عايش... ولكن !!!!
بين اربع حيطان
هفضل كده على طول وحيد؟!
هفضل ادور على شىء جديد؟!
على شىء يغير وحدتى
مهى هيا ديا دنيتى
بين اربع حيطان

يامين يقول ويدلنى
على حاجه ليها تشدنى
تبعدنى عن كل اللى كان
وانسى بيها ايام زمان
هتقولى اغير لون الحيطان
غيرته بس مفيش جديد

جربت كل شىء يفيد
منا اصلى طبعى عنيد
حتى فى الامى تلاقينى بضحك
بخاف يقولوا انى ضعيف
زى الورق وقت الخريف
بضحك وقلبى مليان نزيف
يمكن بضحكى اسكته

لما بفكر فى اللى فات
وتحاصرنى الذكريات
تلاقينى بردو وفسكات
بضحك وقلبى مليان اهات

يادنيا ليه مديانى ضهرك
عرفينى قدئيه ده مهرك
لو مصيرى اعيش فى قهرك
هرضى بيه واعيش زمانى

لا هشكى ولا هرسم دموع
وسط الضلام بتظهر شموع
اليأس بالنسبالى شىء ممنوع
وهفضل احاول وسط الحيطان
...هفضل احاول وسط الحيطان

65 تعليقات
  1. gogo!sf Says:

    اووووووووول تعليق

    لجوجو

    هقرا بسرعه وارجع تانى


  2. gogo!sf Says:

    والله يا علاء مش دنيتك لوحد

    احنا كلنا بحاول نلاقى جديد

    ومهما نغير مافيش جديد

    عجبنى اوى كلماتك

    وانا حتى فى عز الامى بضحك من خوفى لاكون ضعيف

    المعنى واحد يا علاء سواء انت اللى خايف انك تحس ضعفك او الناس تقول عليك ضعيف

    ولكن ده منتهى القوى مش الضعف

    انك تقدر تسيطر على نفسك وتدارى الامك ويأسك

    دومت بكل الخير

    جوجو


  3. ازيك يا لولو منور البلوجر من تانى

    اخبارك واخبار امتحاناتك ونتيجتك ايه

    يا رب تكون تمام ان شاء الله


  4. mero-moory Says:

    السلام عليكم ورحمة الله وبركاته

    عايشة في حزن وقهر و آه
    وفي عز همي أقول الله
    بيشيل عني ويرجعني كأني
    مخلوق في الكون مفيش إلاه

    فوق نكدي زدت نكد على كلامك يا لولو
    حسيت بالكلام وعيني دمعت والنهارده خنقتي ما شاء الله

    صعب التجديد يا لولو بس موش مستحيل
    وبين الاربع حيطان ممكن بقلوبنا وعنينا نغير الوانهم بارادتنا وصمودنا نتحدى الحزن

    وانا اول واحده بحاول بضعف لكن مسيري اقوى ببكي لكن مسيري اضحك

    في رعاية الله


  5. Sweet Violet Says:

    مش لوحدك اللى بتحاول

    v_v


  6. gogo!sf
    مبرووووك عليكى اول تعليق


  7. gogo!sf
    هيا صحيح مش دنيتى لوحدى لاننا دايما بندور على كل جديد بس بتختلف من شخص لشخص
    طبعا انتى عارفه ان رأيك يهمنى اوى وكويس ان كلماتى عجبتك
    يمكن يكون منتهى القوه زى ما بتقولى لكن ساعات تأثيره بيكون وحش كنفسيا لما ابقى بين اربع حيطان :(
    نورتى يا جوجو


  8. mahasen saber
    الله يخليكى يا محاسن وحشانى والله
    انا الحمد لله كويس والامتحانات الحمد لله خلصت وربنا يسهل بقا فى النتيجه
    نورتينى


