عايش... ولكن !!!!
انا بجد بكتب البوست ده وانا ببكى ... ولأول مره بجد بحس انى دموعى سالت ومش عارف اتحكم فيها
على غير عادتى قعدت اقلب فى مدونات ومدونه تجيب التانيه ومش بعلق انا بس بقرا الافكار
لغاية ما لقيت مدونه عنوانها .... نقاب .. حجاب .. وشوية زباله تانيه
هو مش بنفس العنوان ده بالظبط لانها بالانجلش بس انا محبتش اعرفهالكوا علشان متتأذوش باللى انا شوفته فيها بجد والله من اكتر المناظر المؤذيه اللى شفتها ...
حقيقى يا جماعه بجد انا بعتذر
بعتذر لكل صحابى قضى حياته فى دفاعه عن الدين ده ومات فى سبيله وفى الاخر بنشتمه ونلعنه هو وجدوده
بعتذر لكل شيخ فاضل اتسب واتلعن سلسفيله وهو بيحاول يجمع المسلمين حول لا اله الا الله محمد رسول الله
بعتذر للامامان البخارى ومسلم اللى بجد بعد الكلام اللى قالوه عليكم اعتذارى ده مش هيكفى
صدقونى ميعرفوش ان صحيح البخارى ومسلم هو اصح كتب الحديث
بعتذر عن عدم مقدرتى انى اعمل شىء غير انى اعمل بوست ضعيف زى ده
بعتذر ليك يا حبيبى يا رسول الله عن المسلمين اللى بقوا كمان بيسبوك وبيسبوا اصحابك .... طيب من الدنمارك وقولنا ماشى جهله ميعرفوش انما تيجى من مسلم .... بجد انا نفسى وجعتنى اوىىى
بعتذر لربى العلى القدير
ربى
قد بلغت ذنوبى عنان السماء
ولولا انى اعلم انك الغفار
لاستحييت ان ارفع اليك يدى بالدعاء
يا غافر الذنب
يا قابل التوب
يا سامعا للنداء
تقبل منى توبتى
فأنت الغفور
وانت الرحيم
واليك وحدك الدعا .. والرجاء

اللهم لا تؤاخذنا بما فعل السفهاء منا
31 تعليقات
  1. SAYED SAAD Says:

    لا اقدر أن أطلب من الله العلي القدير
    ان يهلك الظالمين بالظالمين
    اللهم انت حسيبنا ونعم وكيلنا
    واشهد ان لا اله الا الله وان محمد رسول الله

    لا ادري ما اصابني حاله الارتباك والحزن الشديد التي انت فيها شعرت بها جدا

    ممكن تكتبلي اسم المدونة دية

    تقبل مروري


  2. sayed saad
    hegabs, nekabs & other trash
    ده اسمها
    بيقول هناك انه لو كان هيدخل الجنه مع العلماء وهؤلاء الصحابه فهو مش عايزها وعايز يدخل النار
    اللهم نوله مراده واحشره مع من يحب
    نورتنى


  3. أشعر بآلامك جدا فقد تذوقتها من قبل
    وكتبت هذا البوست ادعوك لقراءته
    http://monaliza110.blogspot.com/2008/03/blog-post_21.html

    وحقا اللهم لا تاخذنا بما فعل السفهاء منا
    ===
    لى مداخلة لو تسمحلى
    انت قلت فى التدوينة انك مش هتقول اسمها عشان ماتعملهاش رواج وانتشار ومع ذلك وجدت ردك على صاحب التعليق الاول باسم المدونة
    فلماااذا؟؟


  4. اللهم اني اشكو اليك ضعف قوتي وقلة حيلتي وهواني على الناس ، انت رب المستضعفين وانت ربي لا اله الا انت ، الى من تكلني ؟ الى قريب يتجهمني ، ام الى عدو ملكته امري ، ان لم يكن بك سخط علي فلا ابالي غير ان عافيتك هي اوسع لي ، اعوذ بنور وجهك الكريم ، الذي اضاءت له السموات والأرض وأشرقت له الظلمات ، وصلح عليه امر الدنيا والآخرة من أن يحل علي غضبك او ينزل علي سخطك لك العتبى حتى ترضى ولا حول ولا قوة لنا الا بك




    ابني علاء
    مجرد دموعك التي بكيتها حرقة لهذه الكلمات الساقطات ستشهد لك يوم الحساب
    ولكن كما لهم أقلام عقيمة فلنا أقلام خصبة ندافع بها عن حبيبنا الذي اصطفاه صاحب العرش وكفى
    اللهم صلي وسلم وبارك عليك يا حبيبي يارسول الله
    احسست بك جدا وفلبي تمزق غضبا
    لا تحزن ابني على الرسول ورفاقه بالجنة بل احزن على حطب النار
    ﴿وسيعلم الذين ظلموا أيَّ منقَلَبٍ ينقلبون﴾

