عايش... ولكن !!!!

بعد طول غياب ... رجعتلكوا ببوست اعتقد انه هيعجبكوا
الحب الاول (زى ما بيقولوا عليه)
بس انا بقول عليه الوهم الاوحد
طيب ليه الاسم الجامد ده ..... اقولكوا
وهم لانه مبيبقاش فى معظم الحالات حب بجد بيبقى الشخص واهم نفسه
واوحد لان معظم التجارب اللى بعده بتبقى حب صادق
طبعا فى كتير منكوا معترضين على اللى بقوله بس ياريت تكملوا معايا البوست وانا هشرحلكوا وجهة نظرى
مين مننا مكنش اول حب ليه فى فترة الثانويه ان مكانش قبلها؟؟؟؟!!!
هتقولولى وده صلته ايه بالموضوع ... اقولكوا ده هو صلب الموضوع
طيب ليه ياعم علاء؟؟ ...
الفتره ده فترة عدم اتزان بالنسبه لأى انسان مراهقه زى ما بيقولوا عليها
فان كانش اعجب بحد بيبقى زى ما بيقولوا كده عمال يدور على اللى تناسبه او اللى يناسبها
وبمجرد ما بيلاقى حد متوافق معاه بيبقى عاوز يجرب الشىء اللى بيسمع عنه ده اللى اسمه الحب
ده غير ان سننا مبيبقاش مساعد ان الواحد او الواحده تكون متانيه فى اختياراتها وتقدر تحكم صح
وطبعا اللى بياكد كلامى ده ان 99% من القصص الحب اللى مبتكملش بتبقى فى الفتره دى
ده ان مكانش كلها ... انا مش عاوز ابقى قاسى فى حكمى لانى بلاقى واحد فى المليون
هو اللى بيكمل فى القصص اللى بتبقى فى الفتره دى
طيب تيجوا اقولكوا رأى واحد من اعظم من قريت رواياته وقصصه فى الحب
الكاتب الكبير احسان عبد القدوس ,, له راى فى الموضوع ده بيقول
فى حياة كل انسان وهم كبير اسمه الحب الاول
صدمه طبعا للى كان بيعارضنى فى اول البوست
اكيد لانه كاتب مشهور ورأيه ليه وزنه
ده غير ان معظم رواياته وقصصه عن الحب
بس انا مقدرش انكر ان مش دايما القصص بتفشل بس انا بقول ان معظمها
وانا مش هتكلم فى موضوع الا لما اكون عارف انا بتكلم فى ايه
وعلى فكره انا بتكلم ومقتنع باللى بقوله لانى بتكلم عن تجربه شخصيه
ايوه اول حب ليه كنت واهم نفسى
المهم انا مبحبش بوستاتى تبقى طويله علشان اللى بيقراها ميملش بس انا قولت المختصر المفيد
كان عندى نصيحه بس لاى بنت وانا بقول اى بنت لان الشباب معظمهم بيعرفوا يعملوا اللى هقوله
متحاوليش تحكمى فى المواضيع اللى زى دى بقلبك بس
خلى الحكم الاول لعقلك
انا عارف ان المشاعر عند البنت بتتحكم اكتر بس لو حكمتى عقلك تقدرى تكسبى حاجات كتير اوى
بدل ما تخسرى كل حاجه
وعموما تحياتى لكل اللى قرا البوست ده
ومستنى ردودكوا
و.... عجبى ......
26 تعليقات
  1. Sally Says:

    أتفق معك فى الرأى يا علاء
    الحب الأول هو وهم كبير نصنعه بأنفسنا لأنه ياتى فى مرحلة بداية تفتح المشاعر وحساسيتها الزائدة لأى موقف تشعر به البنت اللى كانت طفلة منذ بضعة أيام أنها قد أصبحت أنثى كاملة الانوثة وصارت تلفت نظر الشباب ويتهافتون عليها
    وبالنسبة للشاب يشعر انه بدأ يخرج عن نطاق سيطرة والديه وتحكمهم فيما يخصه وانه قد أصبح له حياته الشخصية من حقه ان يدير دفتها كيفما شاء وأينما شاء .. وغالبا يقوم الشباب بالتلاعب بقلوب الفتيات لكى يشعروا انهم قد أصبحوا رجال مكتملى الرجولة وهناك العديد من الفتيات تميل إليهم وتهاديهم بالورود

