عايش... ولكن !!!!
مرت شهور على بعدنا وراجعه تقول انا زى مانا
لا فيوم نسيت انا حبنا ولا لحظه قلبى نسى وعدنا
دنا حبى ليك دايما فى بالى وسهرت الليالى فى بعدنا
من كلامها قلبى رجع يحن تانى لحبها
داقت مرار آل ايه وانا بقول ده قاسى قلبها
فاكرها نسيت حبنا وبحاول انسى عشقها
وبرغم فراقى ليها مقدرتش انسى فى بعدها
اول ما سمعت صوتها مبقتش مصدق انها
حسيت ساعتها انى ملاك طاير بعيد فوق السما
ولقيتنى بندم ع اللى ضاع من يوم بعادى وبعدها
ونبض قلبى صوته عالى لسه بينطق اسمها
ولقيتنى بقول باعلى صوت انى لسه بحبها
تحديث

مرت شهور على بعدنا وراجعه تقول انا زى مانا
لا فيوم نسيت انا حبنا ولا لحظه قلبى نسى وعدنا
دنا حبى ليك دايما فى بالى وسهرت الليالى فى بعدنا
كلامها ده نسانى حالى ... خلانى افكر من جديد
ازاى فى يوم انا كنت قاسى... واخترت انى اكون بعيد
داقت مرار آل ايه وانا ... بقول دى قلبها من حديد
فاكرها نسيت وعودها ليا فبعدت وقولت هعيش وحيد
اول ما سمعت صوتها ... حسيت كأن اليوم ده عيد
يادوب قالتلى الكلمتين ... لقيتنى توهت فى دنيا تانيه
لا منى ملاك ولا منى بشر.. احساس بجد غريب عجيب
بكلمه منها نسيت آلآمى ... نسيت كأنى مولود جديد
ولما كان الكل سكوت.... لسانى قالها بأعلى صوت
ياروحى وقلبى وكل ما ليا .. بعدك انتى مليش حبيب
****************************
.... وعجبى....
39 تعليقات
  1. أزال المؤلف هذا التعليق.

  2. mero-moory Says:

    السلام عليكم ورحمه الله وبركاته

    كالعادة احساسك بيأخذني لحدوتة بتعيشها وتتقن احساسك بيها بس بصراحه يا علاء أنا شايفة إن الحدوتة بتهرب في المعنى مني في كلمات تقيلة شوية وموسيقى الوزن بتهرب برده فبيضيع جمال احساسك
    أتمنى موش تزعل هي فعلا جميييييييييييلة جدا كاحساس لكن عايزة تترتب وتعاد صياغتها وصدقنى هتطلع منك اجمل واجمل واضح انك موش كنت مركز ايه هو التوبيك بتاعي وصل عندك انت كمان هههههههه
    شكلي انا اللي هقولك دعاء بقى :)

    انا عايزاك تقول الدعاء ده دايما انا بقوله كتير احفظه ده سهل خالص
    اللهم أرني الحق حقا وارزقني اتباعه وارني البطل باطل وارزقني اجتنابه اللهم دبر لي فإني لا احسن التدبير

    ميرسي يا فنان ع الاحاسيس الجميلة اللي بعيشها جوه كلامك
    ربنا يكرمك يارب

    في رعاية الله


  3. اجمل فرحة فرحة اللقا بعد غياب
    بس يا رب تدوم


  4. rara Says:

    السلام عليكم ورحمة الله وبركاته
    بجد ياعلاء كلمات جمييييييييييييييييييييييلة أوى وربنا يجمع بين قلوبكم بالحب والسعادة ان شاء الله ومايكنش فى فراق تانى ربنا يوفقك

    تحياتى


  5. Nour eldin Says:

    عزيزى علاء..
    .....
    اولا اشكرك على مرورك الكريم بمدونتى وارجو دوام التواصل
    ........
    ثانيا انت فعلا كتاباتك رقيقة جداا
    واحيى فيك روح البساطة الشعرية
    لانها اسرع فى الوصول واكثر مناسبة لعالم التدوين الذى هو اشبه برباطة صداقة بسيطة بلا تكلف
    تقبل مرورى
    .................
    نور الدين محمود


