عايش... ولكن !!!!
انا مش ندمانه انى عرفتك
ولا انى فى يوم كنت بحبك
ماهى كانت غلطتى من الاول
انـــــى عشـــقتــــك
وما فكرتش واتسرعت
وقولت بـــحــبك
مكنتش فاكره انك ممكن يوم تخدعنى
ولا جه فى بالى انك ممكن يوم تلعببى
كنت عايشه حياتى ليك
كنت بنام واقوم عليك
كنت عايشه فى حلم اجمل من الخيال
ولما صحيت لقيته وهم اتقل من الجبال
قالولى انسى ..قولت انسى ؟!! ..ده شىء محال
ده حبى ليه لسه عايش جوه منى
وغصب عنى .. بلاقى انى ... بحن ليه
وحتى اما اغنى .. فى صوت جوه منى .. بينادى ليه
هعيش ع الزكريات .. وكل اللى فات .. فى لقايا بيه
مانا مش ندمانه انى عرفته
ولا انى فى يوم كنت بحبه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
19 تعليقات
  1. only spot Says:

    الله فكرتنى بايام مكنت طفله كنت بحب الاغنيه ديه اوى وكنت دايما لما اسمعها ابكى بجد اختيارك حلو اوى
    تحياتى


  2. هههههههههههههههههههه
    هموت من الضحك يا only spot
    دى انا اللى كاتبها مش اغنيه ولا حاجه
    ياريت لو انتى سمعتى اغنيه نفس الكلمات
    تبقى تعقوليلى يمكن اكون نقلتها وانا معرفش
    ههههههههههههههه
    ودى مش اى كتابه كمان
    دى قصة لاحدى صديقاتى
    عموما نورتى مدونتى المتواضعه
    تحياتى
    علاء


  3. طب مش ها تصدق

    ! أنا كمان إفتكرتها أغنية

    هههههههه

    حاجة غريبة فعلاً

    --

    كل سنة و أنت طيب يا زعيم


  4. only spot Says:

    علاء اولا مرسيه لردك على التعليق
    ثانيا فيه اغنيه مقاربه لقصيدتك او بوستك لسميره سعيد اسمها انا مش ندمانه وتقريبا بدور حول نفس الموضوع والكلمات متقاربه عشان كده ممكن يكون حصل عندى لبس وافتكرت ان هى دى الاغنيه خاصة انى مش سمعتها من فتره
    عموما تحياتى لان بجد البوست تحفه


  5. عزيزى علاء ... اول مره ادخل لمدونتك واكيد لن تكون الاخيره ..
    بس ازاى انت قدرت تكتب بصيغة البنت ...
    وكمان على ايه يا اخى ...
    م البنات كتير وكتير جدا ومعظمهم بيكتب عن الحب و الهجر غرقانين ف الرومانسيه... لكن بالطبع ده بيعكس موهبه عندك...

    انا قريت باقى المدونة و..كتاباتك الباقيه راقيه ومحترمه جدا ومدونة تستحق الزياره اكثر من مرة ...
    وكل عام وانت بخير


  6. على باب الله
    نورت مدونتى المتواضعه
    البوست ده ذى ما قولتوا هو اغنيه بس انا اللى مألفها على غير عادتى لانى بكتب شعر مش اغانى بس الموقف اللى كان قدامى وصديقتى اللى حصل ليها الكلام ده معرفتش اعبر عنه الا بالطريقه دى على انها اغنيه
    والحمد لله اعتقد انها طلعت كويسه
    بس بجد والله معرفش انها على على نفس اغنيه لليلى غفران الا دلوقت لما لفتتوا نظرى لكده
    ودورت على google
    لقيت ان فى اغنيه لليلى غفران نفس الاسم بس طبعا مش نفس الكلمات


    only spot
    حصل خير ونورتى مدونتى المتواضعه وياريت تشرفينى دايما

    السيد شبل
    بجد نورت المدونه وارجوا انت تكون بجد حازت على اعجابك
    انا دى اول مره اكتب بصيغة بنت بس لانى احساسى بالقصه كان عالى اوى
    عموما الحمد لله وادعيلى بالتوفيق
    تحياتى للجميع
    علاء


  7. علاء دي اول مرة اجي هنا..القصيدة حلوة..وبنات كتير هتحبها لانها عاشت نفس التجربة..
    صورتك محتاجة تفتيح حبتين..بس الاماكن حلوة اوي..انا مزرتش اسكندرية قبل كده
    انا قريت القصيدة بس..لسه هكمل قراية المدونة واقلك رأي..
    بالتوفيق ياعلاء


  8. walaa Says:

    فعلا اصعب شىء فى الحياه لما الانسان يحب بجد ويطلع الحبيب ميستهلش الحب ده والحياه تجارب اهو يغرف ان الناس معادن
    تحياتى لك ولاء


  9. ياريت نزور يا جماعه مدونه اخوان ستايل بالاستايل الجديدhttp://ikhwanstyle.blogspot.com/


  10. اشكرك جدا ياعلاء لردك علي موضوع الفتنة
    الكل خوفني انها ممكن تكون فتنة..حيروني والله
    بس انا زيك مش شايفة انها فتنة ..
    علاء بعد اذنك انا هضيف مدونتك عندي
    شكرا


  11. appy Says:

    حلوة مدونتك وميرسى لزيارتك كوكبى
    بس موضوع الدعم اللى فات ده محدش يقدر يدخل بحمارة علينا يا فندم
    ثانيا الحكومة كانت لسه طرحه الموضوع للنقاش ومتخفش مش هنسكت لو لغيته ولو انه ملغى من زمن بس احنا مخدناش بالنا هههههههههههههههههههههه


  12. اولا :اشكرك على تشريفك مدونتي البسيطه
    ثانيا: كل سنه وانت بخير وصحه وحواليك كل اللي بتحبهم

    ثالثا: جميل اوي تعبيرك بروح البنت
    عجبني اوي وخصوصا

    كنت عايشه حياتى ليك
    كنت بنام واقوم عليك
    كنت عايشه فى حلم اجمل من الخيال
    ولما صحيت لقيته وهم اتقل من الجبال

    جميل اوي تسلم ايديك


  13. شكرا جدااااااااااا ياعلاء علي تعليقك الجميل علي الخاطرة الي انا كتبتها
    وشكرا انك فهمتها وحللتها معدتش عليها وخلاص..يعني فندتها
    ربنا يوفقك


  14. يارب ما تندمى ابدا على اى حاجه عمليتها او حسيتى بيها


  15. علاء
    و كما علمت من مجمل التعليقات لديك
    اول مرة ازور مدونتك و لن تكون الاخيرة

    كم هي نبيلة
    صاحبة تلك القصة الجميلة
    اعتقد انها ع تمام يقين
    ان الازهار قبل ان تجرحنا باشواكها
    قد منحتنا عبق اريجها في اجمل الساعات
    و التي خلناها مجرد لحظات

    ارسل اليها خالص تحياتي
    و لكن
    ارجو ان لا تتوقف بها الحياة
    فالقطار يسير
    برغم كل العقبات في طريقه
    تحيااااااااتي


  16. dido mahmoud- walaa-appy-angel devil
    انا دودو - زمرده -حبة حاجات
    بجد نورتوا مدونتى المتواضعه
    وياريت كتاباتى دايما تعجبكوا
    وياريت تنوروا مدونتى دايما
    تحياتى
    علاء


  17. موجة Says:

    شعر جامد قوي
    خالص تحياتي
    احمد