عايش... ولكن !!!!

حدثنى المسطول ابن بهلول
وقال:-
انه فى ليلة العيد ... ذهبت الى صديقى سعيد
فسألنى عن احوالى ... وكيف العيد بالنسبالى
فقلت لا اجدنى سعيدا ... حتى وان لبست الجديدا
فقال حل مشاكلك عندى ... تعلالى بالليل يا افندى
ستجد شلة من الاصحاب ... وسنكون جميعا مع السحاب

فانصرفت وانا فى انتظار.. ان يسدل الستار .. على ضوء النهار
وما ان وجدت الساعة تدق العاشره .. حتى وجدتنى اهرول هروله
ذهبت الى بيته واخذت ادق الباب .. فسمعت صوتا يقول " تفضل يا اغلى الاحباب "
دخلت فوجدت الدخان ... يملأ ارجاء المكان ... ولا ارى منه اى انسان
وما ان دخلت حتى سمعت ضحك وكركره ... وصوتا يقول " والله انك لمسخره "
فنظرت واذا به احد شباب الحاره ... يمسك بيده سيجاره
ولكنها كانت محشيه ... وبالحشيش ممليه
فقلت ما هذه يا جارى ... قال انها التى تطفىء نارى
سيجاره تخرجك من الدنيا الهباب ... الى ما وراء السحاب
اسمها دبوس .. خد جرب وبوس
فمسكتها واخذت نفسا عميقا .... وتبعته بأنفاس حتى دمعت عيناى وامتلأت بريقا
فقال اتبعها بقا بشدة من هذا الخابور ... علشان تعلى معاك وتبقى زى الطور
فقلت له اهدى شويه عليا ... دنا لسه اول مره اجرب الحاجه ديه
قال لى يا صديقى عندنا مبدأ .... لكل واحد يبدأ
الكيف يا صديقى مناوله مش مقاوله
مد اليا يدك ولا تكن خجولا .... الحشيش كتير والمزه والكوكاكولا
مددت يدى واخذتها ... وشددت نفسا وتركتها
فوجدت نفسى اضحك ولا ابالى .. وكأن لا يوجد شىء ببالى
وشتمت هذا ولعنت هذا ... ولا ادرى لماذا
ولم اكن استطيع ان امسك لسانى ... وكأن احدا غيرى يتحدث مكانى
واحسست بجوع فظيع ... اريد ان اأكل ولو حتى قطيع
فقلت بعد اذنكم ... معندكوش حاجه تتاكل عندكم
قالولى عم صابر البقال ... هيديك اللى انت عايزه فى الحال
فتركتهم وذهبت الى عم صابر .... ولم اكن اعلم الى اين انا عابر
وحين وصلت عنده ... نسيت اسمه .. ولكنى وضعت الفلوس امامه
فقال ماذا تريد ... فقلت لقد نسيت ... هاتلى اى حاجه تضيع الجوع الشديد
فأخذ يضحك عليا ... ثم قال يا بنيا .. حاضر هجيبلك من عنيا
ولكن هذه الفلوس كتير ... فخذ ما يكفيك من الفطير
فأخذت ما يكفينى وذياده ... واعطانى الباقى فكة كالعاده
ولكنى لم اخذ بالى ... فلم اكن لأى شىء أبالى
وأخذت اكل فى الشارع ... وانهش منه وكأننى اصارع
وكل من اقابله ينظر اليا ... ويقول " دانت دماغك ميه ميه "
وما ان انتهيت من الاكل ... حتى وجدت امعائى تركلنى ركل
ثم استلقيت على الارض ... فوجدت اناسا حولى وكأن هناك عرض
ثم وجدت نفسى على سرير نظيف ... ولكنى كنت قبلها ملقى على الرصيف
فسألت اين انا ... قالولى احمد ربنا
لقد كان عندك اوفر ديوث ... ولكن لحقناه قبل الحدوث
فقلت يا الله ... لقد كتبت ليا النجاه
فانى اعدك ياربى وعدا .... انى لن افعل ذالك تانى ابدا
************************************************
معلش يا اصحابى مش هقدر اتابع مدوناتكوا زى الاول
لانى هدخل نت قليل بس هحاول اتابع على قد ما اقدر
45 تعليقات
  1. يعرفون انهم مغيبون

    ويحبون ان يغيبوا

    اعطاهم الله العقل

    وظنوا انه سبب الامهم

    فباعوه بارخص الاثمان

    ولكن هلي يستطيعوا استعادته ولو باغلي الاثمان ؟

    اتمني ...

