undefined
undefined
انا مش ندمانه
عايش... ولكن !!!!
انا مش ندمانه انى عرفتك
ولا انى فى يوم كنت بحبك
ماهى كانت غلطتى من الاول
انـــــى عشـــقتــــك
وما فكرتش واتسرعت
وقولت بـــحــبك
مكنتش فاكره انك ممكن يوم تخدعنى
ولا جه فى بالى انك ممكن يوم تلعببى
كنت عايشه حياتى ليك
كنت بنام واقوم عليك
كنت عايشه فى حلم اجمل من الخيال
ولما صحيت لقيته وهم اتقل من الجبال
قالولى انسى ..قولت انسى ؟!! ..ده شىء محال
ده حبى ليه لسه عايش جوه منى
وغصب عنى .. بلاقى انى ... بحن ليه
وحتى اما اغنى .. فى صوت جوه منى .. بينادى ليه
هعيش ع الزكريات .. وكل اللى فات .. فى لقايا بيه
مانا مش ندمانه انى عرفته
ولا انى فى يوم كنت بحبه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
14 comments | | edit post
undefined
undefined
سكتناله دخل بحماره
عايش... ولكن !!!!
طبعا مستغربين ايه العنوان الغريب ده
بصراحه ملقيتش انسب من المثل الشعبى ده اعمله عنوان للبوست ده
هو صحيح ....سكتناله دخل بحماره
طيب مين اللى سكتناله وايه الكلام الغريب اللى مش فاهمين منه حاجه ده
اقولكوا
لما الحكومه ترفع سعر الكهربا من غير ما المواطنين يعرفوا
ولما الشعب يسكت
تقوم الحكومه تعمل ايه ...مش لاقيه اى رد فعل عادى الشعب مش فارق معاه
او ممكن تقول ان الشعب خلاص مبقاش فاضى من كتر همومه
سابهالهم يعملوا اللى عايزينه
وهما بجد متاخروش
هتقولولى ازاى
اقولكوا بقا ليه دخل بحماره ومش بس بحماره وانا اسف فى اللفظ
ده دخل بالمواشى بتاعته كلها
لما يقولوا انهم هيشيلوا الدعم من ع السلع الاساسيه يبقى متقدرش تقول الا المثل ده
عارفين يعنى ايه يشيلوا الدعم
يعنى يا حضرة الشعب المحترم ... ياعم الفقير الغلبان .... ياللى مش لاقى غير رغيف العيش تاكله
احنا مش هناكلهولك كل اى حاجه غيره
اصله بدل ما يبقى ال20 رغيف ب جنيه يعنى الرغيف بشلن
لا مينفعش لازم تحس بقيمة الرغيف علشان تحمطه قدامك قبل ما تاكله
هيبقى بربع جنيه الرغيف
طبعا ده على سبيل المثال
ولو عايزين امثله تانيه اقولكوا
طيب تيجى نقول مثال تانى ونشوف
انبوبة البوتاجاز اللى بتتغير ب4 جنيه
لا انسى الرقم ده
هتبقى ب28 جنيه
طيب فين المقارنه
الحاجه تزيد 7 اضعاف
قولى عايزنى اقول ايه غير المثل ده
مع العلم وخد بالك من دى اوى
مصر اول بلد بتصدر الغاز فى العالم
طيب تيجى نرجع بالزمن لورا شويه
السادات على ايامه زودوا سعر رغيف العيش وكانت زياده طفيفه
طبعا كلنا عارفين حصل ايه مظاهرات وبلاوى وحصل حريق والحكومه اضطرت انها ترجع عن اللى عملته
طبعا انا بقول منقارنش احسن
لان بجد سواق التاكسى قالهالى بالحرف
"يا بيه كل حاجه فى البلد بتاعتنا بتغلى الا حاجتين هما اللى بيرخصوا ... الحشيش والبنى ادم"
مشروع القرار ده تحت الدراسه وتقريبا دلوقت فى المجلس علشان يتم الموافقه عليه
طيب نقول ايه بس ....... حسبنا الله ونعم الوكيل
**** وعجبى ****
17 comments | | edit post
undefined
undefined
انا فصلناه تفصيلا
عايش... ولكن !!!!
كلمه لفتت نظرى
وانا خارج مع اصحابى كعادتنا بالليل لفت نظرى كلمه لقيتها على محل ترزى (خياط) لقيته كاتب على المحل
انا فصلناه تفصيلا
بجد استغربت من الجمله
ايه جاب الاياه القرانيه للشغل بتاعك
وبعدين لو انت راجل تقى اوى كده
طيب ما تكنب الايه كامله
وياريت جت ع الترزيه بس
انا لقيت محل تانى بتاع مفاتيح كاتب
انا فتحنا لك فتحا مبينا
فكرونى بواحد كان الشيخ بيسأله انت مش بتصلى ليه
قاله مهو ربنا هو اللى امرنا اننا منصليش
الشيخ استغرب ازاى انت بتقلف جبت الكلام ده منين
قاله مهو من القران ياعم الشيخ
مش ربنا بيقول
يا ايها اللذين امنوا لا تقربوا الصلاة....؟
عجبى
طيب يا عم الفتك ماتكمل الايه
يا ايها الذين امنوا لا تقربوا الصلاة وانتم سكارى..... ............ الى اخر الايات الكريمه
اهو احنا بقينا كده بناخد اللى بيعجبنا
واللى ميعجبناش بنعمل نفسنا مش شايفينه
وبنفسر كل حاجه على مزاجنا
........... وعجبى .........
9 comments | | edit post
undefined
undefined
اسف لانقطاعى عن المدونه
عايش... ولكن !!!!
اسف لانقطاعى عن المدونه لظروف خارجه عن ارادتى
واوعدكم بالعوده قريبا

