عايش... ولكن !!!!


حدثنا المنحوس ابن متعوس وقال
عزمنى صديقى بخشوان ... على الافطار معه فى رمضان
فقال:-
يا عزيزى يا صديقى فى غد هيا اليا
ذاك عنوانى فجئنى ايها الغالى عليا
واقبل الافطار عندى رائعا حلوا شهيا
هل ستأتينى اجبنى قلت حاضر من عنيا
قال اهلا سوف تحظى بفطورا ميا ميا

وكان العنوان فى منطقه شعبيه .... من المناطق العشوائيه
فى مجاهل امبابه .... التى تشبه الغابه
لما فيها من الحمير والكلاب ...والبعوض والذباب
والمجارى الطافحه .. والحشرات السابحه
ففكرت ان ارجع واخلع ... لولا اقتراب المدفع
ثم فوجئت بحاجه مخيفه ... ترتطم برأسى كالقذيفه
اكتشفت انها كيس زباله ... ألقاه عليا احد الحثاله
من بلكونة منزل ..... لانه كسل ينزل
وبعد قليل .. فوجئت بمياه غسيل
ترمى عليا من طشت .. مسكاه واحده ست
واقفه فوق السطوح ....وقالت لى "وسع يا لوح"
فقلت حاضر يا هانم ... اللهم انى صائم
وابتعدت عن هذه السنكوحه ... فوقعت فى بالوعة مفتوحه
ولولا لطف البارى ... لغرقت فى المجارى
ثم رأيت اطفالا فى خناقه ... وهم فى غاية الصفاقه
فتدخلت بينهم ... وزعقت لهم
فأحاطوا بى وشتمونى .... ومرمطونى وبهدلونى
ثم اكتشفت انهم نشلونى ... ومن محفظتى جردونى
فمشيت كالعميان ... حتى وصلت العنوان
وقلت الحقنى يا بخشوان
فقال حقك عليا ..... واحضر الفطار اليا
فكان الطعام لذيذا جميلا خشافا ولحما وفولا
وكنت جعانا فقمت اليه لانهش منه كما دراكولا
ومن كشرى اكلت كثيرا وكم ذا شربت من الكوكاكولا

وبعد دقيقه .. شعرت بحريقه
ولعت...بأمعائى واندلعت.. بين احشائى
فصرخت الحقونى .. وللطبيب خذونى
فقال عندك تسمم... ولكن ربنا سلم
فقلت لماذا لا يصاب الاخرون ... بهذا التسمم الملعون
فقال لانهم يعيشون ... وينامون ويصحون
فى هذا الجو الموبوء ... الملىء بكل سوء
ولذا فان هؤلاء الجماعه ... قد اكتسبوا المناعه
فاحمد ربك على النجاه ... فقلت الحمد لله
الذى لا يحمد على مكرووه سواه
Labels: | edit post
59 تعليقات
  1. غير معرف Says:

    السلام عليكم
    ههههههههه
    حلوة اوى اوى بجد
    فكرة جميلة جدا انك تتكلم عن موضوع زى دة بالطريقة الجميلة دى
    وفعلا غالبا الناس الى اتعودت علىالتلوث فى كل حاجة ممكن يتعبوا من الطبيعى اصلا والى اتعود على الطبيعى هيتعب من التلوث
    نيرة احمد محمود


  2. يا عم تلوث تلوث هو اصلا قى حاجه سليمه ؟
    بس فكره حلوه ؟


  3. مممممم

    كل ده علشان التلوث

    ولا يهمك

    :d

    كلنا لها


  4. نيره
    اكيد الناس اللى بتبقى متعوده ع التلوث بتكتسب مناعه
    شكرا لمرورك
    *****************
    صوت من مصر
    هههههه انت شكلك كده مخنوق من الدنيا خالص
    عادى بقا اهو كله فى الكلتش :D
    ***************
    حسن حنفى
    اه شوفت بس اهو ربنا ستر
    شكرا لمرورك


  5. fire bird Says:

    ههههههههههههه

    جيبتها منين دى ياعلاء

    بجد حلوة جدا

    صحيح

    شر البلية مايضحك

    فعلا

    التاقلم مع الفول والطعمية والمناطق العشوائية...