    منتظرينك ويارب غيابك ميطولش

    ليكوريكا


  2. EMMY BABY Says:

    ههههههههههههههههههههههه ادى اخرة المسخرة واصدقاء السوء اللى انت بتمشى معاهم

    بجد جميلة اوى اوى

    واحلى حاجة المغزى اللى فى الاخر

    تسلم ايدك

    تحياتى

    ايمى


  3. غير معرف Says:
    أزال أحد مشرفي المدونة هذا التعليق.

  4. اخي العزيز علاءانت عارف اني بموت في النوعيه دي من كتاباتك ومميزاك جداًَ وبجد اكتر من روعه بس مش لدرجه انك تملأ لي الكلام حشيش ودبابيس وخوابير بالصوره دي ههههههههههههه اوعى يا علاء تكون انت بطل القصه دي ازعل اوي والله عليك ، بس لو انت مخترعها تبقي بجد فوق الرائعه انك تكتب حاجه من الواقع بالصوره دي وبجد بتحصل كتير بجد متميز دائماً يا بشمهندس ربنا يكرمك وما تتأخرش كتير
    مستنيينك
    وكل سنه وانت طيب
    تحياتي


  5. trick Says:
    أزال المؤلف هذا التعليق.

  6. بسم الله ماشاء لله

    ربنا يبارك فيك

    بجد بوست ممتاز


  7. princess Says:

    ههههههه
    ادى اخرة الحاجات دى :)
    احلى حاجة المغزى اللى فى الاخر
    بس انا صعبان عليا الفطير:)))
    تحياتى


  8. غير معرف Says:

    الله ينور يا لولو .... شعر المقامات كمان لا بجد حلوه... بقولك ياد لقيتلك حاجه هتعجبك تريقه على أغنيه واحده واحده بتاع حماقى بس كلها عبر ومواعظ باللينك على اليوتيوب شوفه وقولى رأيك


    أغنيه طب واحد واحده معدله
    http://www.youtube.com/watch?v=NPUkcoJyJmE&NR=1

    دى بلدنا كترت حراميها
    ويقولك رايسنا حاميها
    أمال خيرها ده فين
    يا فرحتى عايشين من غير حروب
    30 سنه جوا البلدى
    وبلدنا خيرها ماهوش لينا
    ده بيدخل جيبه الى حامينا
    على كده عيشنا سنين

    ما تحل عنا بقى زهقتنا
    خليتنا نكره إنك وسطنا
    لو قلت همشى كده ريحتنا
    ما كفانا شقا
    لو كنت مصرى ذيك ذينا
    بتحب مصر تبعد عننا
    ما بقاش فى حد عايزك مننا
    وكفايه بقى

    ياما سمعنا كلام ووعود كتير
    فى برنامجك لإنتخابى
    وعيشتنا غليتها علينا
    خليتنا نمشى على إيدينا
    عشان ناكل عيش
    ياما سمعنا كلام ووعود كتير
    ما شفناش ولا شىء إيجابى
    ملينا سبنا بقى كفايه
    مالقينا للفقر نهايه
    ولا عرفنا نعيش

    ما تحل عنا بقى زهقتنا
    خليتنا نكره إنك وسطنا
    لو قلت همشى كده ريحتنا
    ما كفانا شقا
    لو كنت مصرى ذيك ذينا
    بتحب مصر تبعد عننا
    ما بقاش فى حد عايزك مننا
    وكفايه بقى


  9. كل سنة وانت طيب
    انما خير؟؟لية مش هتقدر تتابعنا؟؟عسى المانع خير


  10. بوست جمييل

    تسلم الايادى

    جزاك الله خيرا


  11. Unknown Says:

    مين العالم دى يا عمونا؟؟؟؟؟
    المهم هتغيب ازاى يعنى طب مش كنت تكلكس بدل ما تدخل في رجلى كدة وتكسحنى دة تهييس معلش اتسطلت على الريحة.........ماتغيبش يا علاء بيه


  12. ياعم هو ابو الهولبيشرب انهى نوع مخدرات ؟
    هههههههههههههه
    بوست هايل


  13. ليوريكا
    عندك حق فى كل كلمه قولتها المشكله فى العقل
    ان شاء الله الغياب مش هيطول
    اسعدنى مرورك
    ************************
    FreeKiller
    وانا قبلت الدعوه :) طبعا احنا عرفنا بعض لانى لسه جاى من شوية من اجتماعكوا ده :)


  14. EMMY BABY
    هههههه اه اصدقاء السوء
    انا بصراحه قصدت فيها حاجات كتير مش بس اصدقاء السوء وطبعا المغزى اللى بتقولى عليه ده اهم حاجه طبعا

    **************************

    GAYLOVELIFE
    تعليقك اتحذف واعتقد انت عارف ليه
    ياريت بعد اذنك مش عاوز الكلام القبيح ده تانى هنا ولو الكلام ده نفسك تقوله شوف اى حد غيرى لانى لست من انصار المثليين


