عايش... ولكن !!!!
اسف لانقطاعى عن المدونه لظروف خارجه عن ارادتى
واوعدكم بالعوده قريبا

وهذه اخر بوستاتى قبل الانقطاع
بجد هديه ليكوا


طاطي رأسك طاطي طــــاطي
أنت ف وطن ديمقراطـــــــي
أنت بتنـــعــــم بالحــــــــــرية
بس بشرط تكون مطاطــــــي
***
لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
أنت ف وطن ديمـــــقراطي
***
لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــه
امسنود بالبدلة الظباطــــي
طاطي راسك طاطي طاطـــي
أنت ف وطن ديمـــــقراطي
***
لماشــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
أنت ف وطن ديمقراطـــــــي
***
لماتلاقي بـــــلاد الـدنـيـــــــا
فيها البني آدم حــــاجة تانية
وأنت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
أنت ف وطن ديمقراطــــــي
***
لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
أنت ف وطن ديمقـــــــراطي
***
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
أنت ف وطن ديمقراطــــــي
أنت ف وطن ديمقراطـــــــي
***********************************
طبعا احمد فؤاد نجم
يلا اشوفكم على خير
__________________
6 تعليقات
  1. مرحبا بعودتك يا علاء

    خلاص يا علاء , وقت المطاطية انتهى
    دلوأتي احنا فى مرحلة مواجهة

    اتمنى اقرا حجات انت اللى بتكتبها
    وديما يارب موفق


  2. dark angel Says:

    بجد مش عارفة ابدا منين بس فعلا كلامك حلو اوي ...و صحيح اوي اوي
    waiting for ur next post insha allah


  3. شكرا يا برديه
    شكرا يا dark angel
    على تشريفكوا ليا المدونه
    ياريت يا برديه يكون فى مرحلة مواجهه
    وان شاء الله هتلاقى الجديد ليا ع المدونه قريب
    بس عموما فى كتابات خاصه بيا بس هتلاقيها منشوره قديمه شويه
    شوفها وقولى تعليقك
    تحياتى
    علاء


  4. نجمة وعشرة علي عشرة
    بس هو معني كلمة عقاطي ايه؟معناها مش بيشتغل؟
    ربنا معاك ياعلاء