وهذه اخر بوستاتى قبل الانقطاع
بجد هديه ليكوا


طاطي رأسك طاطي طــــاطي
أنت ف وطن ديمقراطـــــــي
أنت بتنـــعــــم بالحــــــــــرية
بس بشرط تكون مطاطــــــي
***
لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
أنت ف وطن ديمـــــقراطي
***
لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــه
امسنود بالبدلة الظباطــــي
طاطي راسك طاطي طاطـــي
أنت ف وطن ديمـــــقراطي
***
لماشــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
أنت ف وطن ديمقراطـــــــي
***
لماتلاقي بـــــلاد الـدنـيـــــــا
فيها البني آدم حــــاجة تانية
وأنت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
أنت ف وطن ديمقراطــــــي
***
لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
أنت ف وطن ديمقـــــــراطي
***
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
أنت ف وطن ديمقراطــــــي
أنت ف وطن ديمقراطـــــــي
***********************************
طبعا احمد فؤاد نجم
يلا اشوفكم على خير
__________________
3 comments | | edit post
undefined
undefined
جميله ولا حلوه ؟؟؟
عايش... ولكن !!!!
ازيك ؟ ....سؤال فى كلمه وجهته اليها فاجابت بثقه :- حلوه
ولو اعدته على غيرها فالطبيعى ان تسمع وصفا للحاله الصحيه او النفسيه او تلخيص اعتدناه :- الحمد لله
الا ان الحلوه تعرف وتعى حقيقتها وتعتز بها وتفخر لذلك اكدت عليه فى اول فرصه...
حتى لو كان السؤال .. كيف الحال ...حولته الى تقرير جمال
ولو كان للجمال مقاييس ... فلا تفوز به او بلقبه الا من ترتدى مقاس 10 - ومحيط الصدر 70 - ومثلها الارداف والطول 170 - ارقام ونسب بين المسافه من الجبهه للانف ومنها للزقن وما بين العيون والشفايف
على الجانب الاخر نجد "الحلاوه" معنى بلا قيد او شرط .. يكفيه رضا العين
ولو اجتمع كل لرجال على واحده لما تزوجت الباقيات
وفى اجمل النساء قالوا ... هى ملساء القدمين ورماء الكعبين ناعمة الساقين ضخماء الركبتين ... كحلاء العينين لمياء الشفتين .
الا ان عبد الملك ابن مروان صاحب رأى اخر صنفهن خلاله
فقال :- من ارادها جاريه فلتكن بربريه ومن طلبها للولد فهى فارسيه .. والتركيات اخف عقولا .. والحلبيات اشد ابدانا ... والمصريات الطف كلاما وارق طبعا واحسن وجها ... واعذب منطقا
اما الاعرابى الذى قام بالمهمه نفسها ووصف حلمه
فقال :- لا اريدها بالجميله فيطمع فيها غيرى ... ولا بالقبيحه فتشمئز منها نفسى ...ولا طويله فارفع اليها هامتى ...ولا بالقصيره فاطأطىء لها رأسى ... ولا سمينه فتسد عليا منافذ الريح ...ولا هزيله فاحسبها خيالا .. ولا بيضاء كالشمع ولا سوداء كالشبح.... ولا جاهله فلا تفهمنى ...ولا متعلمه فتجادلنى ...ولا غنيه فتقول هذا مالى ...ولا فقيره فيشقى من بعدها عيالى

وان كان للجمال مقاييس ومسابقات ولجان تحكيم .....فليس للحلوه الا حكم واحد تكفيه ايضا لحظه واحده ...تفتح عينيك فتجد شفتيك تقول ................... حلوه
2 comments | | edit post
undefined
undefined
معارضه شعريه لامرؤ القيس
عايش... ولكن !!!!
قال الشاعر الطائش
العائش على الهامش
كلما تعكر مزاجى - وجدت شفائى وعلاجى
عند صديقى ابا ناجى - شاعر المدائح والاهاجى
وفى ليله من ليالى الانس - اسمعته معارضتى لامرؤ القيس

قفا نبكى من زكرى الغلاء المشعلل ....فلست اراه عن قريب سينجلى
بدكان درويش ارى كل حاجتى .... ولكن باسعار تفوق تخيلى
امر عليه كل يوم وليلة ..... ولما يرانى كم يبصلى
يقول تعالى الان يا عم كى ترى ..... زبيبا وجوز الهند بيضاء فللى
وعندى من اللوز اللذيذ زكائب .....وتين جميل من دمشق وموصلى
ومازال يغرينى بكل طريقة ...فقلت له :- رحماك يا بن القرندلى
فقال الله الله وكاد يستلقى على قفاه
من كثرة الضحك والكركره وقال والله انك لمسخره
ولكن خذ عندك يا اذعر لتعلم من فينا الاشعر
يا صاحبى لا تشتهى الياميشا .... يكفيك ان الخبز ليس دشيشا
اللوز والجوز اللذيذ لغيرنا .....فاحمد الهك ان اكلت قريشا
واحذر من الحاتى تمر امامه ..... بدل الكباب ستأكل التلطيشا
لا حق عندك ان تشم اريجه ..... قد يندهون لمثلك الشاويشا

فقلت اشمعنا انا ...اتحمل الفقر والضنا
بينما على سبيل المثال ... ارى صديقى عبد العال
الذى خاب فى المدرسه ... قد كون ثروه كويسه
ولانه فى كل شىء سالك ... استطاع ان يجمع الاساتك
وكانما كتب الهم والشقاء ....على من ادركتهم حرفة الادب

ان كان يملء بالاساتك خزنة ... وترى مرتبك الهزيل قروشا
فاربء بنفسك ان يغرك جاهل ..... يقتات تبنا او يلوك حشيشا
واكتب كما شئت القصيد روائعا ... وتغن وابن من الخيال عروشا
يامن تحب من الحياة فلوسا ... انى لابصر كل ذاك فشوشا