    يختلف تماما

    عن التاقلم مع الكافيار والنجريسكو والعيشة الهنية

    كل سنة وانت طيب


  6. fire bird
    لا ده سر المهنه بقا
    بس طبعا الطعميه والفول بتخلى البنى ادم غول هههه وميعرفش ياكل الحاجات الهايفه دى كافيار ايه ونجرسكوا ايه دى عاوزه معجم علشان الواحد يعرف ياكلها هههههه
    نورتينى


  7. princess Says:

    هاى
    جامد البوست ده هههههههه
    التلوث ده باه حاجة اساسية فى حياتنا
    متهيالى لو علجوه نموت هههههه
    يالا يعنى هو ده بس اللى عايز يتعالج
    :)
    الفكرة حلوة اوى
    تحياتى


  8. MaGn0liA... Says:

    هههههه

    دمها خفيف مع انها توجع اوى

    ان فى ناس عندها التسمم و كل القرف ده عادى

    للاسف


  9. السلام عليكم


    هههههههههه

    بجد بوست جامد جدااااااا

    مدونتك جميلة بجد

    ان شاء الله نكون من زوارها

    واتمنى انى اشوفك عندى

    تحياتى


  10. أنا حر Says:

    اكتر من مرة نقولك بلاش تاكل في الاماكن دي انت مبتحرمش
    :)
    حلوة قوي
    تحياتي


  11. EMMY BABY Says:

    حمد الله على السلامة يا علاء

    وانا اقلك بقالك كتير ما بتخشش ليه اتاريك ياعينى عندك تسمم فى المستشفى معلش معلش كلنا لها

    هههههههههههههههه بس حلوة اوى كويس انه طلع منها عايش اصلا

    تحياتى

    ايمى


  12. هههههههههه

    بوست تحفه والله

    ههههههه

    علشان تعرفو قيمة الام

    وحنان الام

    واكل الام

    دمت بكل الود

    احمد


  13. canary Says:

    لا جميله بجد

    زجل بديع ومتناسق جدا

    بس ليه يعنى المرمطه دى كلها؟؟؟

    ليه مروحتش تفطر انت وصاحبك فى كنتاكى؟؟

    وبعدين تسمم ايه اللى انت بتتكلم عليه دة

    دة احنا بقينا نجيب للميكروبات مرض من اللى فينا


  14. كلامك جميل قوى
    ومعلش بقى المرة دى العزومة ضربت
    ان شاء الله تتعوض مرة تانية
    بس بجد بتكتب حلو قوى
    ووصفت حياة ريفية موجودة بالفعل


  15. M.K Says:

    بوست دمه خفيف ...ممكن تحلله قبل مانتعدي ولا حاجه ...
    اصلي خايفه على نفسي ماتكنش عندي مناعه...
    التلوث مننا وفينا....
    ولسه بنشتم ونقول مين إلي بالينا...
    والله كله بإدينا....
    دمت بخير...


  16. هههههههههه
    حاجة تضحك وتبكى والله
    تبكى لان فعلا ممكن يكون فى ناس كدة :(
    لكن اسلوبك رائع وظريف جداا فى السرد بالذات فى رمضان
    حسستنى انى بسمع الف ليلة
    بجد سلمت اناملك هايلة

    بس قولى ازاى بعد الحوادث المنيلة دى كلت ؟؟؟


  17. تصدق انا افتكر
    انك مش انت ؟؟
    يعنى افتكرتنى فى مدونة تانية لحد ما تأكدت
    اصل بجد البلوج دا تحفة