  15. FreeKiller Says:

    ههههههههههههه

    عندك حق


    تلاقيكم كمان صدعتم مني اخر صدااااااااع

    معلش معلش انا عارفه اني بعمل دوشة كتير


  16. نيجار
    تصدقى انى كاتبها باسلوب مقالى مخصوص علشانك
    لانى وعدتك انى اكتب بالاسلوب ده لانه بيعجبك
    ومتقلقيش انا مبكتبش حاجه خاصه بيا الا قليل جدا ودى مش من ضمنهم :)
    كويس انها عجبتك
    على فكره محاسن وصلتلى سلامك انهارده اصلى شوفتها فى لقاء المدونين
    ********************************
    حسن حنفى
    شكرا ليك يابوعلى
    سعدت بمرورك


  17. FreeKiller Says:

    دبووووووووووووووووووس

    انا لما اجي اشرب
    اشرب ده

    (بين قوسين قرطااااااس )

    اوفر تيووووووووووووث
    ههههههههههههههههههههههههه


    و الله زي العسل

    بس كويس انه تاب
    ههههههههههههههههههههه

    اديني قريتها اهو
    اي خدعة
    :))

    تحياااااااااااااااااتي


  18. princess
    ههههههه اجيبلك فطيرتين :)
    طبعا المغزى اهم شىء
    هو ايه المغزى ده هههههههه :) بهزر طبعا
    نورتينى
    **********************
    ladiskiller
    ازي يا بوب انت هتيجى التلات ولا امتى ؟!
    شكلها جامده جبتها منين دى


  19. بنت سيناء
    وانتى طيبه
    ظروف شويه يعنى هبقى احاول اتابع بس مش هيبقى زى الاول
    عموما ربنا يسهل
    *****************************
    أختكم فى الله
    شكرا ليكى
    اسعدنى مرورك


  20. كتاباتك رائعة جدا ما شاء الله
    انا بصراحة افتكرتك بطل القصة
    هى فعلا مؤثرة جدا
    انا بلوم كل شاب ربنا رزقه بعقل وصحة وبيضيعها فى الهبل ده
    المفروض يفكر ويحدد اصدقائه اللى المفروض يتعرف عليهم
    دول لاما يدخلوا معانا الجنة لأما يسحبوه للنار والعياذ بالله


  21. enjy
    حاضر مش هغيب يا انوووج
    وبطلى تهييس بقا :)
    **********************
    صوت من مصر
    ههههه معرفش لسه هروح اساله
    اسعدنى مرورك


  22. FreeKiller
    انتى جايه تقريها يعنى علشان تعيرينى ولا ايه :)
    ماشى يا ستى متشكرين ع الزياره
    ****************
    بذرة امل
    لا يا ستى متفتكريش تانى بعد كده ربنا يبعدنا :)
    عندك حق الصاحب ساحب
    اسعدنى مرورك


  23. هههههههههههه.........
    بجد انا من زمان بعشق المقامات وبحب اقراها...
    واسلوبك جمييييل جداوسلس ...
    طبعا المخدرات آفة العصر
    وللأسف برغم من التوعيه لا زال الكثيرين يقعون فريسه لها..
    ........................
    مقاماتك خفيفه وبها من الحكمه الكثير..
    مما يجعل المرء للتعليق بالشوق يسير..
    دمت مدونا مبدعا ونحن بانتظار كل جديد...


  24. M.K
    عندك حق المقامات اسلوبها سلس جدا
    اما بقا عن المخدرات فربنا يعافينا يارب
    اسعدنى مرورك


  25. جميل اوي ياعلاء بالفعل قضيه هامه وعرضتها بشكل جميل

    خالص اسفي لتاخري في الرد

    انت عارف الظروف

    تحياتي

    كيارا


  26. عزيزى عايش ولكن

    كلمات جميلة وعرض رائع للمشكلة

    ووقاك الله شر المسخرة والخوابير

    وعلى فكرة انا مش هندسة

    ومستنيك عندى علشان اديك حقك بصحيح

    تحياتى


  27. غير معرف Says:

    بخلاف البهلول والموضوع اليى مش مركزاله دلوقتى لقاء امبارح كان تحفه
    واكتر حاجه عجبتنى انى شفتكم بس انتا اكتر من رائع والله لسه بكلم نيجار عن اخلاقك وقد ايه امبارح كنت جميل وهادى ومحترم وهيا قتالتلى علاء ده قمه فى الاخلاق وشكرت فيك جامد وبعدين برغم شقاوة ابنى سبتنا ووقفت تتكلم معاه وتلاعبه شكر على ذوقك يا علاء يمكن معرفتش اتكلم معاك امبارح بس يكفى الانطباع اليى خده والى ى اكدلى انك فعلا ابن ناس ومتربى وشخصيه فوق الاحترام بمراحل انا فى قمة سعادتى انى شوفتك امبارح واتكلمة معاك ولو دقيقه واحده بس كانها عشر ساعات...