فاعجبنى شعره الشيك وانتفضت كالديك
صائحا كاك وكوك لا فض فوك
****************************************
هذه المعارضه قريتها من كام سنه فى احد الجرائد واعجبتنى واحتفظت بها
لذلك لا ادعى انها ملكى
ارجو ان تكون اعجبتكم
3 comments | | edit post
undefined
undefined
كل سنه وانتوا طيبين
عايش... ولكن !!!!
انهارده بالليل هتكون رؤيا العيد ان كان هيبقى بكره او بعد بكره وحبيت انى اكون اول واحد يعيد عليكوا وكنت محتار بصراحه فى العديه اللى تستاهلوها فملقيتش احسن من العديه اللى هقوبهالكوا دلوقت
قال جبير بن نفير: "كان أصحاب رسول اللَّه صلى الله عليه وسلم إذا التقوا يوم العيد يقول بعضهم لبعض: تقبل الله منا ومنك" (فتح الباري (2-446))
وقد جرت العادة في كثير من الدول العربية بالتهنئة بقول: عيدكم مبارك، أو كل عام وانتم بخير
وفي العيد تتجلى الكثير من معاني الاسلام الاجتماعية والإنسانية، ففي العيد تتقارب القلوب على الود، ويجتمع الناس بعد افتراق، ويتصافون بعد كدر. وفي العيد تذكير بحق الضعفاء في المجتمع الإسلامي حتى تشمل الفرحة بالعيد كل بيت، وتعم النعمة كل أسرة، وهذا هو الهدف من تشريع "صدقة الفطر" في عيد الفطر.
أما المعنى الإنساني في العيد، فهو أن يشترك أعدادٌ كبيرة من المسلمين بالفرح والسرور في وقت واحد فيظهر اتحادهم وتُعلم كثرتهم باجتماعهم، فإذا بالأمة تلتقي على الشعور المشترك، وفي ذلك تقوية للروابط الفكرية والروحية والاجتماعية.
وقد رخص النبي صلى الله عليه وسلم للمسلمين في هذا اليوم إظهار السرور وتأكيده، بالغناء والضرب بالدف واللعب واللهو المباح، بل إن من الأحاديث ما يفيد أن إظهار هذا السرور في الأعياد شعيرة من شعائر هذا الدين، ولهذا فقد رُوي عن عِياض الأشعريّ أنه شهد عيدًا بالأنبار فقال: ما لي أراكم لا تُقلِّسون، فقد كانوا في زمان رسول الله ـ صلى الله عليه وسلم ـ يفعلونه. والتقليس: هو الضرب بالدف والغناء.
ورُوي عن عائشة قالت: إن أبا بكر دخل عليها والنبي ـ صلى الله عليه وسلم ـ عندها في يوم فطر أو أضحى، وعندها جاريتان تغنيان بما تَقاوَلَت به الأنصار في يوم حرب بُعاث، فقال أبو بكر: أمزمار الشيطان عند رسول الله صلى الله عليه وسلم! فقال النبي صلى الله عليه وسلم: "دَعْهما يا أبا بكر؛ فإن لكل قوم عيدًا، وإن عيدنا هذا اليوم".
ورُوي عن أنس رضي الله عنه قال: قدم النبي ـ صلى الله عليه وسلم ـ المدينة ولأهلها يومان يلعبون فيهما، فقال: "قد أبدلكم الله ـ تعالى ـ بهما خيرًا منهما؛ يوم الفطر ويوم الأضحى".
اما عن اداب وسنن العيد فهى كالاتى
التكبير
فالتكبير في العيد سنة عن النبي محمد صلى الله عليه وسلم وقد قال تعالى في آيات الصيام: "‏ولتكملوا العدة ولتكبروا الله على ما هداكم "‏ البقرة :‏ ‏18
والتكبير في عيد الفطر يبدأ من وقت الخروج إلى الصلاة إلى وقت بدء الخطبة سواء كان ذلك ذلك في المساجد أوالمنازل والأسواق. وصيغته: الله أكبر، الله أكبر، لا إله إلا الله، الله أكبر، ولله الحمد؛ ويمكن أن يزاد عليه: الله أكبر كبيراً، والحمد لله كثيراً، وسبحان الله بكرة وأصيلاً.
الغسل
والغسل للعيد سنة مؤكدة في حق الجميع الكبير، والصغير الرجل، والمرأة على السواء. ويجوز الغسل للعيد قبل الفجر في الأصح على خلاف غسل الجمعة.
جاء في كتاب المغني لابن قدامة الحنبلي: يستحب أن يتطهر بالغسل للعيد ، وكان ابن عمر يغتسل يوم الفطر ، روى ابن عباس ، "أن رسول الله صلى الله عليه وسلم كان يغتسل يوم الفطر والأضحى."
وروي أيضا "أن النبي صلى الله عليه وسلم قال في جمعة من الجمع : إن هذا يوم جعله الله عيدا للمسلمين ، فاغتسلوا ، ومن كان عنده طيب فلا يضره أن يمس منه ، وعليكم بالسواك . " رواه ابن ماجه . ويستحب أن يتنظف ، ويلبس أحسن ما يجد ، ويتطيب ، ويتسوك.
الإفطار قبل الصلاة
كذلك فإن من السنة أن يبادر المسلم إلى الإفطار قبل الخروج إلى الصلاة على تمرات يأكلهن وترًا؛ فعن أنس- رضي الله عنه- قال: كان النبي صلى الله عليه وسلم لا يغدو يوم الفطر حتى يأكل تمرات ويأكلهن وترًا" رواه البخاري وأحمد.
صلاة العيد
من السنة ايضاً يوم العيد أن يشارك المسلمون جميعاً في حضور صلاة العيد حتى ولو لم يؤد البعض الصلاة لعذر شرعي. روت أم عطية: أمرنا رسول الله ـ صلى الله عليه وسلم ـ أن نخرج في الفطر والأضحى العواتق والحيّض وذوات الخدور، فأما الحيض فيعتزلن الصلاة ويشهدن الخير، ودعوة المسلمين.
ويصف لنا جابر بن عبد الله ـ رضي الله عنه ـ صلاة العيد مع الرسول فيقول: شهدت مع رسول الله ـ صلى الله عليه وسلم ـ الصلاة يوم العيد، فبدأ بالصلاة قبل الخطبة بغير آذان ولا إقامة ثم قام متوكئًا على بلال، فأمر بتقوى الله وحث على طاعته، ووعظ الناس وذكرهم، ثم مضى حتى أتى النساء فوعظهن.... إلى آخر الحديث.
ويسنّ كذلك أن يذهب إلى صلاة العيد من طريق، ويعود إلى بيته من طريق آخر؛ لتكثر الخطوات، ويكثر من يشاهده فعن جابر -رضي الله عنه- قال: "كان النبي صلى الله عليه وسلم إذا كان يوم عيد خالف الطريق" رواه البخاري.
وصلاة العيد ركعتان، يكبر في الأولى سبعًا سوى تكبيرة الإحرام يرفع يديه فيها، وفي الثانية خمسًا سوى تكبيرة القيام، وتجوز جماعة، وعلى انفراد، ووقتها ما بين طلوع الشمس وزوالها. ويجهر بالقراءة فيهما، ويسن أن يقرأ فيهما بعد الفاتحة بقاف والقمر، أوبسبح والغاشية. ويخطب الإمام بعدهما خطبتين، يكبر ندبًا في افتتاح الخطبة الأولى تسعًا، ويكبر في افتتاح الثانية سبعًا. أما حكم صلاة العيد فهي فرض كفاية، وقيل سنة مؤكدة
****************************************
دى عديتى ليكوا واللى عاوز عديته كاش يجيلى بقا المنصوره ههههه يلا تقبل الله منا ومنكم
5 comments | | edit post
undefined
undefined
حكاية روح
عايش... ولكن !!!!
انا عجبتنى اوى الاغنية بتاعة احمد عدويه اللى اسمها حكاية روح جداااا لانه قدر يحكى الموقف ويوظف الكلمات بتاعته انها تحكى الموقف بكل لباقه ...ودى كلماتها
كانت اخر دقيقه فى عمره وكان بردوا بيفكر فيها
كانت واخداه فى حضنها نايمه راسه على ايديها
ولما لمست دموعها خده حس بيها وبص ليها
وباللى باقى من قوه عنده حب يمسح دموع عنيها
كانت لحظه متتوصفشى كانت لحظه متتحكيش
كانت لحظه فيها بمشى وليها كان عايز يعيش
وابتدت صورتها تروح عن عينيه وتيجى تانى
قال ساعتها بصوت مجروح اوعى تنسى فى يوم ايامى
حطت ايدها على شفايفه قالتله انا عايشه بحنانك
ضمت اكتر ليها حضنه قالتله لسه كتير قدامك
كانت لحظه متتوصفشى كانت لحظه متتحكيش
كانت لحظه فيها بمشى وليها كان عايز يعيش
*********************************
1 comments | | edit post
undefined
undefined
آيات الله في الحمام الزاجل
عايش... ولكن !!!!