  9. mero-moory
    ميروووووووو
    وعليكم السلام ورحمة الله وبركاته
    هوبا انتى بتقلدينى هههه
    يادى النكد السائد اليومين دول
    طيب دى كانت حاجه كتبتها فى وقت نكد وخلاص ربنا ما يرجعه
    التجديد طبعا مش مستحيل
    حلو الكلام يا ميرو قوليه لنفسك بقا وبطلى الكآبه دى
    نورتينى


  10. Sweet Violet

    كويس انى لقيت ليا حد يحاول معايا :)


  11. abo kareem Says:

    ياد يالولو أبو كريم الى بيعلق ياد

    البدايه فله بس بعد كده الوزن سقط منك يا مان

    وكما قال ياسر قطامش

    ياصاحبى لا تشتة الياميشا
    يكفيك أن الخبز ليس دشيشا
    الجوز واللوز اللذيذ لغيرنا
    فأحمد إلهك إن أكلت قريشا
    وأحزر من الحاتى تمر أمامه
    بدل الكباب ستأكل التلطيشا
    لاحق عندك أن تشم أريجه
    قد يندهون لمثلك الشاويشا


  12. يا راجل
    ليه اليأس دا كله
    مع انك بتضحك رغم اللى جواك
    شوف بقى لو حطيت التفاءل مطرح اليأس
    تبقى الدنيا وردى
    ما هى هى منيله منيله ..ز يبقى نحط شوية تفاؤل عشان النيله بتاعتها تخف شويه
    ونضحك برضانا او خصب عننا
    المهم انك تضحك .. او ساعات تعيط
    مش عيب انك تعيط زى مش عيب برضه انك تضحك
    حتلاقى المواضيع خفت وبقت سهله قوى
    على فكره لون الحيطان لو سماوى يكون وقعه النفسى اريح
    تحياتى


  13. ابو كريييييم
    ازيك يا بوب
    ايه ياعم الحركات دى كريم ع الابواب استعد :))
    ماشى يا بوب تسلم ويسلم ياميشك:))


  14. فشكووول
    عندك حق نضحك احسن انا بضحك اهو هههههههه
    اى خدعه
    حلو اللون السماوى هجربه بس معندكش فرشه ادهن بيها الحيطان؟!!!!


  15. عمرو Says:

    كلماتك أثرت فيا بشكل ما !!
    كلنا بتمر على ذهننا نفس الأفكار و التساؤلات و الحيره .. و يمكن نفس الأجوبه ..
    هى ظروف البشر كلها متشابهه و لا أيه ؟؟
    تقبل تحياتى و تقديرى ..


  16. يافرج الله

    الاحتلال فى كل حتة ماشى يا جوجو

    ما انتى بتحتلى اهو امال ليه بتقولى انك مش بتعرفى تحتلى مبروك عليك المدونة دى

    اخى الفاضل علاء تشرفت جدا بزيارتك الطيبة وللتواصل الدائم معى على الهامى 2

    http://elham-me2.blogspot.com/


  17. hager za3bal Says:

    لا هشكى ولا هرسم دموع
    وسط الضلام بتظهر شموع
    اليأس بالنسبالى شىء ممنوع
    وهفضل احاول وسط الحيطان
    ...هفضل احاول وسط الحيطان

    عجبني اوي الجزء ده
    معبر اوي

    بجد تسلم ايديك..:)


  18. عمرو
    كويس انها اثرت دى شهاده بنجاحى :)
    تقدر تقول ان الظروف بتختلف ولكننا دائما نواجه نفس الاحاسيس باختلاف شدتها واسبابها
    نورتنى


  19. اسماء واحلام فى وجدانى
    احديها بقا وقروا ع الناس ابقى احتلى انتى كمان مدونتين كده ههههه
    ان شاء الله هيكون بينا تواصل دايما
    نورتينى


  20. hager za3bal
    شكرا ليكى ويارب كل كتاباتى تعجبك دايما
    نورتينى


  21. رؤية Says:

    جميلة جدا

    بس لعلمك الدنيا زى ماهى غدارة
    برضه هى دوارة
    يوم تبكيك
    ويوم تسعدك

    وربنا دايما يسعدك يارب

    تحياتى


  22. علاء كيفك اخبارك

    بجد ما شاء الله عليك هندسة بتعمل كل ده والا ايه


    تحياتى


  23. Ramy Wasel Says:

    يا سيدى

    لا يأس مع الحياه

    عم قول يا رب
    كنا قال الزعيم مصطفى كامل

    شرفتى بالزياره
    ومدونتك ممتازه
    وباذن الله اتابعها دائما

    تحياتى
    رامى واصل


  24. الله عليك بجد هايل هايل هايل
    ربنا يكرمك وبالتوفيق ليك داليما


  25. aMr tA3LaB Says:

    جميلة اوي ما شاء الله عليك كلمات جميلة
    بالتوفيق

    تحياتي


  26. ديالا Says:

    والله بجدة حلوه اوي

    واحساسك فيها جميل اوي

    والاجمل بقي الاسلوب

    بسيط ورقيق

    تقبل مروري


  27. Ana keda Says:

    بجد اول مرة اجى هنا ماشاء الله حلوة اوى بجد

    عجبتنى اوى وعجبنى انك مش هتيأس اد ايه محتاجين ده اوى واكتر حاجة بتتعبنا اننا بنحس اننا بنلف فى وسط دايرة كلها مقفولة ونسال العيب فينا ولا فى ايه بس مسيرها تتعدل بجد

    الى بيتعب كتير ربنا بيديله اوى


  28. kochia Says:

    الدنيا دي ساعات بحسها كائن حي حقيقي من كلامنا عنها
    قد ما هي قوية قد ما هي ضعيفة
    واحنا اللي بنسمح لها باظهار قوتها او معايشة ضعفها

    لينا دور اكيد
    والرباعيات حلوة


  29. micheal Says:

    حزينة ولكن جميلة جدا جدا
    أحيييك


  30. ghorBty Says:

    السلامـ عليكمـ

    تساؤلات حائره ..

    ونهاية موفقه ..

    فمهما كان حوالينا حيطان لا بننهز ولا بنخاف ..

    والله وحده المستعان ..

    موفق ان شاء الله .. اسلوب جميل ..


  31. انتهينا من اختيار الفائزين في مجالي الشعر والقصة القصيرة وذلك لعددنا الأول ولكن مازلنا نرحب بكل الأعمال لأن المسابقة دورية , من يريد أن تصل أعماله من مدّونته الى جمهور القراء فى مصر والوطن العربي , ارسل لنا أعمالك من قصة وشعر وخواطر الى البريد الألكتروني التالي
    arabicsabah@yahoo.com
    كما نرحب بمقالاتكم التي ستنشر فور ارسالها على جروب الجريدة وستصبح مفتوحة لمناقشتها بين القراء ... تابعونا على جروب الجريدة
    http://www.facebook.com/group.php?gid=78080770039
    انتظرونا قريباً في الاسواق
    تحياتي
    الصباح العربي


  32. سعِدت بالمرور من هنا

    ..
    تحياتي


  33. EMMY BABY Says:

    علااااااء

    بجد القالب ده تحفة وسيمبل ورقيق اوى

    بالنسبة للشعر بجد والله لمسنى اوى وحسيت انه بيوصفنى

    لما بفكر فى اللى فات
    وتحاصرنى الذكريات
    تلاقينى بردو وفسكات
    بضحك وقلبى مليان اهات

    يادنيا ليه مديانى ضهرك
    عرفينى قدئيه ده مهرك
    لو مصيرى اعيش فى قهرك
    هرضى بيه واعيش زمانى

    لا هشكى ولا هرسم دموع
    وسط الضلام بتظهر شموع
    اليأس بالنسبالى شىء ممنوع
    وهفضل احاول وسط الحيطان
    ...هفضل احاول وسط الحيطان


    بجد الجزء ده فعلا تحفة


    تحياتى

    ايمى


  34. عودا حميدا
    كلماتك لها معنى كبير وعميق اوى
    بجد ابدعت وفقك الله


  35. حتى فى الامى تلاقينى بضحك
    بخاف يقولوا انى ضعيف
    زى الورق وقت الخريف
    بضحك وقلبى مليان نزيف
    يمكن بضحكى اسكته
    ***************

