عايش... ولكن !!!!
تحديث
لكل اصحابى اللى كانوا عندى على الاكونت اللى راح على الفيس بوك ضيفونى ع الاكونت الجديد من هنا
او من على اليمين اضغط على صورة الفيس بوك
من امبارح وانا بسمع اغنية انا مش خرونج :))))
قولولى ليه
يا جدعان قولوا
ايوه كده اقولكوا
اصلى الاكونت بتاعى بتاع الفيس بوك اتعمله بلووك ههههه وضاعت فلوسك يا صابر
ده اكتر من الفلوس :( ده اكونت عشره ولا الفارم فيل راحت هيا كمان بعد ما كنت وصلت لمستوى مش هعرف اجيبع تانى
واللى قاهرنى اصلا مش ده كله
اللى قاهرنى ان لما بعتلهم استفسر ليه الاكونت اتقفل تخيلوا الرد ايه بقا
تم تعطيل الحساب الخاص بك لأنه تم تحديد السلوك الخاص بك على الموقع ومضايقة أو تهديد لأشخاص آخرين ..
شوفوا بقا الحته الجايه دى
ارسال رسائل غير مرغوب فيها
وطلب اخرين للزواج او لاغراض تجاريه :)) شوفتوا الخيبه التقيله
ال ايه انا ببعت تهديدات ووببعت رسايل غير مرغوب فيها هههه ليه ببعت رسايل اباحيه و كمان بطلب ناس للزواج كتكم نيله لا مش نيله واحد 60 الف نيله هههههههه حلو حوار طلب الزواج ده بضحك عليه من امبارح والله :)
وفى اخر الرساله كاتبين انه قرار نهائى وغر قابل للطعن :)) تقولش المحكمه الدستوريه العليا

8 تعليقات
  1. حصل لاخويا كده برضه
    وقالوله نفس الاسباب
    الغريب بقى ان اخويا ماكنش بيفتحه اصلا الا كل فين وفين!!


  2. Nirvana Says:

    إنه زمن الريبورتات !


  3. لا اله الا الله
    دى مش اول حالة
    وكلها مبررة باسباب غير منطقية
    احتمال يكون الموقع بيصفى العرب والمسلمين اللى فيه

    مش صعبان عليا غير الفارم فيل
    :)

    كانت ايام ههههههههه

    معلش ربنا يعوضك باكونت افضل منه :)


    تحياتى وودى


  4. حاجة غريبة جدا الموضوع ده انتشر فجأة
    تصدق فعلا اكتر حاجة ممكن الواحد يزعل عليها الجيمز لانها مش سهل تتعوض
    شكل صدر قرار بتصفية المدونين من الفيس بوك


  5. gogo!sf Says:

    معلش يا علاء قدرك بقى

    على فكرة حصلت لناس كتير قبلك

    وبردو ما قدروش يرجعوه تانى

    خيرها فى غيرها يا علاء

    بس المره الجايه تخلى بالك ومتبعتش رسايل تانى

    ولا تطلب حد للزواج تقولش ان خلاص البنات خلصت ومافيش غير البنات اللى على الفيس بوك

    معلش يا علاء مش تزعل نفسك خالص


  6. ههههههههههههههه
    تعيش وتاخد غيرها
    برده أخويا حصله كده عمل حسابين إحتياطى
    بجد حاجه تغيظ بس يالا علينا الإستحمال
    تتعوض يا علاء
    متزعلش بس