استطاع العلماء والباحثين بجامعة فرانكفورت الألمانية فهم ظاهرة الملاحة عند الحمام الزاجل وعمله كساعي بريد, لا يضل السبيل ولا يخطئ الهدف إلا إذا تعرض لكارثة تعيق رحلته. وقد كانت الفكرة السائدة عند الإنسان القديم حول اهتداء الحمام الزاجل لسبيله بفضل ما يعرف بالبوصلة الكيميائية التي تعتمد على قوة الملاحظة والذاكرة الجغرافية والارتباط الوثيق بموطنه وبيته. الأمر الذي جعل الإنسان يروضه ويستأنسه ويستفيد من ميزاته. وأهم الميزات التي تجعل الحمام الزاجل ساعي بريد هي: - اعتماد الحمام الزاجل على ميل الشمس

كمؤشر على اتجاهه

لامتلاكه ساعة حيوية داخلية مرتبطة بتعاقب الليل والنهار, وعند التلاعب بهذه الساعة بتعريض الحمامة لضوء اصطناعي قوي تظن أن النهار قد طال, وفي هذه الحالة وعند إطلاقها إلى مسافة بعيدة فإنها تتخذ اتجاها خاطئا, ولكنها تصححه فيما بعد, وبالتالي فإن الشمس تفيد الحمامة في إعطائها مؤشرا على الاتجاه ولا تفيدها في تحديد موقعها الجغرافي بدقة. - وجود بلورات مغناطيسية داخل رأس الحمامة. في عام 1979 فحص العلماء دماغ الحمام الزاجل, واكتشفوا وجود كميات كبيرة من الجزيئات المغناطيسية متمركزة في أسفل جمجمته ضمن نسيج يبلغ سمكه (1 – 2مم), وهذه الجزيئات عند استخراجها تبين أنها تتكون من (بلورات أكسيد الحديد المغناطيسي) ويبلغ عددها حوالي(10) ملايين جزيء تقع في النسيج الدماغي المرتبط ارتباطا وثيقا مع العصب المسؤول عن نقل السيالات العصبية الشمية, وكل ذرة من أكسيد الحديد المغناطيسي تتصرف وكأنها مغناطيس صغير.وهكذا يكون دماغ الحمامة قادرا على تخزين وجهة الطيران في الذاكرة, ووجد الباحثون أن حساسية هذه البلورات تجاه أية تقلبات في شدة المجال المغناطيسي الأرضي مهما كانت ضعيفة هي حساسية دقيقة تساعدها على المقارنة بين شدة المجال المغناطيسي في الأرض التي توجّه إليها وشدته في موطنه الأصلي