  6. -اية ياعلاء باشا

    لسة اية؟؟؟

    انت بتناقض نفسك ولا اية

    ع فكرة ممكن يكون بردوو وهم

    تحياتى


  7. mero-moory Says:

    السلام عليكم ورحمة الله وبركاته

    أفضل من اللي قبلها كتير بس بجد بقى بحسدك وبحقد عليك في الاحساس هههههههههه
    يالهوووووووووووووي احساسها جااااااااامد جدا عشت فيها بجد
    ربنا يسعدك يا علاء يارب
    ومنتظرة توبيكاتك ذات الاحساس المرهف الجميلة دي :)


  8. دعاء
    رأيك اكيد مضايقنيش
    ولازم كل واحد يغلط علشان يتعلم
    واحلى ما فى تعليقك انى حسيت انك مش هتجاملينى فى اى بوست هعمله
    وطبعا زى ما قولتلك والله ما حزفت حاجه انا مش بحزف اصلا اى كومنت الظاهر انك بقا معملتيش كومنت او تكونى كتبتيه بس ما وصلش ليا
    عموما امسحيها فيا
    شكرا يا دودو

    مريم
    شكرا على النقد الجميل ده
    وزى ما قولت لدودو انا بجد مبسوط بيه
    وابقى طولى براحتك متقلقيش اصلى مبزهقش من كلامك
    تحياتى ليكى

    سنوو
    شكرا ليكى
    ويارب دايما منورانى كده

    رارا
    شكرا لكلماتك الرقيقه دى
    واصلا مفيش لقا علشان يبقى فى فراق
    هههههه اصلى مش مرتبط
    ده موضوع كان عدى من زمان وخلاص انتهى
    شكرا لمرورك

    نور الدين
    تعرف ان اسمك شد انتباهى
    ورجعنى لايام المماليك
    يااااااااه ايام ما كان الواحد لسه صغير
    ههههههه
    شكرا ليك وان شاء الله هنتواصل دايما

    اخيرا ياريت التحديث الجديد يعجبكوا


  9. دعاء مواجهات
    شكرا لزيارتك مدونتى المتواضعه
    وممكن صحيح يكون وهم
    بس ساعات بيكون الوهم اجمل من الحقيقه
    تحياتى
    علاء


  10. ما أحلى الرجوع
    وشفاء القلب الموجوع

    والدنيا بعد ما كانت رمادى
    وكل شئ كان طعمه عادى

    وصلنى صوتها
    حسيت ساعتها
    ان قلبى كان بعيد
    ف دنيا تانيه شريد وحيد

    ولما رجعت قلبى عاد
    اصله مش قد البعاد


    بوست جميل قوى يا علاء
    والاجمل احساسك فيه

    تحياتى وتقديرى


  11. nonoymm Says:

    السلام عليكم
    الاولى والتحديث احلى من بعض
    الاحساس عالي
    هايلة تسلم ايدك
    تحياتي


  12. أزال المؤلف هذا التعليق.

  13. أزال المؤلف هذا التعليق.

  14. كوارث Says:

    يا مرحبا
    واضح انك من المعجبين الجامدين بجاهين
    ليا تعليقات على النص الاول بس التحديث مسحها كلها
    النص بعد التحديث اكثر من رائع فعلا
    يا ريت التركيز ده من الاول
    غير كده التعجب بتاع جاهين كان على حكم بيقولها
    مش على اي قصيدة
    فحاول تخلي ده في سياق القصيدة بقه
    سعيد بزيارتك


  15. Desert cat Says:

    الحب احساس جميل بين قلبين شخصين ولازم يكون متبادل لان اصعب انواع الحب انه يكون من طرف واحد
    واللى بيحب بجد من قلبه عمره ما بيقدر يبعد عن حبيبه
    تحياتى


  16. الاحساس بتاعك جميل اوي

    بغض النظر عن كلام الناس عن القافيه وغيره

    اتمنالك التوفيق ويارب تدوم ايام حبك للابد

    ليكوريكا


  17. سلام عليكم
    مدونتك جميله اوي انا جبتها من اولها تقريبا
    واضح انك انسان جميل وكتاباتك جميله
    اتمنالك التوفيق
    وان شاء الله اتابع جديدك باستمرار