    موضوعك جميل
    دمت بخير اخى
    سالى


  2. أتفق معاك وان كان رأيي ان اي حب غير ناضج وغير مبني علي اساس ومقومات تساعده انه يستمر يبقي وهم زي الحب من طرف واحد والحب من طبقات اجتماعية مختلفة والحب مع فارق سن كبير غير منطقي الحاجات دي كلها

    ولكن الحب في النهاية مشاعر لا يمكن تصنيفها لاول وتاني وتالت ولا يمكن التعامل معه كحقيقة ثابتة

    موضوع مهم والكلام فيه كتير بس انا حبيت اقول رايي باختصار


  3. فعلا الحب اللي بيكون في فترة المراهقه مش بيكون حب صادق وحقيقي بيبقي مجرد اوهام او زي ماذكرت الواحد بيبقي عايز يحب ويتحب وخلاص حتى لو مكنش حب بحق وحقيقي وطبعا الحب اللي من النوع دا بينتهي بالفشل لكن انا في راي ان الحب الحقيقي بيبدأ من بعد سن 21 الواحد بيبقي كبر ونضج وعرف يقدر الامور صح

    موضوعك جميل ومدونتك حلوة

    تقبل مرورنا


  4. امل Says:

    بوست عودة جميل وافكارة ناضجة
    هوه صحيح حب المراهقة بيكون اوهام
    بس احلى حاجة فيه انه -المفروض يعني-
    بيبقى بريءوبيبقى اول اختبار للمشاعر
    بس طبعا معاك حق في نصيحتك الاخيرة
    ربنا يوفقك


  5. اقولك على حاجة انا بالنسبه لى الحب الاول وهم والحب كله وهم
    الناس بقت صعب تحب المادة هى المسيطرة على كل حاجة فان الواحد يلاقى حب فدى معجزة بكل معنى المقاييس
    هذة وجة نظرى وبما انى ليس لى تجارب فى الحب فولا يهمك
    تحياتى لك


  6. sally
    شكرا لزيارتك مدونتى
    رايك اتفق معاه تماما

    سنووايت
    نورتى مدونتى المتواضعه
    وبالنسبه لتصنيف الحب انا موافقك ان مينفعش نصنف الحب

    بنت صاحبة الجلاله
    نورتى المدونه
    وفعلا الحب بعد العشرين بيبقى عادة مكتمل لان ده سن النضج العاطفى

    امل
    البراءة مش دايما فى اول حب
    بس حتى لو فى براءة بمعنى الضعف يبقى غلط جدا

    رئيسة حزب الاحلام
    يمكن يكون رأيك ده لانك ملكيش تجارب
    بس صدقينى لو فى تجربه واحده ليكى هتفهمى معناه كويس

    تحياتى ليكوا
    ونورتونى
    علاء


  7. monaliza Says:

    وانا متفقة معاك جدا


  8. dina seliman Says:

    قد يكون حب المراهقه ليس حب بل وهم
    لذلك لانجعله ضمن الحب الاول
    فالحب الاول هو الاصدق الاقوى المستمر عبر الزمن حتى مع انتهائه

    فنحن لانعرف ان هذا حبنا الاول الا عندما يكون هناك حب اخر
    والا فلنطلق عليه الحب الاوحد

    موضوعك جميل جدا
    دمت بكل الخير


  9. عايش ولكن
    تحياتى لك
    موضوع جميل وانا معاك فى كل كلامك
    لان كلامك كلة صح
    وشكرا على النصائح الجميلة

    متحاوليش تحكمى فى المواضيع اللى زى دى بقلبك بس
    خلى الحكم الاول لعقلك
    الله عليك
    دة احلى جملة قولتها
    وانا بحييك
    تحياتى لك
    بنت النيل


  10. اول زيارة ليا فى المدونة
    عجبنى البوست
    لانى عشت تجرة زى الكلام الى قولتة بالظبط
    بس على قد ماهو وهم
    على قد ماهو صعب يتنسى

    لانة بيعتبر اول شباك بنفتحة على الحب
    اول احتكاك لينابالعالم
    وعموما اول تجربة فى اى حاجة وحشة او حلوة مابتتنسيش

    تحياتى
    اميرة الهدوء


  11. nonoymm Says:

    السلام عليكم
    متفقة معاك جدااااااا
    ولي تكملة حبك الاول هو حبك الاخير هو حب العمر كله
    ربنا يرزقك بحب عمرك اللي يزود طاعتك لله
    تحياتي على العودة المتالقة