يتمتع الحمام الزاجل بمواهب أودعها الله سبحانه وتعالى في جسمه تمكنه من الملاحة الجوية بحيث لا يضل السبيل ولا يخطئ الهدف إلا إذا تعرض لكارثة تعيق رحلته.- قرن آمون في دماغ الحمام الزاجل. عند مراقبة النشاط الدماغي للحمامة أثناء رحلتها أثبت فريق من علماء الطيور في إيطاليا بأن معالجة المعلومات المكانية تجري في جزء من دماغها يدعى قرن آمون.(hippocampus) ويقع في الفص الصدغي من الدماغ الذي يساعدها في ترجمة المعلومات التي تردها من حواسهامنقار الحمام الزاجل وجد علماء الطيور الألمان عند الحمام الزاجل وفي الخلايا العصبية عند مقدمة المنقار جزيئات مغناطيسية نانومترية من صنفين مختلفين من الحديد الممغنط تضمن له معرفة الاتجاه بالاعتماد على المجال المغناطيسي الأرضي. ولكي نتخيل مدى شدة دقة هذا النظام الملاحي المغناطيسي في منقار الطير تجدر الإشارة إلى أن أي تغيير بحدود 50 نانوتسلا ( التسلا وحدة قياس المجال المغناطيسي) في شدة المجال المغناطيسي الأرضي التي تبلغ 50000 نانوتسلا, يكفي لتنشيط النظام الملاحي الطبيعي ولتوجيه الطير توجيها جديدا. - كما أن الحمامة تعتمد على جميع حواسها لتحديد موقعها بدقة, فهي تستطيع تحديد موقعها عن طريق حاسة الشم حيث ترسم لنفسها خريطة لرائحة بيتها وتربط بها الروائح التي تستقبلها من الهواء. وبالتالي فهي قادرة على اتباع تسلسل تلك الروائح التي تحدد من خلالها موقعها, وعند التلاعب بهذه الحاسة بإشباع فتحتي الأنف عندها بروائح قوية فإنها تعاني من إيجاد طريقها. وتحدد موقعها أيضا بالاعتماد على حاسة السمع, فقد تبين بالدراسة أن الحمامة تسمع أصواتا ذات تردد منخفض جدا لا يشعر به الإنسان لتحدد لنفسها خريطة سمعية لموقعها تشمل الأصوات ذات التردد المنخفض الناتج عن أمواج البحر وعن الرياح وحتى عن النشاط الزلزالي للأرض. - وتعتمد على حاسة النظر حيث ترسم خريطة لمختلف المعالم ذات العلاقة بطريقها وبوجهتها النهائية. ولمعرفة الدقة في تحديد المسار والطريق المتبع استعان الباحثون بأجهزة تتبع (نظام التوقيع العالمي gps ) المرتبط بالأقمار الصناعية, عند إلصاقها على ظهر الحمامة لمتابعة مسارها في رحلاتها. والشيء العجيب أن الحمام الزاجل ليس الكائن الوحيد الذي يمتلك مثل هذا النظام الملاحي وهو موجود عند كل الطيور المهاجرة والنحل والدلافين والحيتان بالإضافة إلى سلاحف البحر والكثير من أنواع البكتريا الدقيقة, وكل هذه الأنواع المختلفة من الحيوانات قادرة على تحديد وجهتها الصحيحة بفضل الحقل المغناطيسي لكوكب الأرض. قال الله سبحانه: (هَذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ بَلْ الظَّالِمُونَ فِي ضَلَالٍ مُبِينٍ{11}) سورة لقمان. وقال سبحانه: (وَتَرَى الْجِبَالَ تَحْسَبُهَا جَامِدَةً وَهِيَ تَمُرُّ مَرَّ السَّحَابِ صُنْعَ اللَّهِ الَّذِي أَتْقَنَ كُلَّ شَيْءٍ إِنَّهُ خَبِيرٌ بِمَا تَفْعَلُونَ{88}) سورة النمل. المراجع:القرآن الكريم. الجامع لأحكام القرآن للإمام القرطبي في تفسير الآية (40) من سورة التوبة. قصص الأنبياء للإمام أبي الفداء إسماعيل ابن كثير/ ص(72). القصيدة النبوية للشاعر محمد علي مغربي / ص(130). المجلة الفرنسية science et vit آذار. .
0 comments | | edit post
undefined
undefined
متى نستيقظ
عايش... ولكن !!!!
لابد أن نعلم جميعاً أن دولة ( إسرائيل ) هى دولة دينية ، ودينية متعصبةحتى النخاع ... وبداية نشأتها كانت عن عقيدة دينية ...ومازالت كل خطواتهاتحركها معتقدات دينية تلمودية محرفة ... وشعار أن اسرائيل دولة علمانيةأكذوبة كبرى ...بل هى دولة قائمة على عقائد دينية هدفها هو دولة اسرائيلالكبرى ... وإعادة هيكل سليمان ... وإنشاء مملكة المسيح على الأرضواليهود فى جميع أنحاء العالم عقيدتهم واحدة ، وهم جميعاً يعملون من أجل هدف واحد .. وهو إعادة مملكة إسرائيل .. حتى ينزل المسيح من ملكوته فى السماء إلى ملكوته فى الأرض ليحرر اليهود ويقودهم فى معركتهم الكبرىضد الإسلام ، بل وضد المسيحية المحرفة فى عقيدتهم .اليهود ومنذ عودتهم من السبى البابلى وهم يعيشون ويخططون من أجل هذاالوهم التلمودى .. ومن العجب أنهم استطاعوا أن يقنعوا بعض المذاهبالمسيحية بمساعدتهم فى إنشاء هيكل سليمان من أجل عودة المسيح حتىأصبح الهدف واحد اً وخاصة الولايات المتحدة الأمريكية.فالموضوع ليس مجرد هدم وتعديل وتهويد لبيت المقدس .. إنما هدف وعقيدةاسرائيل ومعها أمريكا حتى أصبحا يسيرون نحو هدف واحد .. هدم المسجد الأقصى وبناء هيكل سليمان .. وإنشاء مملكة الميسح من النيل حتى الفراتوالخطة تسير بخطوات محكمة ... بالأمس العراق .. واليوم الأقصىوغداً مصر .....هؤلاء لايضيعون وقتاً .. ومعتقداتهم تتغلغل فى نفوسهم جيل وراء جيلنحو الهدف ......وماذا عنا نحن ؟؟؟؟؟يقول مثقفونا والذين ارتموا فى أحضان أوهام غرستها الصهيونية الأمريكيةفى عقولهم ... أن الدين خرافة .. والعلمانية هى الهدف المنشود وطوق النجاةويسخرون من كل صوت يعلو لينبه .. من كل صوت يحاول إيقاظ النيام .....إنهم يضعون لنا المخدر حتى نتخدر ونغيب عن الوعى وحين نستيقظ يكون كل شئ قد انتهى ... فى الوقت الذى يحرك الدين اسرائيل وأمريكايريدون نزع الدين من قلوبنا ... لأنهم يعلمون جيداً ماذا يمكن أن يحدثإذا تيقظت العقيدة الإسلامية فى النفوس ... حينئذ يخرج المارد من قمقمههذا المارد وهو مايخشونه ويحاولون بكل ماأوتوا من القوة ألا يخرج من قمقمه لأن ساعتها لن يكون لهم طاقة بالوقوف فى وجهه....فهل سيأتى اليوم الذى يخرج هذا المارد من القمقم ؟؟؟؟؟؟؟_________________
3 comments | | edit post
undefined
undefined
الا ديننا
عايش... ولكن !!!!
انا بجد بكتب البوست ده وانا دموعى هتنزل من عنيا على اللى بيحصل لديننا
بجد حرام حراااااااااااااااااااااام اللى بيحصل للاسلام ده
يعنى مش كفايه الصحف اللى نشرت صور الرسول وحصل اللى حصل
هتقولولى احنا مش فاهمين حاجه طيب انت ليه اخترت الموضوع ده
اقولكوا
اصل انا فى موقع اتفتح معايا بالصدفه ولقيت انه مسىء جدااااااااااا بطريقه بشعه للاسلام وحاطط صور بيقول ان ده الرسول وهو فى اوضاع مسيئه جدا
طيب انا حاسس انى متقيد ومش قادر اعمل حاجه
عموما انا هسيب اللينك بتاع الموقع ده علشان تتاكدوا من كلامى
www.bombislam.com
2 comments | | edit post
undefined
undefined
للى ميعرفش احمد فؤاد نجم
عايش... ولكن !!!!
البطل الثائر ملهم الجماهير الفاجومي الشاعر الحبيب
حفظه الله وامد في عمره احمد فؤاد نجم
قال عنه الشاعر الفرنسي الكبير لويس اراجون
ان فيه قوه تسقط الاسوار
واسماه الدكتورعلي الراعي الشاعر البندقيه
الرئيس الراحل السادات يسميه الشاعر البذيء
ولقب بآخر الصعاليك المحترمين
وبشاعر تكدير الامن العام
من مواليد مصر شرقيه
1929 ولد عام
بسبب شعره سجن ثمانيه عشر عاما
.................وانا نشرت قصيدة جديده ليه غير قصيدة الرئيس اقروها اكييد هتعجبكوا .........
2 comments | | edit post
undefined
undefined
موال الفول واللحمه
عايش... ولكن !!!!
عن موضوع الفول واللحمة صرح مصدر قال مسئول
ان الطب اتقدم جدا والدكتور محسن بيقول
ان الشعب المصري خصوصا من مصلحته يقرش فول
حيث الفول المصري عموما يجعل من بني ادم غول
تأكل فخده في ربع زكيبه والدكتور محسن مسئول
يديك طاقة وقوة عجيبة تسمن جدا تبقى مهول
ثم اضاف الدكتور محسن ان اللحمه دي سم أكيد
بتزود أوجاع المعدة وتعود على طولة الايد
وتنيم بني ادم وتفرقع منه المواعيد
واللي بياكلوا اللحمة عموما حيخشوا جهنم تأبيد
يادكتور محسن يامزقلط يامصدر ياغير مسئول
حيث ان انتو عقول العالم والعالم محتاج لعقول
مارأى جنابك وجنابهم فيه واحد مجنون بيقول
احنا سيبونا نموت باللحمة وانتو تعيشوا وتاكلوا الفول
مارأيك ياكابتن محسن مش بالذمة كلام معقول
************************************
الموال طبعا لاستاذى الكبير احمد فؤاد نجم
1 comments | | edit post
undefined
undefined
لانى احبك
عايش... ولكن !!!!
تعالي أحبك قبل الرحيل فما عاد في العمر غير القليل
أتينا الحياة بحلمٍ بريءٍ فعربد فينا زمانٌ بخيل
حلمنا بأرضٍ تلم الحيارى وتأوي الطيور وتسقي النخيل
رأينا الربيع بقايا رمادٍ ولاحت لنا الشمس ذكرى أصيل
حلمنا بنهرٍ عشقناهُ خمراً رأيناه يوماً دماءً تسيل
فإن أجدب العمرُ في راحتيَّ فحبك عندي ظلالٌ ونيل
وما زلتِ كالسيف في كبريائي يكبلُ حلمي عرينٌ ذليل
وما زلت أعرف أين الأماني وإن كان دربُ الأماني طويل
تعالي ففي العمرِ حلمٌ عنيدٌ فما زلتُ أحلمُ بالمستحيل
تعالي فما زالَ في الصبحِ ضوءٌ وفي الليل يضحكٌ بدرٌ جميل
أحُبك والعمرُ حلمٌ نقيٌّ أحبك واليأسُ قيدُ ثقيل
وتبقين وحدكِ صبحاً بعيني إذا تاه دربي فأنتِ الدليل
إذا كنتُ قد عشتُ حلمي ضياعاً وبعثرتُ كالضوءِ عمري القليل
فإني خُلقتُ بحلم كبير وهل بالدموع سنروي الغليل ؟
وماذا تبقّى على مقلتينا ؟ شحوبُ الليالي وضوء هزيل
تعالي لنوقد في الليل ناراً ونصرخ في الصمتِ في المستحيل
تعالي لننسج حلماً جديداً نسميه للناس حلم الرحيل
********************************************************