    تقديري لك ابني الفاضل



  5. sweet angel Says:

    وليت اعتذارنا جميعا يكفى


  6. Lyssandra Says:

    أظن إني مريت من سنه بنفس المدونة
    بس كان اسمها بالعربي

    وبالفعل حبيت آخد موقف
    وحاولت أوصل الموضوع لسلطات أمنية
    لكن للأسف .. ماعرفتش
    وقالولي ماتروحيش هناك تاني وخلاص
    وكانت أول وآخر مرة

    كمية القذارات والبذاءت والسفاهات
    وبشكل ينرفز فعلاً
    أنا صحيح ناسية كل ما يخص المدونة دي
    بس عرفتها من اسمها ومن انطباعي عنها

    ..

    مش عارفة أقول حاجه
    بس حاولت وقتها أتصرف ولم أوفق في ده

    تحياتي
    lyssa


  7. عارفاها ياعلاء ودخلتها وعانيت زى ماانت عانيت بالظبط
    تعبت جدا وكان نفسى اقول للحقير ده هو واللى بيتابعوه ياحيوان انت مسلم وماينفعش اللعنات دى تيجى من مسلم
    وغالبا الاسلام عندهم مابيعلاش ومابيبانش رقيه الا بصدور النساء واجسامهم

    دعيتله بالهدايه او بالخروج من الاسلام خالص عشان مايبقاش نسبه تتحسب على الاسلام بالغلط وضربه فيه من القلب


    انت قلتها
    ربنا لا تؤاخذنا بما فعل السفهاء منا


  8. موناليزا
    انا هقرأه دلوقت
    ======
    انا فقط اعطيته الاسم لاشياء كتير
    اولها انه يمكن يقدر يعمل شىء
    ثانيها مصداقية كلامى
    ثالثها لانها ارادته ولم اشأ ان اضعها فى البوست كى لا يدفعكم الفضول لزيارتها


  9. امل حمدى
    اللهم امين
    حقيقى كلامك ده طيب جراحى شويه
    شكرا ليكى والدتى الفاضله


  10. صوت من مصر
    انا سايبها لمين غيره؟!!!


  11. sweet angel
    عندك حق
    وليت اعتذارنا جميعا يكفى


  12. lyssandra
    مهو للأسف سلطاتنا كده مش بتمنع الغلط لا دى بتساعده انه ياخد راحته ع الاخر
    كويس انك ع الاقل حاولتى


  13. نور
    وانا زيك دعيتله بالهدايه او بالخروج من الاسلام لانه محسوب علينا
    ربنا لا تؤاخذنا بما فعل السفهاء منا


  14. Just waiting Says:

    ربنا قادر انه ينتقم
    المشكلة في المدونة دي في مدونات كتير قوي على شاكلتها
    وللاسف بنعمل ريبورت عتها وولا حاجة بتحصل
    نفس الشء حصلي لما شوفت مدونة شبيهة بس كانت لسب الرسول والدين الاسلامي
    واللي كان عاملها واحد بيقول انه مسلم في البطاقة وبس


  15. بسنت Says:

    انا شفتها المدونه دى من فتره
    وشفت مدونه تانه شبيه ليها تماما
    للاسف ساعات حريه التعبير بتؤدى للتهلكه والغلطات الى ما تغتفرش
    الناس دى فاكره انها حريه لان معظمهم مثقف(مش دينيا طبعا) بس هى شئ تانى خالص ربنا يهدى الجميع


  16. Rosie Says:

    عايش و لكن
    الحاجات دى منتشرة كتير فى الفيس بوك و كذا حتة فى النت..لازم يبقى يكون فى حل..زى eport اللى فى الفيس بوك و كده..و ممكن حل بسيط ..الناس ترد عليه..و حسبى الله و نعم الوكيل..


  17. Tamer Nabil Says:

    ربنا لا تؤاخذنا بما فعل السفهاء منا

    مش عارف والله ياعلاء الناس دى بتفكر وليها عقل

    ام مجنون يبحث عن الشهرة بالغلط فى الدين

    ربنا يرحمنا برحمتة

    مع خالص تحياتى


  18. طالما فى ناس زيك بتحافظ على الدين وبتخاف عليه هيبقى كويس

    كل ما يزيد السب والهجوم على الاسلام الاسلام هينتشر اكتر والناس هتتعرف عليه اكتر


  19. عارف يا لول انا اشك وبقوه ان صاحب المدونه الهايفه دى واحد من العالم العجيبه اصحاب اللا دين لان استحاله يكون حد مؤمن وعاقل هو الليى عاملها

    ونقول ايه افضل شئ ليها تجاهلها وربنا يهدى وينير البصيره


  20. داليا Says:

    السلام عليكم
    علاء اعرف ان دموعك دى غاليه ومنزلتش فعلا الا عشان اغلا حاجه فى حياتك
    ربك ودينك ورسولك
    ربنا عليهم يارب واعرف كويس ان مافيش حاجه تقدر تنتصر ع الاسلام
    وهيرحوا فين من ربنا
    عندى فضول جامد اوى ادخل المدونه
    بس حاجه جوايا تقولى لا بلاش ارف
    وربنا يطلعنا منها على خير ويارب
    احسن خاتمنا جميعا
    يارب حسن الختام


  21. داليا Says:

    السلام عليكم
    علاء اعرف ان دموعك دى غاليه ومنزلتش فعلا الا عشان اغلا حاجه فى حياتك
    ربك ودينك ورسولك
    ربنا عليهم يارب واعرف كويس ان مافيش حاجه تقدر تنتصر ع الاسلام
    وهيرحوا فين من ربنا
    عندى فضول جامد اوى ادخل المدونه
    بس حاجه جوايا تقولى لا بلاش ارف
    وربنا يطلعنا منها على خير ويارب
    احسن خاتمنا جميعا
    يارب حسن الختام


  22. السلام عليكم ورحمة الله وبركاته...
    اللهم لا تؤاخنا بما فعل السفهاء منا ...
    ...
    أخي أقله إنت كتبت هذه التدوينه
    التي أرجو من الله أن تكون في ميزان حسناتك وشاهد لك...
    ....
    في أمان الله


  23. هون عليك
    لا إله إلا الله يفعل ما يشاء، ويحكم ما يريد، أحق من ذكر، وأحق من شكر، وأحق من حمد، وأحق من عبد، وأرأف من ملك، وأجود من سئل، وأوسع من أعطى، وأرحم من استُرْحِم، وأكرم من قُصد، أرحم من الوالدة بولدها، يفرح بتوبة عبده أشد فرحا من الفاقد لراحلته عليها طعامه وشرابه في الأرض المهلكة، هو الملك لا شريك له، والفرد لا ند له، لن يطاع إلا بإذنه، ولن يعصى إلا بعلمه


  24. (green eyes) Says:

    اللهم لا تؤاخذنا بما فعل السفهاء منا معاك حق في اللي انت قولته بجد
    سعيده اني عرفت مدونتك بس مش سعيده ان اول زياره ليك تكون وانت بتمر بحاله نفسيه سيئة

    تقبل مروري


  25. السلام عليكم
    كل سنه وانتم طيبين
    ندعوكم لمشاركه مسابقه المولد النبوى
    فى مدنونتى المتواضعه
    وفى جوائزززززززز وهدايا ...
    فى انتظاركم
    وفقكم الله


  26. اكيد طبعا هتلاقى كدة واكتر
    اعداء الدين كتير
    بس يكفى اننا نتجاهلهم
    حصلى موقف زيك
    وكنت هتجنن
    قلت اعلق لصاحب المدونة ومش هسكتلة
    بس قلت
    اقل تعليق هو مايستاهلهوش
    لايفتكر انهم لهم اى قيمة


  27. اللهم أمين

    إزاى مسلم يسب أخيه المسلم حتى لو كان إنسان مبيصليش حتى

    إزاى مسلم يجرح مسلم أو يغتاب أخوه

    لاحول ولا قوة إلا بالله

    ده شئ بعيد عن معانى الإسلام

    ومنقدرش تلوم الدانيمارك علي اللي بتعمله إذا كان إحنا يا مسلمين بنسب بعضنا

    ربنا يهدينا جميعا

    وحسبنا الله ونعم الوكيل في كل ظالم


  28. دخلت عليها من فترة وأنا أقلب بين المدونات...شيئ دعاني للإشمئزاز...ومن عادتي ان انظر إلى التعليقات بقدر أكير من البوست نفسه..!

    لاتتعب نفسك بهؤلاء كثيراً..ودعونا نعمل..غالباً مايكون أمثال هؤلاء ذو توجه معين واستغلوا المساحة المتاحة لهم ففعلوا مايريدون...ولنا مساحة فلنفعل فيها مانريد..

    لكن بصدق شديد جداً..الخير في إزدياد.وأتفق مع من قال لاتنشر رابطها

    في بيت شعر يقل:

    أعرض عن الجاهل السفيه
    فكل ماقال فهو فيه

    ماضر بحر الفرات يوماً
    لو خاض بعض الكلاب فيه


    اللهم أصلح شأننا واغفر نا ذنوبنا..آمين.


    تحياتي.


  29. Guevara Says:

    صدقا معك كل الحق ..

    لكن من أكد لك معلومة إنه مسلم ؟

    على أى حال قذر .. تحدث بقذاره
    عن أطهار

    و الناتج مننا ليه كل احتقار

    و نستغفر بعد كده ان مفيش فى إيدنا غير كده .