  12. لحب الاول زى الحب ال21
    عايزة عناية واهتمام
    تحياتى


  13. rara Says:

    مساء الخير
    انا اتفق معاك فى الرأى لو كان الحب الاول فى مرحلة ثانوى لكن ممكن مش يكون وهم لو كان فى مرحلة مابعد المراهقة لأن الحب الاول بيفضل عايش جوانا مهما حبينا تانى

    تحياتى ليك


  14. موناليزا
    شكرا لزيارتك مدزمنتى المتواضعه

    دينا سليمان
    اتفق معاكى جدا
    واتمنى تنورينى هنا دايما

    بنت النيل
    نورتينى بجد
    وارجو متكونش اخر مره


    اميره الهدوء
    لانه اول تجربه فلازم ميتنسيش لان زى ما قولتى اول شىء بنعمله لازم مننساهوش


    نونو
    صحيح كلامك ان الحب اللى بجد هو الحب الاول والاخير وحب العمر

    كلام على بلاطه
    نورت مدونتى المتواضعه
    عندك حق لازم نهتم بالحب علشان يقدر يعيش معانا


    رارا
    شكرا لزيارتك مدونتى
    وياريت تنورينى دايما
    تحياتى
    علاء


  15. تحياتى ليك وبالتوفيق ان شاء الله
    وبالنشبة للحب الاول
    طبعا وهم لان اغلبه بيكون فى سن المراهقة ومن طرف واحد فى اغلب الاوقات


  16. انا كنت هواه و حبيبه
    روحى و قلبى حواليه
    لو كان الدمع يجيبه
    كنت ابكى العمر عليه

    انا معاك و مع احسان عبد القدوس و الهى ما يرجع لحد ايامه مع الوسادة الخالية


  17. ro7 Says:

    السلام عليكم
    بالنسبة لي انا كنت عقلانية جدا
    جدااااااااااااااااا
    وكنت بوزن الامور بحكمة جدا
    لدرجة اني الحمد لله مش حبيت
    في فترة مراهقتي
    واتمني ان بناتي
    اللي لسة لا بحلم بيهم
    يحصلهم زي ما حصلي
    ________

    وبشكرك انك شرفتني في مدونتني
    بوركت واتمني
    الزيارة تدوم
    تحياتي


  18. mero-moory Says:

    السلام عليكم ورحمة الله وبركاته

    أحب أن أبدأ ردي بجملة الكاتب العظيم رحمه الله احسان عبد القدوس في حياة كل انسان وهم اسمه الحب الأول
    وأحييك على ذكرها في موضوعك يا علاء
    الحب الأول ماهو غير عاطفلة وقتية ولنطلق عليها ارتياح وارتخاء مشاعر
    لأن الولد والبنت بيكونوا حاسين في هذه الفترة بالتعرف على كلمة رومانسية أغاني العندليب القصص الرومانسية الأفلام ..إلخ
    بالاضافة أن كلا منهما يظنون بأنهم يعطون كل ما لديهم من مشاعر في هذه الفترة في حين أن عنصر الاحساس لم يكتمل بعد لديهم وهذا ما تؤكده النظريات وكتب علم النفس الشهيرة حينما تذكر أن العضو الذي خلقنا به وبه نحيا وباصابته نموت وهو القلب خلق أساسا وفي نبضه دقات الحب فالحب اولا وأخيرا نعمة من نعم الله التي انعم به علينا ولكن
    الحب بالمصطلح المقصود وكما يقول علماء النفس أنه في مرحلة المراهقه التي تبدأ ما بين 12-20 سنة تبدأ خلالها المشاعر في الايلاد وتحب كل شيء حولها فتجد النفس تتعلق بكل ماهو جميل تحب وتحيا في الحياة من اجل ما تحبه فدوما نرى فلان يعشق فنانة وفلانة تعشق مطرب وآخرون يعشقون اشخاص عاديون إلى أن يتلاشى تدريجيا الاحساس ليحل محله عاطفة النضوج ووقتها يظهر خلالها عنصر أساسي ويلمع في ظهوره وهو العقل لأن الانسان دائما ما يبدأ يفكر في العشرين لأنه حينها يشعر بالعالم وفمين حوله ويبدأ يضع خططه خلاله ليتوائم معها وحينما يرى الحب الحقيقي الذي يرتبط به فعلا يضحك على ما مضى ويضحك عليه أكثر حينما يشاهد أبنائه يفعلون مثلما فعل