القصيده لاستاذى الكبير :- فاروق جويده
4 comments | | edit post
undefined
undefined
دعاء ثابت لرد الضاله
عايش... ولكن !!!!
ثبت في الصحيح أن ابن عمر - رضي الله عنهما - سئل عن الضالة فقال :( يتوضأ ويصلي ركعتين ، ثم يتشهد ، ثم يقول : اللهم راد الضالة ، هادي الضلالة ، تهدي من الضلال رد علي ضالتي بعزك وسلطانك ، فإنها من فضلك وعطائك ) ...والضاله هى الشىء الذى يضيع من شخص ما
5 comments | | edit post
undefined
undefined
بسم الله الرحمن الرحيم
عايش... ولكن !!!!
اللهم اغننا بحلالك عن حرامك وبك عمن سواك
وصلنا خلاص لاخر رمضان وعلى اعتاب عيد الفطر اعاده الله علينا جميعا بالخير واليمن والبركات
وان شاء الله هيكون فى على البلوج هنا احاديث نبويه وفتاوى وطبعا مش من عندى هيكون قبل الفتوى مين اللى افتى بيها
علشان تكونوا على ثقه من ده ......وربنا يتقبل منا ومنكم
0 comments | | edit post
undefined
undefined
فضل قيام الليل
عايش... ولكن !!!!
قيام الليل سُنة مؤكدة , وقربة معظمة في سائر العام , فقد تواترت النصوص من الكتاب والسنة بالحث عليه , والتوجيه إليه , والترغيب فيه , ببيان عظم شأنه وجزالة الثواب عليه , وأنه شأن أولياء الله , وخاصة من عباده الذين قال الله في مدحهم والثناء عليهم : " أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ الَّذِينَ آمَنُوا وَكَانُوا يَتَّقُونَ لَهُمُ الْبُشْرَى فِي الْحَيَاةِ الدُّنْيَا وَفِي الْآخِرَةِ لَا تَبْدِيلَ لِكَلِمَاتِ اللَّهِ ذَلِكَ هُوَ الْفَوْزُ الْعَظِيمُ " [يونس، الآية: 64]
وأخرج الإمام أحمد وغيره عن أبي مالك الأشعري - رضي الله عنه - قال : قال رسول الله , صلى الله عليه وسلم : " إن في الجنة غرفا , يرى ظاهرها من باطنها , وباطنها من ظاهرها , أعدها الله لمن ألان الكلام , وأطعم الطعام , وتابع الصيام , وصلى بالليل والناس نيام "
*************************************************************
فاللهم اعنا على الصيام وعلى القيام وعلى قراءة القران
0 comments | | edit post
undefined
undefined
قصيدة للرئيس
عايش... ولكن !!!!
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
******************************************
طبعا القصيده لاستاذى:- احمد فؤاد نجم
2 comments | | edit post
undefined
undefined
عايش من غير حب
عايش... ولكن !!!!
فاتت شهور وايام ولا حد حاسس باللى فيا
بداوى جراح والام والله ده كتير عليا
واحاول اقول واتكلم علشان قلبى ما يتالم
الاقى الجرح بيعلم وارجع اعيده من تانى
على فين يا دنيا وخدانى والله انا لسه وحدانى
لا ليا حبيب يضيع منى ولسه القلب بيعانى
يا ترا يا قلبى نسيت الحب ولا الحب اللى نسانى
عايش بعيد ومتغرب والحب بعيد ما بيقرب
ولو ندهتلو يهرب واندب حظى من تانى
قالوا الحب ده نصيب منين ما تروحله هيجيلك
كله مقدر ومكتوب ولو مابتحبوش هو ده نصيبك
ارضى يا قلبى بالمقسوم وسيب القلب لحبيبك
ولو حتى بقيت مظلوم بلاش تظلم معاك غيرك
0 comments | | edit post
undefined
undefined
انجرح قلبى ....(ضاع الكلام ) بموت فيها..
عايش... ولكن !!!!

