عايش... ولكن !!!!


ع المحطه .. ع المحطه واللى شوفته ع المحطه
طلعت الخفه ام شنطه .. سلم الاتوبيس بنطه
حته ملعب والاكاده فى القوام والحسن بطه
هى دخلت درجه اولى .. والكراسى بقت منطه
سابوا تانيه وغلب تانيه .. والقطيع على اولى خطى
اللى يهبش فى الجونله ... واللى يعلى واللى يوطى
بص واحد من اللى هما .. دمهم فلفل وشطه
شاف صنايعى فى البريمو .. قاله خش هناك يا اسطه
تانيه انسب للى زيك .. دى الحقيقه بلاش مغالطه
السطى قال ياعم روق ... دى الحياه تحب المباسطه
وانت شايف مش مغمض حاجه ملبن .. حاجه اشطه
ولا يعنى الكون هيخرب .. لو فقير يلهطله لهطه
*****************************
22 تعليقات
  1. انا حبيت اكون اول تعليق علشان اقولكوا ان دى مش من كتاباتى لانى لقيتها وسط ورق قديم بتاعى وبتاع اخويا الكبير بهاء فتقريبا هو اللى كاتبها
    يبقى عموما البوست منقول

    بس كل قصدى منه
    اولا ان الكلمات عجبتنى جدا
    ثانيا لو ركزتوا شويه فى المعنى هتلاقوا الكلام له معنى تانى والحدق يفهم


  2. ياد يالولو انته لقيتها فين دى يا فقرى..انا كنت كاتبها على كشكول محاضرات وعلى فكرة دى بتاعة الفاجومى يالا... سيد الشعراء العاميين

    أحمد فؤاد نجم ياد

    الله ينور عليك ياد انا كنت تقريبا نسيتها

    أخوك بهاء
    أبو كريم


  3. خلاص يا جماعه يبقى دى بتاعة عمنا احمد فؤاد نجم زى ما ابو كريم ( اخويا ) قال

    قشطه عليك يا بوب


  4. دمها خفيف موووووت
    تسلم ايد اخوك


  5. كدة تعملها فيا انا اول مرة اقرأها
    طلعت لاحمد فؤاد نجم ماشى يا سيدى
    عموما يسلم اللى حطها هنا


  6. مهما كان اللى كاتبها.جميله وتسلموا عليها

    كلماتها جميله بجد

    وأحمد فؤاد نجم كل كلامه حلو

    تحياتى

    سبت الأنابيب وطلعت علي المحطه

    أقعد في حته واحده ماشي


  7. نهر الحب
    اه بجد دمها خفيف جدااا
    انا مكنتش اعرف بجد هيا بتاعة مين برغم انى بحب احمد فؤاد نجم بس اول مره اقراها
    تسلميلى
    نورتينى


  8. حلمى البعيد
    شكرا ليكى
    طبعا عم احمد كلامه كله جامد بجد
    اهو عادى بقا تغيير
    خلاص هشوف حته ناشفه اقعد فيها :)
    نورتينى


  9. sal Says:

    رائع اختيارك
    ورائع عمى احمد
    تحياتى



  10. islamz Says:

    يا سيدي المهم انه طلع وقريناه ...
    تحياتى


  11. هى حلوة

    بس بصراحة مفهمتش لا المعنى القريب والبعيد
    :D


  12. يا هلترى
    تلك الموزه ركبت من انهى محطه


  13. islamz
    صح على رأيك :)
    نورتنى


  14. star in the sky
    عادى مش مهم تفهمى :)
    نورتينى


  15. صوت من مصر
    انا كان نفسى اشوفها انا كمان :)


  16. islamz Says:
    أزال المؤلف هذا التعليق.

  17. EMMY BABY Says:

    ههههههههههههههههههه لذيذة والله

    معظم كتابات احمد فؤاد نجم بيبقى ليها مغزى فعلا

    وعلى رايك الحدق يفهم


  18. EMMY BABY Says:

    تانى تعليق علشان اسلم براحتى بقى

    ازيك ياعلاء وعامل ايه

    اخبارتك واهراماتك ووفدك

    بجد والله وحشتنى المدونة

    تحياتى

    ايمى


  19. السلام عليكم ورحمة الله وبركاته
    حلوة قوى بجد
    تسلم ويسلم قلمك

    خالص تقديرى

    نهر الحب


  20. Desert cat Says:

    ازاى الفقري والغنى لازم يلهط ويتحرش ويغتصب ماى هى بنت هى يعنى نازلة الشارع ليه مش علشان الذكور الحلوين يتحرشوا بيها
    يارب كل واحد بيأذى إنسانة يشوفها فى اقرب الناس ليه