    سوري للتطويل بس الموضوع طريقة سرده عجبتني
    بس ليا شكر خاص أحب أوجهه ليك على نصيحتك للبنات أول مرة أشوف ولد ينصح كده جزاك الله خيرا يا علاء
    سعيدة بمدونتك وبطريقة تفكيرك وسعيدة أكثر لتشريفك مدونتي المتواضعه ومبسوطة كتير انى بشارك بمدونتك الرقيقه دي
    ربنا يوفقك ان شاء الله
    دمت بود


  19. بصراحة انا معاك مية فى المية انت كلامك كلو حقيقى وبيحصل ومشاعر حققية بتكون سراب ومن طرف واحد احييك على موضوعك


  20. كلامك صح ومتزن جدا , وانا معاك فيه اوى , لأنى برده مش بعترف بالحب الاول


  21. سبهلله ع الاخر
    نورتى المدونه
    وشكرا لتعليقك

    عاليا حليم
    نورتينى
    بس هو كله حليم كده مفيش نجاة الصغيره
    هههههههههه

    روح

    والله كويس انك عديتى المرحله دى
    ويارب يتحقق حلمك بان بناتك يبقوا زييك كده
    مع انى بقول ان الحب فى الوقت ده برغم انه بيبقى مش حقيقى بس بيدى للبعض خبره فى التعامل بعدين


    ميرو
    بجد مش عارف اقولك ايه
    قليل لما حد بيزور اى مدونه ويقرا بوستات كتير ويقول تعليقه على كل بوست قراه
    بجد شكرا لزيارتك دى ويارب يبقى بيننا اتصال دايما

    برينسيس بيرى
    نورتى مدونتى المتواضعه
    وياريت تنورينى دايما

    زى الهوا
    نورتينى ويارب تفضلى ايما مشرفانى فى المدونه المتواضعه دى
    شكرا للجميع
    تحياتى
    علاء


  22. صباح الخير ياعلاء
    يارب تكون بألف خير
    انا فاكرة اني علقت علي البوست ده
    بس مش متأكدة اوي
    .,
    ربنا يرزقك بمن تحب علي ان تكون لك زوجة
    ..
    غير كده بيكون وجع قلب واهدار في المشاعر رغم جمال الاحساس ده
    ربنا يكرمك ياعلاء بالزوجة الصالحة
    ..
    دودو


  23. mero-moory Says:

    السلام عليكم ورحمة الله وبركاته

    لالالالالالالالالا يا علاء أنا موش كده أنا بحب أناقش وأتناقش وبحب القراءه بوجه عام لأنها بتفيدني قبل ما بتفيد اللي كاتبها وبتخليني أتعرف على وجهات نظر ورؤى مختلفة
    وبعدين انا وأعوذ بالله من كلمة أنا مقتنعة إن التوبيك الجيد بيفرض نفسه أيا كان مساحته أد إيه فكثير ما نجد الموضوعات مهما قصرت مساحتها أو طالت تعطيك جاذبية وتشويق وحث لمتابعتها أكثر وأكثر وإذا استمتعت بها بتجري لمعرفة باقي الموضوعات لأنك بكده بتتعرف على صاحب الموضوع من خلال أفكاره وميوله فالبحث يتم بداية عن الموضوع والفكرة وإن نالت إعجابك فيبقى صاحب الموضوعات جيد بل ممتاز وعلى قدر فهم ووعي
    صدقني ده اللي خلاني أرد موضوعات بقرأها وبستمتع بها حقيقي
    ربنا يوفقك يارب
    ومنتظرة بشغف موضوعاتك
    يلا نزل حاجه بقى جديده
    وربنا يوفقك ويكرمك يارب
    دمت بود يا منصراوي :)
    المنصورة فيها عباقرة وجدعان اهو
    يلا حاجه ساقعه بقى رشة جريئة على الكلام الحلو اللي بقوله هههههههههه

    ربنا يوفقك يارب


  24. marmar Says:

    انا متفقه معاك فى البوست ده

    وكلامك صحيح جدا بالنسبه ليا لانه بيجى فى وقت مبكر الانسان مبيكنش لسه بقى متزن ويقدر يتحكم فى مشاعره

    سلامى


  25. Sara Says:

    "حبك الأول هو حبك الأخير"
    مقولة اعتقد الى قالها برضه احسان عبد القدوس ومقتنعة بيها جداااااااا