    واسلوبك فيه جديد

    تقبل تحياتى


  18. سلام عليكم
    ازيك؟؟يارب تكون بخير
    بجد اسلوبك تحفه جداااااااا
    وفعلا فيه تجديد
    بس ياراجل ايه اللي كان مصبرك علي كل ده
    يعني لوح و ذباب وتسمسم
    ياراجل حرام عليك نفسك
    هههههههههههه
    يلا ربنا يحميك يارب بس اوعي تقع بجد في بخشوان ده ربنا يستر ههههههههه
    تقبل مروري
    أختك شيتوس


  19. هههههههههههههههههههههههههههههههههههههههههههههههههههههههههههههههههههههههههههههههههههههههههههههه
    دى عزومه ايه المنيله دى
    تصدق هيه دى امبابه فعلا
    لا دا انت هاااااايللل
    قدرت تجسد الحياه الشعبيه
    فى شعر الجاهليه
    ههههه
    بوست اكتر من رائع احييك


  20. princess
    عندك حق كلنا اكتسبنا المناعه خلاص ولو عالجوا التلوث نموت ههه
    نورتينى
    ****************
    MaGn0liA
    اها بس الناس دى مش كلهم بمزاجهم الموضوع ده
    نورتينى


  21. المبرمج المحترف
    شكرا لمرورك وان شاء الله حالا هزورك
    ***************
    انا حر
    هههههه اه اكلهم بلدى وحلو على فكره بس متضمنش نفسك بعده هههه
    نورتنى


  22. EMMY BABY
    ههه ايمى والله سكر
    هو صحيح طلع عايش بس عايش ولكن ..!!!
    ههه واخده بالك انتى
    ******************
    (أحمد سكر )
    اه هيا الام واكلها مفيش احسن منه
    غلطه مش هتتكرر هههه


  23. canary
    كنتاكى اه كنتاكى
    ههه معلش اصلى عامل مقاطعه :))
    دمتى بكل الود
    **************
    ندا منير
    مفيش مره جايه بقا خلاص هههه
    والحياه دى بجد موجوده زى ما قلتى
    دمتى بكل الود


  24. M.K
    ههه اه التلوث مننا فينا
    شكرا لمرورك
    **************
    نهر الحب
    هههه يعنى عاوزانى بعد كل اللى عانيته ده مآكلش كمان !!!
    ايه رأيك مش التغيير فى الاسلوب حلو بردو :))
    نورتينى


  25. شيتوس الاهلاويه اووووي
    وعليكم السلام ورحمة الله بركاته
    انا الحمد لله بخير
    هههههههه معلش بقا اكل العيش مر
    ادعيلى مقعش فى واحد زيه ههه
    نورتينى
    *********************
    بنت مصريه
    شكرا لاطرائك الشديد ده
    دمتى بكل الود


  26. كيارا Says:

    يالهووووووووووووووووووووووي كل ده عشان فطار

    لا كنت رجعت احسن وبلها الفطار ده

    حمد الله علي سلامتك اولا وكويس انك بخير وبلاش تفطر برا تاني :)

    تحياتي


  27. mero-moory Says:

    السلام عليكم ورحمة الله وبركاته

    يخرب عقلك يا علاء انت اللي كاتبها ولا ايه
    جبت الحاجات دي منين ومين عزمك اثلا قول قول موث تخاف خالث
    احلى حاجه فكرتني مرة وانا ب 3ثانوي بنت عمتى اقترحت ناكل سندوتشات فقالتلى تعالي ناكل طعمية وجبنا واكلنا وانا بحبها بس ممنوعه منها عشان القولون اكلتها من هنا واسبوع متعلقلي محاليل من هنا هههههههههههههههه وهي واخوها وربنا أكلوا معايا بس موش حصلهم حاجه اثمحنه انا بقى :(

    بث بكد بكد توبيك راائع من اي لك هذا اعترف اوم والا هخامثك هههههه

    ممتاز يا لولو

    في رعاية الله


  28. انت عارف اانت فكرتنى بالف ليلة وليلة والله وحتى فى البوست اللى قبلة بدأتة باسلوب الف ليلة وليلة..فين ايامها؟؟

