
    غلاسة
    ياساتر ياساتر
    هههههههههههه
    تحياتى


  24. نونو Says:

    مبرووووووووووك للناجحين


  25. حلوة اوى قفشاتك
    التدونية دى هههه
    والحمد لله على اننا عدينا الثانوية وسنينها ومبروووك للناجحين

    احترامى لك


  26. حلوه فكرة المدونه اوي
    ومش حعلق علي الثانويه العامه معلش لما بفتكر نفسي بتغم عليا


  27. Bongo Says:

    ههههههههههههههه

    نورت مصر :D


  28. mero-moory Says:

    السلام عليكم ورحمة الله وبركاته
    النبي عثثثثثثثثل يا لؤا ضحكتني والله
    بس المدرسين الخصوصيين احنا السبب فيهم الواحد والاحده يخلفوا ويقولوا من وهما بحضانه هنجيب مدرس بالبيت ليييييييييه حرام تتعبوا نفسكم شويه وتتابعوا ولادكم وكل سنة الفيزيتا بتاعهم تزيد بجد ربنا يرحمنا برحمته وبالنسبة للغناء انا موش بعتبر دلوقتي غير على راي حكيم كله نازل يرقص ههههههه
    وبالنسبة للحكومة والشعب هبلغ عنك يا لولو هههههههه لا بجد هقول حسبنا الله ونعم الوكيل الله جب الله خد الله ينتقم منهم وعليه العوض

    ربنا كريم ينتقم من كل اللي بيعملوا غلط اللهم آمين يارب

    في رعاية الله