عايش... ولكن !!!!
قبل ما استطرد فى البوست عاوز اقول ان البوست ده بالزات مجرد تعبير عن احساس يعنى انا مكنتش بكتب ومهتم بالوزن والقافيه على قد مانا كنت عاوز اخرج اللى جوايا

هتفضل لامتى؟؟!!
هتفضل لامتى يا قلبى مش لاقى الحبيب؟!
هتفضل لامتى يا قلبى مستنى النصيب؟!
هتفضل لامتى قافل على نفسك بابك ؟!
ومبتردش حتى على احبابك؟؟!!
انسى... انسى يا قلبى وخليك كبير
واللى باعك بيعه ومستناش منهم جميل
ليه تندم على امبارح؟!!!!
مادام انهارده لسه قدامك طويل

سيبك منهم يا قلبى وانسى وخليك بعيد
دارى دموعك وخبى واياك تعيش وحيد
دور على حب تانى صدقنى اكيد هيفيد
وانسى اللى فات ده كله وبلاش تفكر فيه
ده كلامهم مش كلامنا وطباعهم مش طباعنا
والحب اللى انته عيشته ... عمره ما خلاك سعيد

وحياة حبك يا قلبى وعشقك ده اللى كان
ليعيش طول عمره يحلف بيوم من ايام زمان
وانا وانته اكيد هننسى ونلاقى فى يوم حنان
صدقنى يا قلبى وانسى ده فى بعده كل الامان
27 تعليقات
  1. rara Says:

    مساء الخير
    يسعدنى ان اكون اول تعليق على البوست ده
    بجد احساس عالى في اوووووووى وكلمات جميلة ومعبرة عن احساس صادق

    تحياتى


  2. ايه ياعم دة كلام موزون وزى الفل المهم انة خارج من القلب
    تحياتى لك


  3. enjy Says:

    طب ما حلو الكلام اهو يا ابنى وخارج من القلب وبيوصل للقلب وكله تمااااااام.... جميل اوى استمر
    شكرا على زيارتك وانا هازورك على طول


  4. mero-moory Says:

    السلام عليكم ورحمة الله وبركاته

    علاااااااااااااااااااااااااااااء
    موث معقول تده
    ايه الكلام ده

    أولا ليا طلب قبل مااقول رأيي
    الكلام ده طلب خاص من ميرو في قعدة روقان كده لمات تخرج من حالته يااخويا الكئيبة دي تكتبته بتنسيق تاني
    بالنسبة للاحساس
    إنت شكلك واخد البلكونة اللي جمب بلكونة احساسي هههههههههههه
    وربنا يا علاء كنت هعيط من الكلام بس تعرف على رأي البت رورو صحبتي اللي جاي أحلى كتير إن شاء الله وربنا هيجيبلنا الخير
    بجد الاحساس ايه اتعديييييييييت مني هههههههههههه
    والنبي خليك على الحاجات دي عشان نعيط سوا كتير ههههههههه
    يارب دايما في ابداع يا لؤا ياارب
    وموش تنسى طلب ميرو بقى بجد الاحساس مفيش زيه بس والنبي ظبط كلماتهم في الروقان وخليني اغنيها ههههههههه
    في ابداع دايما ياقمر
    في رعاية الله


  5. رارا
    انا كمان يسعدنى انك تعلقى ع البوست وتكونى اول تعليق
    متشكر جدا ع الزياره ويارب تدوم المحبه

    رئيسة حزب الاحلام
    هو الكلام صحيح خارج من القلب
    بس انا قصدت انى اقول انه مش شعر صرف هو مجرد تعبير عن الاحساس
    علشان محدش يدخل يقولى غير دى ومتغيرش دى
    وعموما منورانى دايما

    انجى
    ان شاء الله تكون الزيارات متبادله
    وطبعا وجهة نظرى قولتها لرئية حزب الاحلام قبلك
    دمتى بخير

    ميرو
    والله وحشانى
    طيب مش تسالى عليا اكون روحت هنا ولا هنا
    طلبك يا ست الكل ع العين والراس
    هكتبه مخصوص ليكى
    انا عارف انه لامسك اوى بالزات علشان اخر بوست عندك ههههه
    اه صحيح انا احتمال اسافر بكره وهيبقى قدامى ع الاقل اسبوع انشاء الله على ما ارجع وادخل نت ... انا قولت اعرفك بس