    كل سنة وانت طيب وعملتو الكعك؟


  29. فيه فطار للمدونين ف ساقيه الصاوى يوم الجمعه 26 وهيحضره خالد الصاوى كلنا رايحيين نتمنى نشوفك هناك
    لوعايز تعرف التفاصيل زور مدونه عليا حلييم
    http://aliahlim.blogspot.com/


  30. ههههههههههههههههه

    كل ده عشان تفطر ....ده أنا لو منك أصوم لحد تانى يوم ز لانى أخرج الخروجة دى



    بس أسلوبك فى السرد حلو أوى

    و على فكرة الناس اللى عايشين هناك و لا فارق معاهم تلوث و لا يحزنون...دول هما كدة ميت فل


  31. كيارا
    هههه حرمت خلاص مش هفطر بره تانى
    نورتينى
    ***************
    mero-moory
    مستنيكى تعزمينى يا ميرو ههه
    اهو بدأت اغير شويه
    نورتينى


  32. بنت سيناء
    اهو تغيير شويه مش احسن بردو !!!
    نورتينى
    ****************
    انا ودماغي
    اهو بقا اللى حصل :))
    على رايك مش فارق معاهم اى حاجه
    اسعدنى مرورك


  33. ازيك يا علاء اخبارك ايه ؟
    ايه رأيك تتعزم عندنا بكرة ؟ هههههههههه تغير جو
    هستنى ردك عليا
    سلام يا عسل


  34. هههههه اوك موافق بس علشان احنا جيران هههه
    يعنى عارف ان انا لا رايح امبابه ولا اى منطقه اتبهدل فيها :))


  35. نيجار Says:

    أشكرك أولاً لزيارتك لمدونتي المتواضعة
    وبجد مدونتك تحفه
    والبوست يجنن حاسه كأني بقرأ في كتاب ألف ليله وليله أسلوبك رائع بجد.
    ياريت يبقى في كذا موضوع بنفس الطريقه
    وسنتواصل بإذن الله
    تحياتي


  36. engy Says:

    بوست رائع سيبك من ان المدونه كلها بجد تحفه
    بس اسلوب فعلا متميز
    عزومه اخر جمال والله
    كل سنه وانت طيب


  37. Gelaan Says:

    جميله بجد
    بحب الطريقه دي في النقد

    للك احترامي وتقديري
    سلاام


  38. نيجار
    ان شاء الله سنتواصل
    سعدت بمرورك
    ********************
    engy
    شكرا لاطرائك
    وبطلى تريقه ع العزومه :))
    نورتينى
    ****************
    Gelaan
    اسعندنى مرورك


  39. Appyplanet Says:

    ليه هتزعلوا بتوع امبابه ليه كده منكم بتسوئوا سمعه البلد ليه هههههههههههههههههههه

    حلو بجد


  40. هههههه معلش بقا هو الوزن جه كده يا ابى :))
    قوليلى انتى ساكنه فين وانا اعمل البوست الجاى عليكى :))


  41. غير معرف Says:

    فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html


  42. ههههههههه
    تسلم ايديك حلوة اوى


  43. Hossam Says:

    هههههههههههههههههه
    جامدة اخر حاجة
    مع انها طويلة سنة بس الواحد يحب يقراها
    تقبل مرورى واتمنى نكون اصدقاء
    سلام


  44. Desert cat Says:

    للاسف واقعنا الاليم المستحيل الهروب منه
    نصيحه بقى مش تروح عند بخشوان تانى


  45. انا جايه علشان اقولك مرسي على الزياره
    و حبقى ان شاء الله ادخل تاني علشان اقرأ موضوعك اصله شكله حلو
    المهم الخرفان ديه حاجه مش حلوة
    ديه دليل على النطح و النرفزة و عدم الصبر
    ربنا يرحمك منها