  18. كاميليا
    شكرا لزيارتك مدونتى المتواضعه
    وبجد تعليقك عجبنى جدا

    نونو
    متشكر جدا
    ويارب تنورينى هنا دايما

    كوارث
    ملاحظتك فى محلها
    وان شاء الله ابقى اخد بالى من نصيحتك دى فى البوستات القادمه
    شكرا ليك

    ديسرت كات
    كلامك اكيد صح
    ويارب يجمع كل قلبين حبوا بعض بصدق
    تحياتى ليكى

    ليوريكا
    شكرا جدا على كلامك الرقيق ده
    ويارب دايما اكون عند حسن الظن

    حبيبه
    شكرا على زيارتك دى لمدونتى المتواضعه
    ويارب تتكرر دايما باستمرار

    تحياتى للجميع
    علاء


  19. *سمر* Says:

    جميلة جدا ما شاء الله ...
    للأسف معنديش تعليق على كتاباتك الا بانها جميلة جدا ...
    اصلها فعلا جميلة :)
    دمت مبدع


  20. Tamer Nabil Says:

    كلمات جميلة

    والفكرة حلوة

    عارف ياصاحبى شويت تظبيط بسيط ونبقى اغنية جميلة

    اتمنى التواصل الدائم بنا

    مدونتى افكار حرة 1

    مستنيك

    تحياتى


  21. ro7 Says:

    كل التطورات دي تحصل بعد بوست الحب
    الاول شكلها كدة قراته
    وقتك بايع القضية راحت رجعت
    ياريت يكون حب بهدف
    وطبعا هدفه الوحيد الجواز
    ربنا يجعلها لك زوجة صالحة
    تقبل تحياتي


  22. ro7 Says:

    يـــــــــاســلام
    كل دة من وحي خيالك
    طيب الله يباركلك
    فكك من الخيال الرومانسي دة
    وعيشنا في خيال تاني
    دة انت يابني بتعيشنا مأساة
    وكل دة يطلع من وحي خيالك
    هههههههههههههه
    ربنا يكرمك واظن انك لسة طالب
    فبلاش من التخيلات دي دلوقتي
    غلط عليك يابشمهندس


  23. طيب هاأقول ايه غير ربنا يعينك

    على الحب و وجع القلب

    يارب يكون كلام إحساس من وحى الشعر

    والشعراء
    وليس واقع وإلا تتعب

    جدا من التفكير و ....و........


  24. هند Says:

    حلو البوست وحلوة الكلمات


    تحياتى


  25. Sally Says:

    حسيت ساعتها انى ملاك طاير بعيد فوق السما
    ولقيتنى بندم ع اللى ضاع من يوم بعادى وبعدها
    ونبض قلبى صوته عالى لسه بينطق اسمها
    ولقيتنى بقول باعلى صوت انى لسه بحبها


    كلمات جميلة جدااااااااااا
    انت استبدلتها باللى تحتها ولا ايه ؟؟

    لا دى حلوة خليها

    دمت بخير أخى


  26. سمر
    نورتى المدونه ويارب منورانى دايما
    مش مهم ساعات بيتوه مننا الكلام
    ولا يهمك

    تامر
    مش شرط اعملها اغنيه لو حد هيغنيها ابقى اظبطهاله بقا .. ههههه
    انا فاتح مدونتك دلوقت وبشوف اخر بوستاتك

    روح
    نورتى المدونه
    وياستى الخيال احسن من الواقع
    انتى شايفه الواقع حلو اوى
    سيبينا نحلم شويه

    اميمه
    هو صحيح كلام من وحيي الخيال
    لانى مش مرتبط اصلا
    ماتدوريلى على عروسه بقا
    هههههههه

    هند
    شكرا لزيارتك مدونتى المتواضعه

    sally
    انا بس عملت تحديث ليها لان فى ناس كانوا بيقولوا انها مش متعدله وبايظه
    فأنا عملتلها تحديث والله فى عشر دقايق
    مع انى عارف ان الاولى حلوه
    تحياتى
    علاء


