عايش... ولكن !!!!
طبعا مستغربين ايه العنوان الغريب ده
بصراحه ملقيتش انسب من المثل الشعبى ده اعمله عنوان للبوست ده
هو صحيح ....سكتناله دخل بحماره
طيب مين اللى سكتناله وايه الكلام الغريب اللى مش فاهمين منه حاجه ده
اقولكوا
لما الحكومه ترفع سعر الكهربا من غير ما المواطنين يعرفوا
ولما الشعب يسكت
تقوم الحكومه تعمل ايه ...مش لاقيه اى رد فعل عادى الشعب مش فارق معاه
او ممكن تقول ان الشعب خلاص مبقاش فاضى من كتر همومه
سابهالهم يعملوا اللى عايزينه
وهما بجد متاخروش
هتقولولى ازاى
اقولكوا بقا ليه دخل بحماره ومش بس بحماره وانا اسف فى اللفظ
ده دخل بالمواشى بتاعته كلها
لما يقولوا انهم هيشيلوا الدعم من ع السلع الاساسيه يبقى متقدرش تقول الا المثل ده
عارفين يعنى ايه يشيلوا الدعم
يعنى يا حضرة الشعب المحترم ... ياعم الفقير الغلبان .... ياللى مش لاقى غير رغيف العيش تاكله
احنا مش هناكلهولك كل اى حاجه غيره
اصله بدل ما يبقى ال20 رغيف ب جنيه يعنى الرغيف بشلن
لا مينفعش لازم تحس بقيمة الرغيف علشان تحمطه قدامك قبل ما تاكله
هيبقى بربع جنيه الرغيف
طبعا ده على سبيل المثال
ولو عايزين امثله تانيه اقولكوا
طيب تيجى نقول مثال تانى ونشوف
انبوبة البوتاجاز اللى بتتغير ب4 جنيه
لا انسى الرقم ده
هتبقى ب28 جنيه
طيب فين المقارنه
الحاجه تزيد 7 اضعاف
قولى عايزنى اقول ايه غير المثل ده
مع العلم وخد بالك من دى اوى
مصر اول بلد بتصدر الغاز فى العالم
طيب تيجى نرجع بالزمن لورا شويه
السادات على ايامه زودوا سعر رغيف العيش وكانت زياده طفيفه
طبعا كلنا عارفين حصل ايه مظاهرات وبلاوى وحصل حريق والحكومه اضطرت انها ترجع عن اللى عملته
طبعا انا بقول منقارنش احسن
لان بجد سواق التاكسى قالهالى بالحرف
"يا بيه كل حاجه فى البلد بتاعتنا بتغلى الا حاجتين هما اللى بيرخصوا ... الحشيش والبنى ادم"
مشروع القرار ده تحت الدراسه وتقريبا دلوقت فى المجلس علشان يتم الموافقه عليه
طيب نقول ايه بس ....... حسبنا الله ونعم الوكيل
**** وعجبى ****
19 تعليقات
  1. والله مش عارفه دا اول تعليق واللا التعليقات هنا من نوع بعد اذن صاحب المدونة
    المهم على مدد الشوف باين ان انا اول واحدة
    وبالتالى هقول
    هيييييييييييييييييييييه
    ياه بقالى كتير ماصدفتش معايا

    ايه دا انا ناوية اقضيها احتفال واللا ايه

    السلام عليكم ياأهل المدونة
    انا جيت اسلم واقول شكرا جزيلا على تشريفكم عندى
    وبالنسبة للموضوع اللى مكتوب بقى
    انا مليش فى الملوخية بصراحة بالذات اللى بالانارب
    تقولى ودى ايه علاقتها بالدعم
    اقولك اصل الحكومة بدأت فى مرحلة التخاريف
    طيب وماخرفش انا كمان ليه هى احسن منى واللا احسن منى

    وربنا يستر عليكى يابلد
    وسلااااااام


  2. ههههههههههه
    مش عارف أقوللك ايه
    الكلام يضحك وللا يبكى
    بس هو زى ما قلت
    سكتناله دخل بحماره


  3. عمنا المتنبي قال زمان كلمة حلوة قوي
    قال و كم ذا بمصر من المضحكات لكنه ضحك كالباكا
    و مش عارفة إذا كنت كتبت البيت صح وللا غلط

    تحياتي على مدونتك الرائعة و أسلوبك في الكتابة و المواضيع اللي بتطرحها

    شروق


  4. CresceNet Says:

    Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.


  5. loumi Says:

    العزيز علاء
    تحياتي لك ولمدونتك المؤثره
    قرأت أكثر من موضوع
    وكلهم ينموا عن شخصيه واعيه بما يحدث حولها وده مش جديد على شبابنا
    المشكله إن البلد مليانه خيرات بس للأسف رايحه فى جيوب قله متحكمه في البلد
    وربنا يرحمنا منهم
    وحسبنا الله ونعم الوكيل

    **********************************
    الحلاوة هي حلاوة الروح
    والجمال مقاييس متفق عليها
    وهي تختلف من مجتمع لمجتمع اخر
    ومن زمن لاخر
    تحياتي


  6. احىى سواق التاكسى

    بوست بيبين الواقع فعلا

    تحياتى ليك


  7. العنوان مش غريب ولا حاجة لان كلامك ينطبق على كل حاجة فى الدنيا زى البلد اللى كل واحد عايز يخطف اللى يقدر عليه ويجرى ولان الحكومة شايفة ان الشعب بقى مسلوب الارادة وتقوله امشى يمين بيمشى وامشى شمال هيمشى يبقى من حقها تركب وتدلدل رجليها وطبعا الشعب لا حول له ولا قوة مش قادر حتى يفوق انه يقول عايز حقى لانه مربوط فى الساقية علشان رغيف العيش اللى قلت عليه لانه ببساطة معندوش اللى هيجيبهوله غير شقاه .