  46. انسانةعادية فى عالم مش عادى
    شكرا لمرورك
    *******************
    Hossam
    معلش بس اعتقد انك مخرجتش عنها ومتوهتش فيها
    اسعدنى مرورك وان شاء الله هزورك حالا


  47. Desert cat
    اها واقعنا الاليم .. مش هروح تانى عنده خلاص حرمت :)
    ***********************
    واحده مفروسه
    خلاص مستنيكى
    لا انا بردو بتنرفز بس مش كتير بكبر دماغى شويه يعنى خرفانى مبتجيش الا لما استدعيهم قليل يعنى


  48. الله الله هو الصيام بيعملفيك كده علطول
    خلاص صوم صيف شتا...
    دى تحفه ومن اجمل ما قريت ده نسميه سجع
    تحفه تحفه بس ايه الذوق ده واحد يترمى عليه كيس زباله ويبقا بالاخلاق دى
    دا الصيام بيأدبنا يا رجاله.


  49. اه انا يا استاذنا جاوبت التاج
    هتدينى كام من عشره
    ولاا اااقولك هات فلوس وانا هتصرف..


  50. mahasen saber
    ههههههه شوفتى الادب والاخلاق هههه
    صايم بقا

    اما عن اجابتك للتاج بجد انا زى ما قولت عندك فى المدونه كل اللى كنت متوقعه واكتر لقيته
    وتستاهلى 10 من 10 ونجمه كمان ههه
    ولو عايزه فلوسك كاش بقا تعالى استلميهم بنفسك هههههه


  51. اما بقه الكلام الحلو والتعليق اليى يرد الروح الله يكرمك انا مش عارفه اشكرك ازاى ..
    الف شكر على ذوقك وكرمك اخلاقك
    اسعدتنى بكلامك الجميل ده قوى قوى
    وطبعا طبعا انا استاهل اكتر من كده هههههه..
    انا فعلا استاهل فتح نافوخى..
    وبعتذرلك بقه من هنا للمريخ حلوه المسافه دى ..
    على تقصيرى فى الزياره يعنى اجيى التعليق اليى معرفش كام واربعين ده عيب عليا قوى والعيب استعيبنى
    وقال ايه اليى غلبتنى دى
    اسفه اسفه اسفه...


  52. ها اعتذر ولا ا كفايه كده
    بقول كفايه لا مش كفايه
    سأعاود الكره بس فى زيارات اخرى..


  53. ههههههه لا متعتزريش كلنا بنبقى مشغولين وكلنا مقدرين ظروف بعض
    ولا ايه؟!!
    وانا تقبلت اعتزارك :)
    عموما البوست الجاى انتى خدى اول كومنت ههه بس الحقيه بقا


  54. وومن Says:

    عايش ولكن

    بجد اسلوب هايل في العرض فكرني بألف ليلة وليلة

    خلتني ابتسم واتحسر في وقت واحد

    ما شاء الله سلمت يداك


  55. وومن
    شكرا لاطرائك
    هو البوست عموما اسلوبه متغير شويه عن اللى فاتوا بس التغيير احسن ولا ايه؟!
    اسعدنى مردورك


  56. نقل موفق يا استاذنا

    بس تفتكر الى متعود على التلوث صحيح مش هايجراله حاجه حتى لو استمر التلوث موجود ؟؟؟

    لا يوما ما هاتتراكم السموم وجسمه مش هايستحملها

    زي مااحنا كده خدنا على القرف لكن يوما هاننفجر ومش هانستحمل اكتر من كده

    سعدت بزيارتك لاول مره


  57. هتاخد فوق دماغك وهنعملك كمين
    هتسألنى ده ليه؟
    هقولك روتين
    والله ضحكتنى بجد
    وبعدين مبروك اللو ك الجديد للمدونة لعى فكرة انا القالب دة كان عاجبنى فى موقعة وجيت احطة ما نفع مشكلة والله تغيير القوالب وبيطير من عندى السايد بار وعنصر التخطيط اللى مسئول عن كدة
    ريتك تفيدنى