  27. جميل كلامك
    بس تعرف ان الواحد لما يشعر انه اتجرح او انه ترك بدون مبرر مش بيقدر القلب ينسى او يصدق اى كلام بسهولة
    وجهات نظر

    مدونة حلوة
    بالتوفيق


  28. علاء باشا

    دة اول تعليق ليا عندك بجد انا سعيد لتعليقى عندك

    وعلشان كدة بتمنى كل جديد منك

    البوست خطير واحساسك كمان عالى اوى

    تقبل منى تحياتى


    اسير الجراح او

    احمد


  29. Salwa Says:

    جميييييييييل

    والتحديث عجبني قوى

    بس هو ممكن يعني لو ممكن أقترح شئ
    في البيتين دول

    لا منى ملاك ولا منى بشر.. احساس بجد غريب عليا

    ياروحى وقلبى وكل ما ليا .. بعدك انتى مليشفي الدنيا

    معلش بقى أنا وأنا بقرأها تخيلتها كده

    بس بوست حلو بجد

    تحيااااااااتي


  30. monaliza Says:

    التحديث مظبوط اكتر
    اللى يحب بجد مايقدرش ينسى حبيبه مهما بعدت المسافات


  31. البوست حلو
    بس عندى سؤال
    هى الدنيا لسه فيها حب؟؟


  32. شلة بط Says:

    ما أحلي الحب :)

    مدونتك مهضومة كتير الله يوفقك ويرضيك وينعم عليك بهاالزوجة الحبيبة وتتهنوا ببعض

    بنكون مسرورين كتير لو بتمر لعندنا وشكرا لك


  33. marmar Says:

    فى فرق يسن اول زيارة ليك لمدونتى واول زياره ليا لمدونتك
    انت لقيت عندى تعب وحسد وانا لقيت عندك حب حقيقى طالع من القلب
    بجد كلام جميل جدا سواء الموضوع الرئيسى او التحديث
    وان شاء الله ربنا يجمعكوا تانى وميكنش فى مشاكل تانى خالص

    سعدت بزيارة مدونتك
    تحياتى


  34. نهر الحب
    مش بيقولوا ان اللى يحب بجد ميكرهش
    شكرا لتشريفك ليا

    اسير الجراح
    متشكر جدا على كلماتك الرقيقه دى
    وارجو ان اكون عند حسن الظن دائما

    سلوى
    يارب تبقى دايما منورانى بس هنا فى المدونه واقرى البوست زى ما يعجبك

    موناليزا
    كلامك طبعا صح اللى يحب مينساش وميكرهش
    شكرا لمرورك

    سبهلله ع الاخر
    مش شرط علشان انتى مش بتحبى او خايفه تحبى او حصل حاجه خلتك اعتقدتى ان مفيش حب تعممى تجربتك
    الحب موجود هو قليل صحيح بس موجوود
    شكرا لمرورك

    شلة بط
    شكرا ع الزياره
    وان شاء الله هزوركوا حالا

    مرمر
    شكرا لمرورك بمدونتى المتواضعه
    يمكن تكون دى مفارقه بيننا انا لقيت بوست تعبنى وانتى لقيتى بوست حب خالص
    شاكر ملاحظتك الجميله دى

    تحياتى للجميع
    علاء


  35. اول مرة ادخل مدونتك عجبني قوي اسلوبك
    ربنا يديم عليك السعادة و يبعد عنك الفراق


  36. Tamer Nabil Says:

    ازيك ياصاحبى

    اخبارك اية

    فى انتظار الجديد

    انا ضفتك عندى انت الان من اصحابى المدونين يعنى خلى كبيرى العبور والتواصل مفتوح

    تحياتى


  37. التحديث عجبنى اوى , كلمات رائعة واحساس عالى


  38. هل يمكنني دعوتك لزيارة مدونتي المتواضعة زالتشرف بتعليقاتك ..مع أني أطلب هذا الطلب على استحياء لأن هذه المرة الاولى التي أزور فيها مدونتك ولكن يبدو انها ستكون زيارات كثيرة جدا لي هنا ..
    نحيتي وأنتظرك وأنتظر توقيعك أو تعليقك
    مدونتي هناhttp://kanyatklam.blogspot.com/