  28. هااااااااااااى ازيك يا احلى اخ فى الدنيا يارب تكون بالف خير انت مش هتدخل نت كتير لييييييييييية هتوحشنا بجد ابقة طمنى عليك

    القصة حلوة اوى اوى وتوصل معانى كتير ناخد بالنا منها وانت اسلوبك زى العصل ما تغبش كتير حتى ادخل سلم وامشى

    باى يا عثل


  29. حبيبى علاء
    سعدت جدا بلقائك ومدونتك جميلة
    واتمنى ان اللقاء يتكرر كتير
    احمد


  30. dr_samarmar Says:

    حلو ماشاء الله


    أهم حاجة الكلام اللى ف أخر القصيدة دى :)

    ربنا يهديهم كلهم و يبعد عنهم الحجات دى يارب


  31. عندى تاج فى المدونة

    لو عجب حضرتك ياريت تحله


  32. Unknown Says:

    ازيك ياعم علاء
    بجد مدونتك جميلة بس اول ما دخلتها قلبى اتنبض
    الشخص اللى انتا حاطه دا ناوى ينتحر ويخلصنا ولا ايه؟؟؟
    تحياتى ليك
    إسلام ديو


  33. momken Says:

    ايه يابنى الى عملتوا فروحك ده

    يالهه تعيش ةتاخد غيرها

    وحمدالله على السلامه
    وجميل انك توبت ياعم

    تحياتى


  34. لا لا انا قريت البوست يا علاء تحفه تحفه
    انتا كتاباتك كل مدى بتبان قد ايه قيمه وجميله ايه ده ...
    انتا موهوب ادبيا فعلا بس ايه اليى الشخصيه عاملاه فى روحها ده شرب وسكر وعربده وبتتاكل على قفاها وبتاخد الباقى فكه ..بس تستاهل حد قالها تتسطل
    ...
    بس تحفه تحفه تحفه...
    خلص دراسه وارجع للمدونه بسرررررررررررعه عشان كتاباتك تححححححححففففففه....


  35. trick Says:

    مش كتبت بوستات من زمان
    يارب تكون بخير
    ليك تاج عندي مستني تحله ان شاءالله
    :)


  36. Desert cat Says:

    من الاحتفالات ليالى الاعياد بالكركرة والدبابيس للتحرشات فى الشوارع والطرقات بفعل التهييس
    الله يرحمنا من انثال هؤلاء


  37. Unknown Says:

    يانهار ابيض

    عالم المخدرات ده مقفرف جدااااااا

    بس كتابة حضرتك جميلة ما شاء الله

    اشكرك على زيارة مدونتي

    دمت بخير


  38. مممممممممممممممم
    حلو قوى قصتك دى مع بهلول
    اهو لقيت حد اهو ينسيك همومك
    هههههههههههه


  39. غير معرف Says:
    أزال أحد مشرفي المدونة هذا التعليق.

  40. غير معرف Says:
    أزال أحد مشرفي المدونة هذا التعليق.

  41. غير معرف Says:

    في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html


  42. غير معرف Says:
    أزال أحد مشرفي المدونة هذا التعليق.

  43. تجسيد لواقع مؤلم
    بالتوفيق دائما


  44. Mina Says:

    ليك عندي تاج
    عدي خده قبل مايتخطف
    تحياتي


  45. moory-mero Says:

    السلام عليكم و رحمة الله و بركاته

    حلوة جداااااااااااا يا لولو بجد وإنت عارف هي عاجباني ليه عشان الاتفاق اللي لو اتلغى هيحصل فيها دم و أرواح بتطير

    إلهي يارب تتمنع الحاجات دي وتجيلها شوطة دي شباب بايظة بجد في الطراوة موش كفايه السجاير يبقى حشيش كمان وبانجو والحته الميه ميه واحلى دماغ بقى مع الاموات ههههههه الهيروين هههههههههههه يالهوي ده انا كرهت الدقيق والنشا والسكر بسببه هههههههههههههه

    ربنا يكفينا شر البلاوي دي يارب ويحفظنا انا وانت والمسلمين اجمعين

    ويارب ثبت اللي في بالي على اتفاقنا وإلا هشوطه وأديله بوكس أطيره ههههههههه

    يلا يا واد انت موث تتاخر بقى النت وحش من غيرك

    واحفظ الجمايل دي بشجعك اهو يا قطتي هههههه

    في رعاية الله يا كميلة