ضاع الكلام
ضاع الكلام من ع الشفايف....اول ما كنت بعينى شايف....
ايدها بتسلم عليه
واتاكد الشك جوايا ....والحيره اللى كانت ويايا.....
لما جت عينها فى عينيه
ساعتها القلب انجرح....والحلم اللى كان كله فرح....
كله فى ثانيه ضاع
راح الحب اللى عشناه ....والبيت اللى تعبنا فى بناه....
فى لحظه طيش منها
كان نفسى الحب يستنى اكتر....كان نفسى العشق يزيد ويكبر
بس مات الحب مننا
كفايه دموع وجراح....كفايه بكى ع اللى راح.....
وانسى الحب اللى كان
ده حب ما يستهالش ....وخداعه ما يتوصفش....
ولا حتى فى الروايات
ياما انجرحنا وذادت آلامنا.....وكتير انجرحنا وكتر خصامنا....
وبنرجع من تانى نحب......وننسى ايام عزابنا....
بس المره دى لا.....لا يا قلبى والف لا....
انا شوفت بعينى..!!
هنسى الحب اللى كان....وكمان ايام زمان...
وادور على حب جديد
بس عقلى مل من التفكير....وقلبى بقا بيتألم كتير
ولا حد حاسس باللى فيا
الكل بيحاول يخدعنى...ويشاور بايده يودعنى...
يمكن دمعه تنزل من عنيه
ساعتها يحسوا انى ضعيف ....والربيع كان جوايا خريف...
وسهل انى اموت من جديد
***********************************
####شاعر فى زمان بلا مشاعر####
0 comments | | edit post
undefined
undefined
احببتها
عايش... ولكن !!!!
نعم ...احببتها
اجبتك اخيرا يا قلبى
نعم يا قلبى...نعم احببتها
احببتها انـت قبلـى
فـلـم استطع رد حبــك لها
احببتها كثيراولكن لا
اعرف قدر تعلق قلبى بقلبها
اما الذى اعلمه يقينا
انـنـى فعـــلا احـبــها
اتعلم مدى سعادتى
عندما تلتقى عينى بعينها
يسبقنى قلبى اليها
ويرتمى تحت قدمها
فيقول افعلى بى ما شئت
فهو يحس بأنه عبدها
واهيم انا فى بحور عينها
وانسى همومى والناس كلها
نعم اقسم بكل ما فى الكون
انــى حقـا احبـــــها
فترفق بى يا قدرى
ولا تفرق بينى وبينها
************************
####شاعر فى زمان بلا مشاعر####
0 comments | | edit post
undefined
undefined
ترفق بى يا زمانى
عايش... ولكن !!!!


ترفق بى يا زمانى


ترفـق بــى يـا زمانــى
ولا تـقـل انـنـى الجانـى
طالما كنت المجنى عليه
فكرهت وضعى الحالى
نعم تمردت عليك ايها الزمان
ولكن ليس كأى انسان
وها قد اتخذت قرارى
وكتبت انا بيدى اقرارى
اقرار بأن احيا ولا اموت
وان اخرج فوق التابوت
اقرار بان اخرجك ايها القلب
وان اضع مكانك خطوط
خطوط لا يدخل احد بينها
ولو دخل ...يعصر كالتوت
فلا تلين لجنس النساء
ولا تضيع وقتك هباء
فالمراة تحب الاخذ والثناء
ولا تعرف شيئا عن العطاء
وتـعـبـدك مــا دمــت
ذو مــال وثــراء
ولا تنظر اليك اذا
كان اهلك فقراء
فعجبا على رجل
احب فى الخفاء
احب بنتا تمشى فى خيلاء
ولم يكن يعلم ادنى الاشياء
وحين علم......علم انها من السفهاء
فهذا هو الزمان وذاك هو الانسان
فلا تكن هذا ولا ذاك وكن فيها كأقل انسان