    رااااااااااااااااااااااائع

    وأكثر


    شكرا


  36. حتى فى الامى تلاقينى بضحك
    بخاف يقولوا انى ضعيف
    زى الورق وقت الخريف
    بضحك وقلبى مليان نزيف
    يمكن بضحكى اسكته
    ***************

    رااااااااااااااااااااااائع

    وأكثر


    شكرا



  37. ملجأنا الوحيد فى الدنيا دى هو ربنا

    نقرب منه ونشكى لربنا هيسمع شكوتنا
    وها يجيب دعوتنا

    ربنا يفك كربك وكروب المسلمين جميعا وينور طريقهم بنور الايمان


  38. لازم الانسان يدور على حاجة جديدة عشان ميتعبش

    كلماتك جميلة


  39. غير معرف Says:

    يا حبيب قلبى ليه الرخامة

    انا حاجز اول تعليق عند جوجو

    يعنى سيتك تانى واحد بعدى

    طبعا ده بالاوراق الرسمية


  40. غير معرف Says:

    والدليل قالوله


  41. ahmed_k Says:
    أزال المؤلف هذا التعليق.

  42. ahmed_k Says:

    الله عليك يا علاء
    بس ليه التشاؤم ده كله
    الدنيا زي ما فيها الوحش
    فيها الحلو كتير
    ولو مش مصدقني عدي على أي مطعم كشري
    وقوله عايز الحلو حيجيبهولك علىطوووووول


  43. رؤيه
    عندك حق الدنيا غداره مكسب على خساره ههه نورتينى


  44. ميرو انتكه
    انا الحمد لله تمام ازيك يا هندسه :)
    ده اقل حاجه عندى ههههه


  45. Ramy Wasel
    شكرا ليك وخليك مع مصطفى كامل كده على طول :))


  46. mohamed ghalia
    شكرا ليك ويارب منورنى دايما


  47. aMr tA3LaB
    شكرا ليك نورتنى


  48. ديالا
    اهم حاجه انك حسيتيها ودى شهادة نجاحها :)


  49. Ana keda
    يارب منورانى دايما
    العيب مش فيها ولا فينا العيب فى الجيران :)))


  50. kochia
    عندك حق ساعات بحسها بردو كده
    اسعدنى مرورك


  51. micheal
    الحزن اوقات بيبقى نص الجمال :) نورتنى


  52. ghorBty
    وعليكم السلام ورحمة الله وبركاته
    لازم يكون جوانا القدره اننا نتغلب على الحيطان :)) نورتنى


  53. جريدة الصباح العربي
    فى انتظارك
    نورتنى


  54. محمد فكري
    انا اسعد بمرورك


  55. EMMY BABY
    ايمى
    وحشانى بجد
    كويس ان التمبلت عجبك احسن انا تعبت على ما اختارته
    كلامك ده شهادة نجاح للقصيده دى
    نورتينى


  56. نهر الحب
    شكرا ليكى ومنورانى دايما


  57. جارة القمر
    اعتقد الجزء ده الكل مركز عليه الظاهر ان الناس كلها بتحب تخفى جروحها


  58. لاسع افندى
    انت اللى جامد :))))


  59. صمت الحنين
    اكيد طبعا ربنا هو الذى يعلو ولا يعلى عليه هو ملجأنا الوحيد ولكن يجب ان نسعى لتحقيق ذاتنا


  60. ندا منير
    عندك حق يا ندا
    اسعدنى مرورك


  61. غير معرف
    ياعم انا كنت بهزر طيب انا اول واحد من البلوجرز يعلق هناك هه بقا ههههه


  62. ahmed_k
    اعدى على مطعم كشرى طيب مفيش مطعم حاجه تانيه ههههه


  63. غير معرف Says:

    انا لا بطيق تامر ولا بدافع عنة
    بس الصورة اظن التانية واضح انها مش حقيقية تماما