    تحياتى للجميع
    علاء


  6. mero-moory Says:

    السلام عليكم ورحمة الله وبركاته
    وحشاااك وياست الكل احم احم
    يادي الكزووووف
    تسلم ياعلاء ربنا يخليك يارب
    وتيجي بالسلامة ان شاء الله

    عايزاك ترجع بموضوعات بقى كتيرة موش بيقولوا في السفر 7 فوايد
    ىه قبل ماانسى ابقى هاتلي مثاثة محاك بقى عثان بحبها

    خلي بالك من نفسك ومستنية التعيدل يااخويا بقى عشان الاحساس وجعني اوووي
    يلا بقى في رعاية الله وموش تنسى المثاثة هههههههه


  7. شمس Says:

    كلام جميل ومعبر


    تسلم علية

    انا مدون جديد وعايز تشجيع


    تحياتى


  8. والله تنفع اغنيه وتبقى ناجحه كمان
    جميله قوى والله ربنا يوفقك
    اول زياره ليا وان شاء الله مش هتكون الاخيره


  9. السلام عليكم

    اكتر حاجة فى الدنيا دى محيرة هى الحب ماتعرف مين مرتاح اللى عندة الحب ومصددقة ولا اللى بيدور علية وفى الاخر ماحدش مرتاح بس طول مانت عندك امل اتفاءل هتلاقى احلى حب

    بالتوفيق ان شاء الله


  10. امل Says:

    السلام عليكم ورحمة الله
    كلمات رقيقة ومليانه بالمشاعر الجميلة
    ونصيحة حلوة لقلبك ربنا يكرمك ويوفقك
    بالمناسبة هو أنت قسم ايه؟ هههههههه
    تحياتي لك


  11. Tamer Nabil Says:

    كلمات جميلة ياصاحبى

    وبعدين اكتب كل اللى جواك ولاتهتم بحكاية وزنة وقواعد

    عبر براحتك عن احساسك


    تحياتى


  12. Desert cat Says:

    اجمل كلام اللى خارج من القلب للبوح والفضفضه وعلشان كدا البوست ممتاز
    تحياتى


  13. اولا انا سعيد جدا بتعرفي علي مدونتك القيمة بلا مجاملة
    ثانيا
    بخصوص هذا البوست بعيد عن الوز والقافية فانا اعتقد انك مريت بتجربة قاسية حاول متقلبش المواجع وانسي النسيان من افضل نعم الله علينا

    ثالثا
    انا شايف انك عندك موهبة في كتابة الشعر حاولتثقلها وربنا يوفقك

    ومتشكر علي الوقت اللي قضيته علي مدونتك

    واتمني ان نتواصل دائما
    العجوز


  14. dina seliman Says:

    اجمل مافيه انه كلام من القلب
    حوار مع النفس
    محاوله لايجاد حل

    دمت بكل الخير


  15. Tamer Nabil Says:

    ازيك ياصاحبى

    اخبارك اية

    فى انتظار الجديد

    خلينا نشوفك

    تحياتى


  16. كوارث Says:

    جميل البوست يا مان
    الفكرة مكررة والوزن مش متظبط عندك شوية يا باشا
    انتا اسلوبك حلو وعندك الحس الشعري بس بحس انك بتتورط في بعض المناطق
    نصيحتي ليك لما تتورط كمل بقلبك مش بعقلك
    هتفرق كتير ..


  17. Nour eldin Says:

    والله انا كنت داخل اسلم وبس
    لكن لقيت كلام كبير واحساس راقى انت انسان جميل جدا والله
    وانا فعلا بحب كتاباتك
    وكلماتك تدل على نقاء روحى وارجو ان يوفقك الله لكل خير
    ووحشتنا جدااا
    وبس خلاص
    ........ز
    نور الدين محمود


  18. nonoymm Says:

    هتفضل لامتى؟؟؟؟
    لحد ما تلاقي حد فعلا يستاهلك
    ويستاهل احساسك وحبك
    اصدق النية وقول يارب
    وربنا يعطرك في الحبيبة اللي تعينك على طاعة الله
    تحياتي وتقديري
    احساسك عالي