0 comments | | edit post
undefined
undefined
الصراع الطبقى (حدثت ليا انا واقعيا )... الغنى&الفقر
عايش... ولكن !!!!
اذكر ذات يوم بينما انا آتى من جامعة الزقازيق التى بها دراستى ... وكان ذالك اليوم احد اصعب الايام فى حياتى حيث اننى يومها كنت قد استلمت نتيجة اول سنه دراسيه بكلية الهندسه وكنت قد علمت يقينا اننى دبلرت ( سوف اعيد) هذه السنه ( اعدادى هندسه) وكانت موجه شديده من الحزن تسيطر عليا فجلست فى الميكروباس ولا ادرى كيف حدث هذا... بل والادهى والامر اننى لم اكن اعلم كيف احدث اهلى بهذه النتيجه القاسيه؟؟
ووسط كل هذه التقلبات جلست ووجهى متجه نحو النافذه ولا اشعر بما يحدث حولى.... وبينما انا فى طريقى ..ووسط كل هذه الاحداث التى تدور فى راسى اذ بالميكروباس يتوقف عند تقاطع طريق وأجد عينى قد شدها موقف اعتقد انه يستحق التفكير.... لقد وقعت عينى على ولد لا يتجاوز الثالثة عشر من عمره.. وقد اسود وجهه كاظلام الحالك من كثرة التحرك فى الشمس الحارقه... وكان ينحنى على علب الزيت الفارغه وكل ما هو علاقه بالعمل بـ"الروبابيكيا" اى الاشياء المستعمله التى يمكن ان يعاد تصنيعها...وكان رغم كل هذا العناء ارى على وجهه ابتسامة الرضا..وبينما هو منحنى وانا انظر اليه اذ بسياره اوبل فيكترا تقف بينى وبينه تنتظر حتى تستطيع المرور وليست هى السياره التى جذبت انتباهى وانما الذى جعلنى حقا افكر كثيرا هو ان الولد هذا نهض من انحناءه ولاحظت ان تعبيرات وجهه تغيرت من ابتسامة الرضا الى احساس بالزل والانكسار والغضب وامتلأت عينه بالدموع....!! فتساءلت
ماذا حدث لكل هذا؟؟؟!!! .. فمددت بصرى لارى ما بداخل السياره...فعرفت ماذا دار بداخل هذا الولد ....
لقد رأى بداخل السياره شاب اخر لا يتجاوز السابعة عشر من عمره وهو الذى يقود هذه السياره وليس هذا فقط ... وبيده سيجاره ماركه اجنبيه(قد تكون مارلابورو) فحدث داخل هذا الولد مقارنه بين حاله الذى كتب عليه الشقاء ولن يستطيع ان يخرج من ظلمة الفقر على الرغم من عمله صغيرا وبين هذا الشاب الذى قد يكون لا يعمل ومتوفر له كل هذا... وكنت قد لاحظت فى يد هذا الولد نصف سيجاره كان قد التقطها من على الارض (سبارس كما يقولون) ....
وقد مضى هذا الشاب بسيارته ونحن قد مضيناوانا لا اريد ان ارحل لارى ما سيفعل هذا الولد لكنى ايقنت انه سيعود له الاحساس بالرضا رغم كل هذا اللحظات المؤلمه .... فسبحانك يارب لولا ذلك الولد وامثاله لن نستطيع ان نعيد استخدام الاشياء هذه وسنعيش فى قذاره.... سبحانك يارب يا من الهمته الرضا بالقليل والقناعه بما قد قسمته له ................
""يارب الهمنا دائما القناعة بما فى ايدينا ""
******************************************************
#### شاعر فى زمان بلا مشاعر ####
3 comments | | edit post
undefined
undefined
قصة لمستها بايدى لاحدى صديقاتى
عايش... ولكن !!!!
راجع يحلف بحبك
وندمان انى سبتك
حاولت انسى صورتك
فضل فى قلبى حبك
عايش عشان بهواكى
واملى دلوقت رضاكى
انسى انى يوم زعلتك
او حتى جرحت قلبك
مش قادر اعيش فى بعدك
سامحينى وخلينى جنبك
عاوز دلوقت ردك
عاوز اسمع بحبك
........................
رديت عليه بحنيه
وقولت استنى شويه
خلص انت الكليه
وقدامنا السنين جايه
كرامتى ردت عليا
ازاى انسى القسيه
فاكرنى لعبه غبيه
وعاوز يلعب بيه
يسيبنى بعد شويه
وشويه ويرجع ليه
هنساه مهما كان
وانسى ايام زمان
وادور على حب تانى
يمكن القى الحنان
****************************
#### شاعر فى زمان بلا مشاعر####
2 comments | | edit post
undefined
undefined
اخر ما كتبت وهى قصة صديقة ليا(والقصيده على لسانها) يارب تعجبنكوا
عايش... ولكن !!!!

قلبك ده غالى عليا وبعادك بيقتل فيا
لكن فراقنا ده قدر واحسن ليك وليا
كتير قولنا نبعد وانت بترجع وتعند
وتقول والله بحبك ده حبك ده كل ما ليا
وارجع من تانى ليك منا قلبى ميال اليك
يمكن بغير عليك بطمن وانا بين ايديك
اه بقول بحبك وكتير بسمعها منك
وزى ما حاسسها قلبى اكيد حاسسها قلبك
لكن مش قادره ارجعلك برغم انا قلبى ملكك
مستنايك ترجع وتقولها ترجع وتقولى بحبك
من غير ما اقول مستنيه لقيتك جاى عليه
وعنيك بتنطق كلام متفهموش الا عنيه
وقالها وحسيتها منه بحبك يا كل ما ليه
مقدرتش استنى اكتر ولا حتى اقعد وافكر
ولقيتنى بقول بحبك يا مالك قلبى واكتر
...............................
####شاعر فى زمن بلا مشاعر####
1 comments | | edit post
undefined
undefined
قصه شعريه (واقعيه) من تأليفى
عايش... ولكن !!!!
جاءت اليا مسرعة ..تريد الان تلقانى
فقلت ببالى لم اللهفه اعرفت الان عنوانى
ظللت العمر اعشقهاواخفى نبض وجدانى
قالت انتى احب انسان والحب اراه سلطانى
لكنى اهاب ان اصارحه فيهرب منى وينسانى
اريـــدك ان تساعـدنى فقد مـلأتنى احزانى
فقلت:- أئنى لاعرفه؟! قالت كما تعرفنى وتلقانى
فاحسست بأنها تقصدنى وتريد سماع الحانى
واحدثها عن شوقى واضمها بين احضانى
وتخيلت اننى طير وكنت وراء قضبان
فسالتها متعجلا لاهدىء نــار بركـــانى
هل تقولى يا عمرى بانك كنتى تهوانى؟؟!
قالت:- ومازلت احبك فحبك انت احيانى
فما قولك يا حبى؟؟... اريد ردك الان
فقلت:-هواك انت يا قلبى كنت اراه سجانى
لكنى اليوم اراه موجة تعود لدفء شطآنى
اعاهدك الان يا روحى لحبك زهر بستانى
وانى ما دمت اتنفس سيكون هواك اوطانى
.........................................
####شاعر فى زمان بلا مشاعر####
3 comments | | edit post
undefined
undefined
فرحان يا عالم
عايش... ولكن !!!!
الحمد لله على كل شىء طبعا ...ويارب يكون فرحى ده خير بس انا فرحان علشان اخويا الكبير ومثلى الاعلى واللى له مكان كبير اوى فى قلبى (بهاء) الحمد لله ربنا وفقه وخطب وان شاء الله هيكون فى ليله ولا الف ليله وليله ...
المهم ادعوله هو وهى انهم ربنا يوفقهم فى حياتهم
....امين يا رب.....
1 comments | | edit post