    وكمان زي ما بنشوف فى الحياة بنى ادمين يغلطوا فيك ولما تكبر دماغك مرة واتنين برضه بيدخلوا بحمارهم ويتخيلوا انك قليل الحيلة لكن لما بتوقعهم من الحمار وتكسر لهم رقابتهم وبيعرفوا ان الله حق .

    تحياتى لك وللبوست الجامد دا


  8. di el2mr Says:

    هو موضوع فعلا مهم

    ومش عارفه ناقص ايه عايزين يعملوة تانى
    فعلا كل حاجه فى البلد بتغلى الا البنى ادم
    ليه
    الله اعلم
    او يمكن علشان نقول انت كده اكيد فى مصر

    على فكرة انا سمعت كمان انهم عايزين يقفلو افران العيش اصلا
    والدقيق يتوزع بالبطاقه
    وممكن بقى تخبز عيشك بنفسك او تاكله تدقيق وخلاص

    والشعب يعينى لا هيتكلم ولا هيفتح بقو
    لان المصايب اللى حصلت كتير واللى هتحصل اكتر
    وبرضو الناس ساكته وهتفضل ساكته
    شكلهم اتعودو علة كده ولا ايه



    حسبى الله ونعم الوكيل


  9. عزيزتي سلمي
    اول مرة اعلق عندك الصراحة مليش في المواضيع السياسية لأني قربت اتشل من الي بيحصل
    بس موضوعك باين جدا وكلنا بنعاني
    هقولك ايه بس ؟ ربنا يصلح الحال
    تحياتي
    "wild"


  10. ومش تنسى:
    - وضع مبلغ رسوم للقمامة على فاتورة الكهرباء رغم استمرار حامل القمامه فى تآدية عمله والحصول ايضاً على اجره، واذا لم تدفع تنقطع الكهرباء، رغم صدور حكم بعدم دستورية هذا القرار.

    - زيادة سعر المكالمات التليفونيه والضريبه المفروضه عليها

    - زيادة سعر المتر المكعب من استهلاك المياه ثلاث اضعاف

    - زيادة اسعار المواصلات العامه من تحت ل تحت

    - زيادة اسعار الادوائية بطريقة حلزونية خفية بتصغير الجرعات وتغيير العبوات

    وحاجات كتير مش بناخد بالنا منها بتزيد وتزيد
    انا فى اخر زيارة لمصر من شهرين لاقيت ان الزيادة وصلت الى ٢٠٧٪ عن ماكانت فى اول العام يعنى اقل من عام.

    ربنا يرحمنا جميعاً

    كاميليا


  11. حسبنا الله ونعم الوكيل
    دول كمان بيقولو هيحولو الدعم نقدى ودى النصيبه
    وامبوبه ايه الى بتتغير 4 جنيه دى بتتغير ب 7 جنيه
    وربنا ينتقم منهم



  12. Desert cat Says:

    احنا اللى ادينالهم فرصه يعملوا فينا اللى هما عايزينه براحتهم
    ما هو كل واحد حاطط لسانه جوه بؤه خايف على عيلينه
    يبقا الشعب يورينى بقا هياكل عيلينه منين
    بلا خيبة شعب خيبان


  13. Saso Says:

    3ala2 basha:
    tab3a2 nawarteny fel blog bet3ay gedan o yareet tefdal menawarnt keda 3ala toul
    el mohem ya fandem taba3a2 ana el kalam dah awel mara 2asma3a as im outside egypt almost 18 month ago ,so i dont klnow anything bas akeed taba3a2 keda masr betmor b 2azma 7a2e2eya fa3lan bas lel2asaf 2e7na sha3b salby mashyeen gamb el 7etah 7ata lama bena3mel mozahrat betkon shabah 2esto3'omaya belzabt ya3ny bensor 3ala mafesh,anyway keep going u r doing well realy i rabena ma3ak o ma3a el masryeen kolohom
    salamz


  14. doha Says:

    سكتناله دخل بحماره
    او ممكن تقول
    ايه يافرعون فرعنك
    قال مالقتش حد يقفلى
    ولا يصدنى
    عجبتنى اخر مقول كل حاجة بتغلى الا حاجتين بس بيرخصو
    الحشيش والبنى ادمين
    خالص تحياتى ليك


  15. كـل سنة وحضرتك طيب وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات


  16. كل سنة وانت طيب وعيد اضحى سعيد عليك وعلى كل حبايبك


  17. موجة Says:

    كل سنة و انتا طيب يا علاء
    شكرا على تعليقك الظريف في كدونتي المتواضعة ى
    على بوستاي الاكثر تواضعا
    بس مش عارف
    ليه ما حدش علق على الكلام اللي على الريس خسني مبارك
    و الكل بيعلق بس على موضوع الامتحانات
    الظاهر كلنا في الهم شرق
    خالص تحياتي
    موجة
    أحمد