  19. هند Says:

    ماشاء الله عليك

    كلمات جميلة وكلهاروح وحيوية

    تحياتى


  20. بوست جميل

    وكلمات اجمل

    تحياتى


  21. جميل ان الواحد يعمل وقفة مع قلبه وينسي اللي فات ويبدأ من جديد


  22. مافيش احسن من الكلام اللى بيطلع من القلب كدة على طول , تصدق والله شكلك هتخلينى اكتب بوست حزاينى , من القلب برده , بس لسة مش متأكد إن كانت هتجيلى الشجاعة ولا لأ , المهم بحييك على البوست الجامد دا والقافية ماشية حلو اوى على فكرة


  23. كلامك حلو جدا وعجبني قوي ياريت تشرفني دايما في المدونة تحيتي


  24. شمس
    شكرا على تشريفك ليا
    وان شاء الله تبقى مدون ناجح
    .............

    بنت مصريه
    لو شايفاها اغنيه كويسه
    انا متبرع ليكى بيها علشان تظهرى بيها فى الوسط الفنى ههههه
    شكرا على مرورك
    ........
    كلمة حق
    لا بجد عندك حق
    هو حاجه تحير
    بس محدش بيقدر يحكم عليه اوى غير اللى عايش التجربه بنفسه
    اتمنى الزياره تتكرر
    ..............
    امل
    ان مكنتش هنصح قلبى هنصح مين؟؟
    ههههه
    انا قسم مدنى يا ست الكل
    نورتى المدونه
    ..............
    تامر
    انا بس حبيت اقول انها مش موزونه صح علشان محدش يعقب ع الموضوع ده
    وطبعا مفيس احسن من اللى بيخرج من القلب
    بجد نورت المدونه
    ..........
    ديسرت كات
    على رأيك اجمل كلام اللى يخرج من القلب لانه اكيد هيوصل للقلب
    يارب دايما اكون عند حسن الظن
    ويارب دايما منوره مدونتى المتواضعه
    .............

    احمد العجوز
    والله انا سعيد جدا بزيارتك دى
    وان شاء الله اعمل بنصايحك دى
    ويارب نتواصل دايما
    ............
    دينا سليمان
    هو صحيح حوار مع النفس
    وزى ما بيقولوا من القلب للقلب رسول
    شكرا لمرورك
    ............
    كوارث
    بالنسبه للوزن انا نوهت عنه فى اول البوست
    اما بالنسبه للتورط فصحيح ساعات بيحصل
    وان شاء الله هحاول اتفاداه
    شكرا على نصايحك
    ...........
    نور الدين
    متشكر على المجامله اللى كلها زوق دى
    يارب تدوم المحبه والزيارات بيننا
    .........
    nono
    ادعيلى انتى بس وان شاء الله ربنا يكرم ببنت الحلال
    نورتى مدونتى المتواضعه
    .........
    هند
    شكرا ع الاطراء ده
    ويارب اكون عند حسن الظن دايما
    .........
    ست البنات
    متشكر على زيارتك الرقيقه
    وكلماتك الجميله
    واتمنى ان نتواصل دائما
    ........
    سنووايت
    لازم ننسى علشان نقدر نكمل
    ولا انتى ايه رأيك؟
    ........

    زى الهوا
    متشكر على كلماتك الرقيقه دى اللى مستاهلهاش
    وبلاش احزان بقا كفايه
    ........
    كاتب مصرى
    نورت مدونتى المتواضعه
    وان شاء الله هتكون بيننا زيارات دايما

    دمتوا بخير
    علاء


  25. الكلام الى من القلب طالع اكيد بيوصل لقلب القارىء
    كلام جميل جدا ومزيد من التوفيق
    تحياتى
    جوجو


  26. Sara Says:

    بيفكرني بالاغاني الشعبية اللى تقطع القلب دي :)
    على فكرة لو شفت ملحن ومغنى هاتكسر الدنيا
    انا شايفة القلب ده مصيبة نسيبه مرمي كده لغاية مايتربي ويبطل يدق لوحده مش كده ولا ايه؟؟؟؟؟